世道艱難，想促進心靈健康
做運動、睇書同聽輕音樂我最喜歡
靜觀我實在搞唔掂，係咪我唔夠靜？
2個讚
去郊外
上YouTube 睇見證,香港故事,鏗鏘集
1個讚
望下遠嘢，放空一下，嗰刻好舒服。
大家興趣唔同，最緊要搵到自己鐘意做嘅嘢。
我自己會做yoga，睇d 輕輕鬆鬆嘅節目。
有撒滿話赤腳慢行沙灘(唔好去人造沙灘, 要最天然海水沖上岸嘅沙先得)
2個讚
心情好屈悶，好似有舊石紮住抖唔到氣咁
1個讚
加油呀，喺其他post 見到你有講唔想見人唔想慶祝。
我其中一個舒緩壓力嘅方法都係見朋友，對我係work 嘅，好過喺屋企好無奈咁過生存。
我有個念頭係，中共目的就係要撲熄我團火，
我偏要努力生活落去。
3個讚
對下輪好，赤腳行泥土地都可以
2個讚
我今晚係食唔到飯+爆喊
我自己都估唔到會咁，以為已經麻木左，又以為自己好勁
你有條件就好好考慮下走人，只要有血有肉有良知既人係唔能夠忍受落去，任你如何搵方法去處理情緒都徒勞。
6個讚
活在當下，今日唔知聽日事。多d哄下自己
買件蛋糕，放空十分鐘，錫自己多d。
我鍾意做下手作仔或睇一本書，完成一件事有成功感會好開心。提醒自己已擁有的，知足常樂
1個讚
我都係，睇完新聞又失眠，不過真係要好好活著，鬥長命
1個讚
要練習啊！靜觀時有念頭不斷湧進來好正常，唔好擺注意力係呢啲念頭，再注意返呼吸就ok . 從一分鐘開始，再二、三、四、五分鐘咁加上去
1個讚
我有買水晶,得閒望望個心會靜D
靜觀唔係要個腦冇野諗既。
不過我覺得去上靜觀練習都有幫助，個環境幫到我對入狀態
我噚日睇到D新聞, 都有抖唔到氣嘅感覺…個心向下沉, 放工就係屋企附近海濱長廊行下… 唔再睇任何資訊…放空一下個腦… 俾自己一個喘息嘅空間… 我深信黎明即將會嚟, 大家堅持多一陣… You are not alone… Hang in there…
4個讚
好想去一個冇咩人既地方
大叫一句「DLLM」
(唔好意思
個人係比較粗口)
2個讚
去郊外行下。
每次當我望住個天，就知道自己其實幾咁渺小，地球唔知經歷幾多個億年，相信前人嘅苦難唔會比我哋少，人生匆匆幾十年，好快就過啦。
尋晚喺yt 睇立場嘅樹洞，都發現自己呢兩年抑壓咗好多嘢，我相信好多香港人同我一樣，一世都唔會忘記，已經造成心理創傷，但我哋仍然要好好生活落去，可以喊得出就盡情地喊，我諗，宜家仲可以喊得出，係一件好事。
3個讚
我想嗌「搞L錯」。
2個讚
係當下黑暗環境, 除咗粗口,我都唔知可以講咩去發洩…
1個讚
我專注力不足，我都做唔到冥想，我喺YouTube搵身體掃描，跟住又做到啊，我20分鐘專心聽佢講我做，真係舒服好多。
我另外嘅方法就係做自己鍾意做嘅嘢，做手工，車衫，最近好鍾意砌100-200塊砌圖，唔好貪多，半個鐘砌嘅時間好專心咩都唔諗亦都係一個好好嘅meditation，我係$12店買咗幾盒，唔知香港有冇。
其他人提議赤腳行沙灘也很好，給地氣。
每日抽15分鐘曬吓太陽，觀賞自己好似一把遮，對住個太陽吸收太陽嘅能量，記得查防曬。
記得保持身心健康！
3個讚