我指包括屋苑、區域、街道等等
例如好多人因為不同原因話唔好住但你住過/朋友住過覺得都唔係﹖
1個讚
長沙灣及深水埗，好多人話窮人多、街道唔清潔、道友及南亞裔多，及治安唔好等等 ! 但我覺得衣食住行便宜、有人情味過好多發展急速市區，交通比新界元朗、天水圍及屯門更方便，如果搵食搵工做，長沙灣及深水埗搭車，交通真係好方便。
當然呢兩區都有較好環境選擇，冇人一定話要住最差嘅樓房，都係睇自己經濟而定囉 !
3個讚
順寧道嗰邊不錯
3個讚
冇錯，其實依家深水埗區，都開始有好多中產選擇新樓宇，唔係住深水埗都係窮人!
我深水埗有一間茶記，食左超過十年，人情味濃厚食物及價錢又唔錯，比起其他區真係好少有，其他高速發展區食店，好多做短時間就執笠，一雞死、一雞嗚、一間鋪幾年轉手好幾次，令自己都生活感覺都唔得安定 !
咁不嬲都係外人覺得唔好住, 但"唔好住地區"一定大把人住、而佢地真心唔會覺得有問題,
但有得揀, 梗係住真正豪宅區啦,
利呻, 住窮人區
去到嘉頓山果頭直情環境清幽，行兩條街出番青山道就衣食住行樣樣有好方便。
3個讚
但係我真心唔明某D豪宅區既吸引力。。例如半山，成日都好大霧，好潮濕，仲有除非你近扶手電梯，如果唔係，交通都唔方便，斜上斜落。。
仲有淺水灣，尤其入到赤柱。。我覺得好入 。。又係山路。。自己摣車都覺得入。。住嗰度真係除非自己有司機，如果唔係我都覺得超唔方便。。
可能喺香港周圍都係海景，我唔明海景嘅吸引力。。
豪宅區的話，我比較鍾意類似九龍塘靜中帶旺，旺中帶靜嗰啲區。
3個讚
我以前住南區，果d海景夜晚都冇乜特別，真係冇乜好睇。
利申：我向山景
1個讚
係wo ，深水po 長沙灣，我真係覺得好方便，呢一區我真係改觀左，而家轉左好多新樓，窮味開始減退，可能再過十年就變中慘區了。
其實我覺搬入去新社區，首先要肯接受新狀況，新環境，如果唔係搬去邊都一樣
我由新界東住到新界西，到九龍到深山。港島都有住過短期。 so far 我覺得每個地方都有好有壞，都差唔多。
要我揀，我喜歡住深山，朋友眼中極唔方便，但空氣清新，環境夠靜，我好鍾意鄉下既感覺。。當然如果我發左達 我覺得港島半山，山頂。赤柱我都無問題架。哈哈哈
我冇住過天水圍，但我去朋友嘉湖嘅屋企，附近有個大公園，低密度，好正，唔悲情（可能因為唔係公屋）
仲有個屏山圖書館正到痴線，喺屏山村望過去似日本，有個湖上面仲有鵝，書又新又多又正，點解會慘？
1個讚
唔認同，因為背景唔同，身家唔同，你自己覺得 ok 就無問題。
對一啲住喺半山區豪宅嘅人，所有800 尺以下單位都唔係人住嘅
港島區大嘅人，去新界西好似出國一樣，我係其中一個 !
1個讚
你有呢種諗法, 即係同其他人覺得深水埗/長沙灣/觀唐係窮人區、天水圍係悲情城市一樣囉,
對有錢人來講, 潮濕咪日日開抽濕囉, 住得半山/赤柱/淺水灣都唔方需要日日逼巴士小巴黨鐵啦, 一定自己揸車,
就當係半山/赤柱/淺水灣中產、冇車, 所謂唔方便, 其實只係習慣
我覺得舊式屋邨非常好住
又近地鐵站
配套很好
周圍買嘢好方便又平
超市街市樣樣齊
又有公園地方又大
租金又平
但有些人就喜歡新樓覺得屋村好cheap
我住過港九新界好多區，覺得好唔好住都要睇個人需要，後生時住遠啲都接受到，覺得近郊區空氣好，又多特色小店，放假容易去到戶外活動就好開心，自己鍾意狗但無養，去公園睇人放狗已經好開心，平日塞吓車都唔緊要。而家出入多數都要帶住小朋友，就只想要方便，最好唔駛淋雨去到搭交通工具同埋超級市場，但住喺市區最大缺點係黃店沙漠囉（我嗰區係）
3個讚
我冇住過，但我係窮人出身，覺得屋邨都不錯，鍾意以前種人情味
可能我自己男人老狗，中意玩影音及電子產品，所以都要成日去深水埗買嘢! 有時一粒細小零件，真係唔想下下都淘寶，如果冇其他貨一併集運，真係運費及時間，隨時同自己搭車來回差唔多、或更貴 !
去深水埗行下親身睇下，起碼唔會買錯嘢，同埋有問題電子產品，最少都有 7 日有問題換貨，而淘寶寄上番上去要關稅，連運費隨時仲貴過買過個。
講食嘢我深水埗有間茶記，食咗超過十年，客情濃厚 ! 長沙灣有一間客家菜，都食左四五年，兩間都平靚正。
好多市區人搬入元朗住，亦有好多新界人搬出市區住，正所謂有人辭官歸故里、有人漏夜趕科場，都係睇自己性格、及家人意願 !
1個讚
我有好多朋友住天水圍，嘉湖、慧景、各居屋及公屋亦有，但我好唔中意入天水圍，摣車亦都唔中意入天水圍，因為覺得每楝建築物、及每條路都差唔多樣，成日盪失路，依家有 GPS 導航就叫好啲 ! 朋友成日叫我入去食飯，我自己都住新界，但我寧願九龍區食飯聚會，都唔中意入天水圍。但我認識所以住天水圍朋友，佢地當然每個人，都係非常中意住，仲讚到天上人間咁滯添 ! 
1個讚
可能啦，但係我覺得就算自己楂車都好唔方便，尤其有仔女，你又要諗埋佢地，所以好似我咁上面咁講，有司機就會好啲。
但真的，如果用同一嚿錢，我會楝住其他豪宅區。
我個人覺得蘇屋邨同李鄭屋邨好正
2個讚
講到住大家都有好多意見， 呢啲嘢平時聽唔到，而家喺度睇，知多咗。