我市區長大，結婚搬入馬鞍山。間屋係自己揀，有靚景，返工老遠都唔覺有問題，美食沙漠都照捱。到我父母清拆搬屋，佢哋決定留在紅磡土瓜灣，因為買嘢平又方便，佢哋唔鐘意新市區買餸無得揀。
鹹魚青菜各有所愛，都無話邊區特別差嘅。如果係無得揀（例如經濟或工作原因必須住某區），咁咩區都唔會好。
唔知有無人住TUNG CHUNG, 呢區好唔好住呢？
1個讚
我而家住新界大西北，好舒服，買嘢要行但可以啦，環境又靚又近海，不過好多人一聽到都話隔涉，我自己就習慣了
2個讚
沙田第一城
雖然唔太近車站
但都幾靚，應該幾好住
1個讚
真係好多老人需要買餸有得揀, 痴住個市政街市係必須, 新式冷氣街市都唔得, 話貴又少檔…
但我就覺得新區地鐡上蓋屋苑都吸引, 落雨返工返學唔洗拎遮, 買野一應俱全, 多數有大商場。仲會有大大公園, 海濱長廊, 單車徑…
不過我自己貪交通方便同近長老, 都係住舊區 
認同！ 以前最多去尖咀、旺角或九龍塘，最近要去太子一帶睇中醫，每次去都覺得自己似遊客，覺得唐樓同舊式舖頭好有趣。
但港島區唔係更多唐樓同舊式舖頭?
灣仔以前囍帖街嗰邊, 同埋上環嗰度都好多唐樓 
就算北角感覺都多舊舖 
1個讚
我超鍾意舊區，啲老鋪、人情味、大排檔、貓店長最令我流連忘返
我而家住嗰度唔夠舊，不過出街一定去舊區
我個人最怕係天水圍、將軍澳、東湧呢啲無街之城，雖然我樓上話嘉湖都唔錯
2個讚
新市鎮啲街名無靈魂，無故事。
1個讚
我住東湧，都住咗超過十年，初頭喺灣仔返工，日日搭巴士，之後轉工返中環，超方便。住東湧有樣好就係無乜人(除星期六日及假期)，同埋落街就去行山。好多時朝早去跑步都係得幾個人，有時一個人都唔見，好正。又可以踏單車，附近有公眾泳池，圖書館。
交通都方便，我以前住觀塘搭巴士返灣仔，同喺東湧搭巴士返灣仔時間都差唔多。好多人覺得東湧遠其實都係感覺上覺得遠啊。
唔好處係車費貴，而家返中環可以用全月通都OK。同埋疫情前，好多大陸人經港珠澳黎香港，嗰段時間多人到死，我令願唔通關啊! 仲有街市買菜貴，好多C9會出深水埗或荃灣買一星期菜架。
以前係天水圍返工，天水圍交通唔方便、shopping無咩選擇、多大陸人
之前有agent sell wetland d 新樓，完全唔使考慮！
1個讚
中、上環一帶都好「遊客區」，但好多都商業化左。
太子個一帶民生感好重，貼地好多，好似返左舊香港咁，感覺完全唔同。
灣仔北角呢邊唐樓拆哂咁濟，有既都係密麻麻幾十層既舊式住宅大樓。
灣仔北角啲舊式住宅大樓真係多同埋舊 
但我又唔覺同九龍區比好唔同 
兩邊都有新區/舊區, 甚至一個區入邊可以有幾條街好多舊樓, 幾條街好多新樓。
不過新市鎮就真係啲舖入哂商場, 啲馬路好多條行車線 
村屋
好憎，又多蛇蟲鼠蟻
一般都遠離市區，摣車出入又麻煩
（可能淨係平時去開個條村，出同入都可以有車黎，退黎退去，左就右就
冇條好路，日日咁出車真係爆血管）
啲原居民同外來者明顯2個幫派
但我聽有朋友話鍾意空氣清新之類
不過我自己就討厭
（頭盔，個人感受
）
1個讚
我啲住村屋朋友就話住咗返唔到轉頭
大角咀
雖然區內有大灑店未必個個like
但可以用腳行到去太子 旺角 深水埗
出港島 巴士45分鐘 黨鐵東湧線勁快
出旺角後有不同交通工具去唔同地方
有海旁可以散步
區內有黃店 有小店
老人家成日話我係窮區 同住左唔知邊度
由灣仔皇后大道東 、到西營盤 皇后大道西 一帶都好多舊店舖，
各式各樣行業都有，
由其是賣蔘茸海味舖，會放啲動物標本，
例如：海龜、梅花鹿、鱷魚⋯⋯⋯⋯
仲有機會見到有人曬 一盆盆 嘅 藥材海味。
西營盤正街一直向山上走，也是很多民主店，感覺比太子站更古舊，
1個讚
如果鍾意養大狗，另類動物，如龜，蛇，之類，村屋好啲，呢啲嘢全部都要曬太陽。
返工係自由工，自己攪創作藝術，其實都ok.
不過，小心鄉黑。
係，真係好黑
卅年前已經聽咗啲嘢，
一早已經打消買村屋住念頭，
專心住市區。
1個讚
住沙田 搭巴士 好方便
我住沙田嘅時候 好似真係無搭過黨鐵 