你哋係咪都係咁？
不是我的想法，
問阿媽新一年有咩目標。
媽答過一年我咪老一歲，
真係無咩感覺。
3個讚
係，又可能再加上近年，越嚟越無咩好慶祝。
4個讚
過農曆新年？如果屋企仲有老人家都仲有嘅，可惜無。
新年：會dress up 著bling bling 衫所以好期待 
農曆新年：播完聖誕歌之後聽到啲農曆新年歌就頭痛
2個讚
因為要封利是 
由逗利是嘅年紀去到派利是嘅階段都咁討厭農曆新年
今年有個最強excuse 唔使拜年聚餐都幾好
2個讚
最怕過年。
多謝疫情唔駛團拜
7個讚
都冇乜好消息，無感
1個讚
通常過年會出外旅行, 而家連澳門都無得去, 過年更加無意思
2個讚
咁又係
近十幾年過節氣氛越嚟越淡，
一年比一年淡，
現時真係近乎「過節如過日」，
4個讚
琴晚連睇電視倒數都無
以前會成條街靜曬咁
而家同平時一樣
你指農曆新年? 都係應酬下老人家。
3個讚
其實分咗幾個階段嘅，
96年之前過農曆年仲好有氣氛嘅，
之後就愈來愈多人去外國旅行，
一年比一年淡，
4個讚
後生個時會特登買套靚衫同化返個妝慶新年，依家但求套衫唔太舊，個人唔太柒就算。
4個讚
未到中年都已經冇感覺。
2個讚
諗起社會將會越來越差
就唔開胃
班親戚平時都唔會見
新年唔想見佢地就比人話唔重親情(?!)
黑人問號
好彩冇人敢問我 結婚 生仔 幾錢人工
4個讚
好認同！
每年尾就好頭痛，我老豆成日迫我去佢果邊啲做冬團年，其實我憎到佢哋死！根本平時都唔親近，咩事年尾要一家親？
今年過年仲係我預產期，我話唔去團年初一佢都唔高興，係唔係痴X線？
我自少年時期已好憎過年。又凍又濕，未初一就有啲細路仔敲門派財神，初一就有人大鑼大鼓上樓舞獅，好大力咁拍門。
仲有年三十我爸叫我燒衣、初一又燒，但全程係我買衣紙、燒同洗嘢，佢整新鮮雞，係好好食，但燒衣真係好無聊。
結婚後我住私樓，更加唔會再返去燒衣。過年可以整糕食，呢啲先係自己最鍾意