我都超級憎過年，又凍又悶要喺親戚屋企坐成日
而家大咗結咗婚，過年都只會想同父母、親嘅親戚見下面就算
1個讚
係呀，嫁咗啲過年，疫情前真係好悶，初二要去老爺親戚度坐同食飯，初六奶奶嗰度團拜，成班人好假，不過啲細路仔就有好多利是。佢哋而家大咗，都話呢啲食飯好悶。睇嚟以後都唔會再有人搞團拜
重記得我細個既時候，
我媽去我婆屋企，或者佢啲朋友屋企一坐就係一個下午。
我細佬會限我媽咪時間，唔准佢坐禁耐。
話佢自己好悶。
有時候媽咪會比二三十蚊我哋自己去買煙花玩。佢哋就會好開心。
未到中年都無感覺啦
我細時反而調轉
係我爸媽唔准坐太耐，5 點前一丁要走。因為 5 點後走嘅話，即係要請食飯或者要嗰家人煮飯。避免「爭」畀錢或者要人辛苦住九大簋，一定要走。平日難得見到同輩親戚有得放題玩遊戲睇電視又有得食餐好，當然開心，但爸媽拉住我一定要走，所以就搞到年年都年初一二喊嘅口畀阿媽打。
以前中秋、聖誕、新年都好享受，呢2年個心態係「係沉著面對，過得一日得一日」，所以唔關人到中年事囉
如果無"新年"呢樣嘢 你話多好 … 我的心聲
好討厭老爺奶奶，新年要咁長時間對住好難頂。
新年又會見到大量藍c
由細到大最憎農曆新年
1個讚
我媽話係因為佢細個好窮，
以前細個平日番薯撈粥.
屋企油，鹽都無錢買。
過年我婆婆就問人借啲豬肉食。
過二三年養大左啲豬，
再還返比人。
所以佢好期待過年。
依家佢到中年自己賺到錢，
想食咩都可以買到。
心態變左拉。
細個已無感覺
X2
我對農曆年唔止無感覺, 仲係討厭… 尤其呢兩年, 要迫我同一班我極度唔like嘅所謂親戚一齊… 超討厭… 未有疫情之前, 年初一/二就一家遠走高飛…
我係由細到大都對農曆年無好感
可以book 酒店住兩晚避吓
我由細到大都勁憎過年，因為阿媽把口永遠離唔開個錢字
記得臨過年要日日去超級市場幫佢記住啲朱古力曲奇餅幾多錢，佢要喺最抵嗰日買曬佢
要去銀行排隊唱新銀紙，為咗慳時間佢會叫我自己排，佢去買餸
年初一要打曬俾啲親戚拜年，第一句一定要講恭喜發財，講咗第二句一收線就會俾人開年
拜年要記住邊個親戚封邊封利是，記唔到就要搵機會偷睇
以前地鐵未去到咁多地方，拜年要搭成個幾鐘頭巴士，仲要由朝坐到晚，俾啲唔熟嘅親戚問三問四，悶到嘔
當去曬要去拜年嘅親戚度就係拆利是時間，佢哋拆利是個樣直頭係我童年陰影，年年數完都俾佢鬧人哋啲仔女逗利是好叻，點解我逗得咁少。而佢哋返工都會收利是，多數都係聽到佢哋話人度縮
我對過年唔係無感覺，只覺得好虛偽，點解祝福人要俾錢（利是），俾得情願就話姐，唔係心甘情願俾嚟做咩
1個讚
對放假好有感覺
但得返連鎖開好煩
我嫁咗後好唔鐘意同男家過新年，d 親戚一年見得一次，但又要懶係親咁，有d 齋吹水。
老爺奶奶會指示我哋一定要一人買份禮去，新年咪求其喺誠哥到執盒嘢去，d 親戚cheap 到唔收淨係要d 貴價嘢，利是某d 人又一定要俾某個金額，佢哋兄弟姊妹親，唔代表我哋同佢仔女都親卦。
我同自己d 親戚，就唔會一年先見一次，平時出嚟都嘻嘻哈哈乜都講一餐，唔使做show 咁做，利是講意頭，更加無送禮文化，旨在聚埋一齊食一餐，所以細個好鐘意過年。
有~ 年年越黎越老既生理感覺Lol