我相信我同呢度好多sis 嘅問題一樣. 永遠得唔到老公心靈上嘅滿足.
同老公結婚9年幾, 佢係一個好男人, 好爸爸, 對我同個女從來都唔會孤寒。但係心靈上佢係一碌木, 一舊雲, 一面牆. 咁多年尼無論投訴幾多次, 喊幾多次, 都係冇改變過. 投訴完頭幾日關心你多D. 之後都變返一樣.
連我自己都慢慢築起一埲牆
今日我又忍唔住爆佢. 我話我明白你做野好辛苦, 我做野都好辛苦 (大家都有full time job) . 我仲要湊個女(佢好多時間要出差). 我唔係要你physical 上幫我解決問題, 我地係mentally 缺少左D 野. 你明唔明.
今日我得到一個令我唔識反應, O 哂咀嘅feedback. 佢話 “咁你話比我聽, 我應該點樣關心你多D?”
識左佢十幾年, 佢叫我教番佢轉頭點樣一步一步關心番我自己.
想請教親子group sis, 係咪我嘅問題? 心靈上想佢關心係咪我要求太多? 某D 男人係咪真係就算你殺左佢佢都唔識開口關心你?
樓主我咁講你可能唔啱聽，但我覺得你老公嘅回應係正面，佢冇迴避你，亦冇迴避問題，仲請教你，你係想點樣，點樣先最符合你嘅需要。有啲女人需要買物質既野，有啲需要講心事，有啲需要身體接觸… 對症下藥好過盲中中去撞喎
我覺得你想老公點，你可以照直講呀。佢而家唔識，咪令佢識囉。佢唔識，唔代表佢冇誠意。相反，佢知自己唔識，亦表示肯學，肯付出，我覺得好好呀。十年之間變化可以好大，由初相識怕怕醜醜去到而家可以喺對方面前放屁，雖然physcially 你都係同一個人，但你哋之間嘅dynamic 改變勁多，有啲嘢你以前好在乎嘅，而家都未必記得啦。
mr right 唔一定係一個天生就識得令你開心嘅人，effortless 地識得自動解決你哋之間問題嘅人，而係無論你地之間係點，都願意去學習even 去改變自己嘅人。
你冇問題呀，你先生都冇問題。你上嚟理性問問題，同時間你先生問你想點，都顯示你地都想解決問題，肯去改變，就算改變得慢，只要on the right track，你哋最後都會去到嗰個目標。
我覺得起碼佢會開口問你，呢個係溝通嘅第一步。
好多人，不論男女，係唔鐘意估估吓，要估對方想點。既然你老公開口問，你可以直接講比佢聽，你想佢做啲咩，如果講完佢有做就得啦。
其實佢咁問=佢好有誠意想滿足你, 咁你都可以坦白講你想佢點做丫
定係其實你都講唔到點先係關心多D? 咁佢都好難知道自己要點做
同埋我覺得最重要係, 你要求佢做到某D野之前, 你自己做唔做到?
男同女嘅心靈同思想的確差好遠㗎。佢哋極多數都係理性主導, 多數女人係感性主導, 所以佢哋真係唔會明白女人心靈上嘅需要, 就好似好多女人唔明甚至投訴男人依樣嗰樣一樣。唔係話你錯, 但你想你依位"極理性"老公明白你的話, 真係要畫公仔畫出腸, "心平氣和"地俾佢知你想佢點, 但同時你都要同佢溝通多d, 睇下佢有無咩想你改善。你都識話佢係個好男人, 大前題要大家明白, 依d 唔係指責(記住唔好指責), 係令依段關係行得更長久。
其實呢，我作為男人既建議，佢肯問你，你真係不如講清楚，我都係同我老婆鬧交左幾次，講清講楚互相理解先有而家既生活，至少我覺得我地係恩愛既，應該
真係好多謝sis 回覆. 就算得唔到老公安慰. 起碼有呢度sis 傾下
我咁講可能大家覺得我好mean.
咁多野自問我做足, 我有關心佢工作. 佢生日我去book食飯. 亦都有同佢講過我想佢開口關心我 (e.g. 做野, 湊女) 我講過我唔係要佢physically 幫我, 我要求好簡單, 就係打個電話慰問下, 見到面主動book間餐廳二人世界. 我唔係冇講過.
就連今日我爆完佢, 都係我都主動打番比佢, 問佢明唔明大家問題係邊.
我真係覺得自己係呢段關係上cheap到無可再cheap, cheap過地底泥.
呢個問題可能好白痴, 但係我唔明點解我要做到呢個地步?
係, 佢係一個"極度理性"男人. 呢個term好like
其實會唔會佢真係唔明點先係關心
如果有D可以量化既行為, 不如你set個action plan 比佢
i.e. 佢每日lunch time打比你傾下計 / 訓前大家係床上傾計share下今日做過咩
每個星期搵一日佢book檯同你食飯
但係我覺得… 到時可能你又伯覺得佢做既野好例行公事, 又會唔滿意
男人有時真係好死咕咕, 同女人追求既野好唔同
我有時都同自己講, 只要老公對我同個仔好, 一心一意唔會去滾, 係一個負責任既老公同爸爸, 我都唔會要求佢D咩, 只會令自己激氣
你嬲佢佢都唔會明你嬲咩, 長遠又係影響感情
緊係唔係cheap啦，點解咁講自己！
正如你所講，佢係一碌木黎架！
對牛彈琴，咁點啊？咁咪要畫公仔畫出腸囉
我明白你既感覺，你想佢氹你
但碌木又點識氹人呢？
所以你要比啲機會佢，直接啲講想佢點樣做
可能自己製造2人世界機會之類
一踢一郁都唔緊要，好過踢都唔郁
我另一半都係唔識主動關心人
我個解決之道係：
第一，唔要求佢主動。有啲人有啲嘢係永遠都唔會改到，我就當佢成世人都學唔識主動關心同慰問，為求自己開心，首先要自己放棄呢個要求。
第二，我好主動去叫佢做。例如我嗰日行程好豐富，我會同佢講，喂你快啲問吓我攰唔攰啦！你估吓我今日開唔開心？你估吓我今日同啲朋友傾咗咩？你知唔知我個friend今日又串我啲乜乜乜呀！講完佢咪即刻問。有想食嘅餐廳就叫佢去訂檯，有想買嘅嘢叫佢去買，有想去嘅地方就share資料俾佢睇，然後大家再夾好日期去。有啲特別日子想佢有表示就喺calendar set reminder(我哋個calendar係shared的），雖然佢送啲嘢99.9%唔啱心水，但無期望就無失望。
我唔知做到咁算唔算cheap,但我覺得自己無再強求佢主動後，大家感情好咗好多。
"我有時都同自己講, 只要老公對我同個仔好, 一心一意唔會去滾, 係一個負責任既老公同爸爸, 我都唔會要求佢D咩, 只會令自己激氣 "
呢個就係我而家嘅心態. 我已經極力催眠自己 – “冇期望, 冇失望” . 但係其實係冇可能. 因為佢係你另一半. 除非你同佢completely無左關係, e.g. 離婚. 否則冇可能一D期望都冇.
“你嬲佢佢都唔會明你嬲咩” – 你講得好啱. 佢地真係係一種好奇怪嘅生物
我同你差唔多, 我都覺得呢個相處模式好好
佢又有做到佢要做既, 我又覺得佢好愛我
我都唔會要求佢D咩, 只會令自己激氣
我意思係我唔會要求佢自發佢搞一D好以好浪漫既野, 因為佢唔識, 做唔黎
我想佢浪漫我會直接同佢講我想佢點
i.e. 有一年情人節我同佢講, 我地識左咁耐你都無送過花比我, 你今年送花比我啦, 之後佢買左永生花比我, 同我講就好以我地咁, 可以一直係埋一齊 <-姐係你唔叫佢送佢唔識, 你叫佢送, 其實佢都可以自己買, 你有花收又開心咁, 但你唔好要求佢自己諗到要送花比你
點會cheap, 其實你老公都有主動想維繫，起碼佢主動問。
男人有時就係咁，我老公都係，因為係佢角度，佢覺得用口問嘅關心係無用，所以即使你有關心佢，佢又無特別覺得窩心，自然唔會做返出黎。我老公係實幹型，佢見我多野做，就放工返黎幫手湊仔，對於呢類型嘅人，要心理關心只係同你預期錯配。
如果樓主真係想要心靈上關心，學樓上話齋，直接量化，例如三餐whatsapp, 特別節日寫定係日曆，平時講定有咩餐廳想食，你老公只係執行，咁樣大家都會舒服啲。
同埋樓主，識氹女仔嘅男人又唔會咁老實，尤其你老公要出差，到時你可能變左要驚佢出軌。
好認同, 記得之前連登有個post, 係一個好講講野同tum人既人夫開既, 講佢點周圍出差同食女, 但佢同佢老婆好恩愛…
多謝sis關心.
其實我係好appreciate佢會幫手做家務, 主動湊女. 我知道佢工作好辛苦. 好大壓力.
我倆都係好tough 嘅人, 所以冇咩野我都唔會主動煩佢.
你講得好啱, 係預期錯配, 佢覺得phsycial 上幫我解決問題 (e.g. 問我洗唔洗請helper). 但係我想要嘅野唔係呢樣而佢又唔明.
覺得好好笑但現實可能就係咁. 
好而唔出軌嘅木獨男人. 要好似教小朋友咁 point 1 (點關心我). point 2 (點關心我), Point 3 (點關心我)
仲要自我安慰 “雖然佢木獨, 但佢唔出軌已經算好好啦”
其實我係明白. 只係催眠自己去到某個點都係會忍唔住.
佢問你時態度如何？
負氣咁問定誠懇咁問？
誠懇：咁佢真係想改善雙方關係。
負氣：佢覺得自己做咗好多，你都仲唔滿意。
我會迫佢做一啲嘢，佢唔做我會發癲到佢做為止。因為拍拖時佢好緊張我，做少啲我都唔收貨，所以佢慣咗
可能一拍拖開始我已經有咁嘅要求，佢知道佢懶會失去我。而我絕對唔會怕失去佢，我態度係：我冇咗你冇問題
當然我要求一啲都唔高，基本關心交帶，重要三個日子（雙方生日加結婚週年）一定要慶祝仲要佢主動，唔可以只掛住打機屋企乜都唔理（我會忟插蘇，我未試過但佢知我做得出）
十幾廿年，我冇減過要求，亦唔會減，佢做唔到唔該變返單身