我唔認為打針要用顏色去選擇
1個讚
有，我有一個港豬朋友打左科興，不過聽完我無再問佢點解，早排爆出打兩針原來抗體得咁少，佢成個企左喺度，話暫時唔考慮打第三針。
2個讚
我老公打咗3針4兄。
打咩針係個人決定，我唔會阻人選擇，亦唔好理人點諗你。
1個讚
我會提供資訊囉，佢自己行去都冇計
關顏色咩事呢。信科興數據咪去打囉，無人阻止㗎。
4個讚
我有朋友因為身體問題所以打科興，醫生話副作用比較少。不過都打都只係因為要返工
，逼於無奈，因為唔打連工都冇得返
2個讚
唔關顏色事，係智商有啲事
或者你群埋啲咩人都好影響你吸收啲咩資訊
智商高啲嘅會自己搵數據，而唔係就咁信人講
11個讚
佢哋話副作用低啲，根本唔理有冇效，我某啲家人全打4兄，冇事算佢哋好彩
淨係呢句已經知佢哋吸收咗錯誤資訊
好似錄音機咁「副作用低啲」，死咗嘅唔計？
3個讚
我諗醫生講既副作用低D 既意思係4 兄係用傳統技術研發，唔係新技術mRNA，所以長遠副作用可能會少D，最多只係冇效。
好多藍絲都唔打
1個讚
最多會死喎，如果你信政府次次都唔關事咪無事囉
2個讚
因為死咗，所以唔算「長期副作用」…
2個讚
又啱喎，仲永久防疫添
1個讚
點會唔關顏色事？科興係大陸嘢，唔信已經係黃絲思維
Nancy出名onx9，打科興一樣，所以Nancy會打科興
3個讚
咁又唔可以咁講既，打Biontech 一樣有死人。不過話說回頭，根本呢隻疫苗咁急推出來，佐期/長遠風險係點都係未知之數。
有幾個朋友類似，例如有人知道身體其實都好唔適合打針，復必泰死硬，打兩針科興結果無事。
唔信MIC，不過某程度上兩種已經唔係好一樣嘅嘢。按照呢兩年香港個案同聽到嘅傳聞（未必準確因為唔會齊），科興普遍反應細好多，死亡個案多但集中係長者。復必泰死亡率唔高，但普遍有強烈反應，亦唔少嚴重甚至長期副作用。
唔考慮副作用，科興整體死亡率應該高過復必泰好多，但係就算考慮到年輕人打復必泰比例高過科興，年輕人打科興死亡率感覺低過復必泰，前者幾乎無聽到，後者起碼都大概聽過（例如今日13歲女仔，之前有個做Gym死）
兩者實際副作用等數據，其實大家都無，因為呢支針都係試驗階段，唯一見到可以肯定嘅係兩者都可以有嚴重副作用，其他都係唯有靠自己觀察，無人可以講到比我地知。
如果純粹為食飯（都唔應該逼），都勉強叫做有選擇，但係基層真係未必可以轉工/自費檢測，某種程度上已經係唔打針無得生活。有D去打科興唔係信產地，而係因為睇到非長者打完死亡同嚴重副作用都比復必泰少。
都已經唔係顏色事，唔係單純話信唔信嘅問題，佢地係要用生命去做決定。如果有得揀，兩支都唔信。
16個讚
但你又咁肯定科興無？
1個讚
我意思係所有武肺疫苗既風險其實都仲係未知之數，始終疫苗推出時間咁短，數據都可能未係咁全面。