呀女下星期一考西史，佢話D字好難，吾知點背
有冇人有經驗分享一下？
西史要本身英文底好先攪得掂，可以畫圖 攪清楚人物關係和歷史時序。
上 YouTube 搵吓有關紀錄片睇吓會易啲入腦。
4個讚
佢上年都搞得掂，今次就時間吾夠
我睇過佢今次考嘅嘢，冇人物關係，今次要考文藝復興到工業革命，請問呢啲都有片睇嗎？
我西史算高分，只係成段死背，背默。
不過應該唔係好方法
佢上年有就係用呢個方法，不過而家冇時間俾佢咁做了
英文片實有
平時多睇古代西方宮廷片, 配英語字幕, 再慢慢關閉字幕.
多講有趣的古代西方歷史故事.
學語文要先聽和講, 之後先寫, 視覺元素可以加強印象.
1個讚
文藝復興最緊要知咩人有咩成就，要match到
我以前Alevel年代都係讀西史，承上，背背下就慣
低form就畫條time line. 寫上史實。最重要有串連（即了解因果關係）咁先容易記。（冇錯，又係記）
2個讚
佢本身如果對西史興趣嘅話，真係好難
文藝復興同工業革命冇人物所以可能難啲，但歷史一定唔可以只注重背details，香港學生淨係鍾意背所以唔得
歷史係macro ，要記脈絡，要明白承先啟後，要知道每件事點解值得記載對人類有乜significance，係咁背達文西有乜叻但唔真正明白佢叻對歷史既貢獻，只會覺得呢一科係奄悶
我認為個歷史老師係有責任教呢啲嘢，我以前啲老師淨係識得將啲英文譯做中文，唉
7個讚
我讀書時靠畫timeline死記咋
其實無時間死背係最快
那些年我會考HISTORY攞A咖, 哈哈, 講下d血淚史先…
我果時中一都覺得好慘, 中小升band1英中…好多科都唔識讀D字…西史同EPA 特別多深字, 講果D咩史前, 咩北京人…都好鬼悶
但又唔想比呢科拖累, 所以就比心機搞左D讀音先, 果時HISTORY書會配餅錄音帶有教d深字點讀, 聽完之後我就好似自己同自己講故事咁讀出嚟比自己聽, 查字典, 做預習, 做筆記… 跟住一課之後我發現我上堂"居然"明晒老師講咩仲答到問題, 久而久之老師知我有備課, 問親問題無人答都會叫我答, 咁就大致上軌道啦, 點精益求精有機會再講
好似Renaissance 呢個字係法文, 語源係Latin “Nasci” 解 be born, 所以re+naissance = re-birth (我做筆記就類似寫呢D嘢, 到寫essay果陣就拋下書包, d分都唔會太差)
樓主女女時間緊迫, 先試自讀, 寫靚靚筆記, 中一二應該係填充/短答, 加essay?
9個讚
佢學校form one先有填充同mc,老師講明form 2冇,成份卷有四至五條論述題同三條dbq
論述題你背到都係合格, 要高分就一定要有D個人嘅史見, 英文亦唔可以太差, 但呢樣都唔係一時三刻解決到, 最緊要佢自己開竅想讀好書, 自然會去搵參考書
DBQ我最愛, 唔駛點溫, 似考基本功同閱讀理解, 加埋個人觀點就可以
但我都同意HISTORY唔易讀咖, 唔溫書好易FAIL, 溫左亦未必高分
好想聽你講多d. 雖然我已離開西史好耐，但想當年自己都讀到一pat 屎。。。
我相信佢英文ok,因為佢上年西史全班第一的,不過佢話佢唔想查啲字點讀,因為好麻煩要打開個電腦…
所以我問佢書嗰陣時佢唔識讀個字就串出嚟佢話考試嗰陣時又唔使讀個字,要你寫出嚟咋嘛
佢嗰啲論述題同dbq大部分都係背,最後嗰part係挑戰題,可以揀答同唔答,係要寫自己嘅個人觀點,佢又話佢識答
而家最重要係佢冇時間背,因為下星期一就要考…
其實份卷咁長佢哋真係做得曬咩
History 我都算高分同有興趣，當時Syllabus係數points 計分
好似Renaissance 背景、興起、結束、原因、過程、牽涉人物，每樣都有幾個points，每個point 有重點字，make notes, 串連起嚟，每題essay 用points 計分，
我唔會死背，好易漏左重點嘅字，或者冇時間，冇咗某啲point，咁樣唔使寫好長，但係會攞高分
做得筆記就自然識, 人名果D就無法, 有D都唔係英文, 唯有死記
舊年都考第一, 點會背唔到呀? 仲有成個星期, 中二唔係咁深啫
中學又唔可以用小學思維, 做唔晒或低分係常有嘅事, 可能7十幾已經係高分