樓主會唔會諗多咗？
唔好話男人，我係女人見到樓主你咁其實都覺得好唔明。
講真，工作上做野已經好辛苦，得閒又要幫下手做家務湊下囡。點知轉個頭個老婆仲要埋怨自己唔識氹佢。
不如我咁問啊，樓主結婚前你老公係點樣追你架？
其實你都係想間唔中有啲驚喜，得閒又收下花，可能間唔時又出去二人世界食個飯，又或者有啲小禮物，再唔係就要多啲啲心思整下手工送俾你。
我係女人就話都叫明你想要哩啲姐，男人分分鐘覺得都老夫老妻，點解仲要做哩啲門面野。
其實咁樣要花心思氹一個人都好攰架，做落又唔可以唔繼續做。
如果你話你都有咁樣氹你老公嘅，咁你覺得攰咪停一停抖一抖。
呢個真係…勁似我個case.
做左父母之後。
我成日番到屋企老婆都係黑口黑面。我知我心靈上係滿足唔到太太。
當我以為請helper 起碼physically幫到手既時候，佢直情對我大罵 X（
我都好想知，關心一，關二同關心三實際係點。
就算番工都會wtsapp問下媽咪情況，每日番屋企同媽咪打左招呼先睇小朋友。但呢d野好似只係杯水車薪。
我完全明白呀，google左下，原來呢種都係精神虐待嘅一種。
我之前意識到，就叫佢改，睇多d書學點同人溝通。結果一個月後因為小事我嬲到講分手，之後消左氣都唔想同返佢一齊，唔想講野比人無視
我覺得呢個係通病，生左小朋友，連稱呼都變左媽咪，其實佢係你老婆，諗返拍拖嗰時係點，你係以佢為第一角度諗
世界上唔會有完美嘅人，亦都唔會有人好似你肚裡面條蟲完全明白你心意。佢肯出聲問你，其實好好，木獨唔係佢嘅錯，但言語間我都感覺到你怪責緊佢。有人好理性，就算我係女人都唔需要浪漫嘢，生活上嘅嘢要互相磨合。有時我覺得你想點，都可以主動去做，你想二人世界你都可以主動安排節目、搵餐廳食飯，最緊要兩個開心，有時搞到好似要「迫」佢先做你都無癮啦！
有時真係，力不從心，番工，湊細路，仲要拍埋拖。唯有認能力不足。
拍拖果陣，係陪下太太做佢想做既野就ok。
家下有小朋友，可能同小朋友有比較。
我自己本身都係好悶嘅人，所以我好接受婚後，尤其生左小朋友一定更加悶，講真，諗起去玩都要就小朋友學校假期就明。
不過如果老婆要求高，唯有keep 住以前拍拖水準，因為女人係好易懷念過去，我會建議有時擺低仔女,明顯特登為老婆做啲野，例如主動話我地二個出去食餐fine dine, 或者小朋友訓左，話放低俾人睇住，二個去睇場戲，食個糖水。重點係得你地二個，我覺得可以舒緩一下老婆嘅不滿。
好好笑, 頭先我真係套用番有D sis 嘅意見, 話 “你咪我要quantify點樣關心我, 比個list 你”
例如
“1pm 比個電話, 6點比個電話”
“我生日去book間餐廳, 每位千蚊正負幾百蚊” 
(佢做工程所以成日講正負tolerance"
佢話 “最好啦” 
只可以講, 有D野, 做到就做到, 做唔到你勉強佢(主動關心) 都冇用.
我覺得佢係有心想解決
岩啊，佢meet唔到個spec 你先再投訴佢啦。
meet到spec可能已經解決左問題。
最好加多個clause 係每季要有一個超越 spec 既驚喜。 要主動既。包括但不限於: 名牌，米芝蓮。
我相信呢度好多sis 都係做到非常非常非常主動. 主動book食飯, 主動book staycation, 主動安排節目. 如果sis 們唔主動,靠D 木獨男,大家離哂婚好耐
而我同老公都唔係需要浪漫嘅人
我唸大家遇到個問題係心靈上嘅屈結 – 我地已經主動為你為個家做左咁多野, 而只係少少嘅心靈主動安慰都得唔到…
諷刺地，好似好多sis 咁講, 係要話番比佢地知應該實際行動關心個老婆…
其實佢咁問，你咪直接講你要咩，女人有時所謂要嘅嘢好講feel，但男仕普遍理性啲，未必好明你要嘅standard係點，你直接量化件事俾佢，等佢跟住嚟做啦。
我另一本以前都係一個唔識做嘅人，佢原生家庭係無咩慶祝生日、大時大節要點慶祝咁（由細都無咁做過又點會識做）。
所以我地拍拖時，初初我都會有唔開心，但慢慢要調節自己心態（要明白佢唔係唔愛我，只係我想要嘅表達方式唔同步啫），咁唯有慢慢一步步教佢要點做（要講到好明白），同時又要調節自己期望及改變自己想法（心思嘅嘢好雙向，唔一定要佢為我去做一啲事，不如試下由自己去為對方去做都得架），然後去到啱啱一年，佢終於識得安排一個好驚喜嘅週年紀念俾返我（一齊over 10年），所以俾時間對方，改變要慢慢嚟。
可能唔啱聽，可能亦都係我問題，但我真係好feel 到你已經將個問題歸咎俾佢。長期咁樣，其實會愈諗愈負面。
大家做咗咁多年人，就算佢問完你點改善，都好難一下子改變性格，你肯講，佢又肯聽，就俾d 時間佢啦。佢做唔到之前，唯有自己主動分享下自己嘢，主動去做d 嘢享受二人世界。
結婚對男人嚟講係功能性，對女人嚟講係浪漫延續
有乜要求講清楚好，對方死都唔肯做我就睇下忍到邊個位放手。我冇仔女，隨時走到
但我認為唔應該咁易放棄，把口就咁講，都要努力維繫嘅
如果個女講到出口個男都死唔肯做少少嘢，收得檔
現實嚟講，好多男人都係咁。
就算佢做，都係為交功課，等你唔好嬲廢事煩，佢哋覺得女人嘅要求係多9餘。
你老公好好呀！
咁你應該去馬，講俾佢聽你想點。
exactly
我未婚，但我男友都係超理性，例如拍拖紀念日book酒店食飯，佢會問我洗唔洗book蛋糕，當時我覺得佢可唔可以唔問我畀個驚喜我
，買花送畀我永遠係買花籃，因為話我唔識插花（但我係鍾意花束的）。亦都唔會主動問下我生活點，永遠都係我主動講。但我msg佢話家人健康有問題，佢就秒回。
我諗男人諗野真係偏向實際，亦分priority，唔似我地女人鍾意沉醉在感性氛圍中。
你老公果句視乎語氣，如果不是串人口吻，我覺得係真心求教。正如我有朋友都係錫老婆，有日老婆話好想同佢傾下偈，佢回佢老婆“有咩好傾”，佢係真心問，但老婆就當然hurt爆啦。
見到你update 佢話你quantify 完之後佢照做，咁咪得囉？樓主你係嬲「要講到出口先識做」呢個point？唔明點解你話係諷刺…
本身你開post 個問題係話老公唔識關心你，咁呢樣嘢有得學，可以慢慢進步，你都知道佢係有心想改變，又有 jm 比咗提議你，你提議老公去做，老公又接受。完全係好圓滿嘅一個problem → suggestions → solution 嘅示範喎
但而家講講下，你個問題好似變左覺得佢唔識自動自覺去氹你，就算佢跟你嘅quantifying ways去做，你都不滿。如果係咁，咁恕我直說，呢個係你嘅問題喎… 你提出咗一個問題，而家解決咗你又覺得唔ok… 咁首先你要搞清楚你嘅問題，你係唔鍾意佢性格，你覺得就算係唔識浪漫嘅實際底，都要識得氹人in non practical ways (回應你上面講會幫手湊仔同做家務…)？第二，其實識唔識氹人唔係fixed character，係有得進步嘅，而你哋之間嘅互動都可以影響佢嘅進步 (eg 佢照做之後，你係真誠覺得開心，定係虛應地覺得「車你都係交功課…」
咁我都好老實：喺性方面我對佢都只係交功課，我冇乜需求，何況十幾廿年了，我好悶。佢氹我我咪做得開心啲囉，你識做我亦識做
隔幾日搞一次我都覺得多9餘
你唔好以為我放喺個心度，我係一直比佢知道，我好坦白，冇辦法：女人要浪漫，男人要性，各取所需
我老公極之清楚
佢如果有咩做得唔滿意，我從來唔會屈埋喺個心度，一定爆出嚟