村屋都要揀過先住得過，差嘅可以好差
有啲起得好密，採光通風都超差
朋友住果條村好近農場，一起風就成陣嗅
味，一啲都唔空氣清新
我以前住過一條村啲村巴班次勁梳又早收，搭車極唔方便，我出親街一係call車一係渣車，交通費都幾貴
而家娘家住果度就ok，單棟式好開揚，樓下就有一大塊地，放狗好大地方比狗仔跑
搭車出市中心都方便，幾分鐘一班車，好夜都有車返去
附近都有餐廳，士多，但買餸果啲就一定要搭車出市中心，而家好啲HKTVmall會送貨入村
至於好多人擔心嘅鄉黑，自己住咗十年村屋就未遇過，啲鄰居都算正常，我諗都係睇彩數遇到咩人
我之前住過嘅一個南區「所謂豪宅」
如果唔係發生左D 迷信野& 業主勁pk
我真係好鍾意果度、又有個狗花園
我都係南區山景（山後面係海），仲要係露台對正，但我幾鍾意，可以望日落。
唯一討厭，個「山」太出名… 個個星期都聽到直升機聲（相信你會估到）
大角咀唔近地鐵站我真係好少去
如果未住過村屋，嚮往大自然、戶外運動，養狗、及摣車泊門口好方便，好多市區人士搬入新界後，往往返唔到轉頭。
但我個人又中意市區，交通方便及搵工搵食方便，好多時保養維修，唔洗下下要坐車名嘥時間 ! 
奧運站向大角咀呀
唔知點解奧運站成日被人遺忘
已經聽過好多次有人話大角咀唔近地鐵站
我住過東湧居屋，近地鐵站，附近好多大公園，好多地方都可以踩單車去到。就算我推BB車都唔使點樣過馬路。
唔趕時間返工返學出出入入的話，東湧可以喺天堂
你試下係近嘉湖個輕鐵站搭車轉西鐵就知咩事 
一D都唔低密度,恐怖到似金鐘地鐵站
我都係住新界西,以前係CWB返名店,成日俾其他同事笑我住新界西,但我層樓係買既又新又大,佢地就要痴屋企或男友屋企住,最好笑係有1個舊同事最後買左元朗,遲我幾年買樓價貴左幾倍 
環境仲好清優
屯門
有山有河有海有沙灘，社區設施足夠，商場好行，市中心有齊 AbouThai Aeon，今年又開咗 Donki GU 誠品，離開咗市中心之後又唔擠逼（外區人唔識搭輕鐵），多野食（特別係黃店，龍門、紅橋、置樂），加上我份工可以在家工作，無咩交通問題
但新界西, 按數據計, 唔叫空氣好
我覺得點都好過觀塘,旺角果D區,可能我唔慣咁多馬路係行人路隔離…
totally agree~~
但係屯門樓升得慢, 同元朗比平一截…
個個就算要住大西北都寧願揀元朗, 條大馬路D人多到真係疊羅漢…大榮華D舊街又多北姑 
我幾年前由九龍搬去元朗yoho, yoho勁好住wor~ 街坊又黃d人又斯斯文文~
但我極少去大馬路個頭, 因為真係超多人同車, 可唔可以分割返大馬路同yoho去唔同區pls
我去親元朗去到Yoho對面就止步，對大商場冇興趣
我愛元朗國，但我唔係元朗人
嘩，有日去咗大馬路果邊真係超恐怖
向元朗站搭一個站輕鐵，輕鐵門未打開，啲人已經準備衝上車，完全無諗要讓人落車先
再行出大馬路，人多車多地攤檔多拉車仔又多，啲人係橫衝直撞咁行，唔會諗衝到人架喎
旺角tst cwb就算人多，啲人都唔會撞嚟撞去，係元朗好似有自己文化咁，唔衝開啲人就行唔到
去完一次，應該有排唔會再去元朗市
因為你哋focus喺大馬路，元朗其實好多隱世位，有小店，黃店，極高質，好靚好靜好舒服，外人唔識
我一星期起碼兩日去元朗，從來唔去大馬路，亦唔會迫均益嗰邊，恒香我已經唔記得點去
亦最討厭大商場，所以亦唔會去Yoho，西鐵一落即避開
之前好想買元朗樓，但老公嘛嘛，所以都係買第二度
元朗輕鐵站真心癲，我個陣大肚d人照撞埋黎，爭位坐對於佢地黎講好重要
