其實我覺得中學嚟講讀書靠努力, 唔同小學, 可以符碌高分
中學開始要對果科有DD PASSION先可以高分, 否則都係掙扎中合格/唔合格
唔知邊個講過, 任何事你肯擺10000個鐘落去做, 你都係專家了
記得細個果陣同過一個學霸傾計, 問佢點解成績咁好? 佢問我係平時鍾意做咩? 我話睇小說食嘢同瞓覺, 佢話佢鍾意讀書, 鍾意掌握知識果種感覺, 果刻就明白成績好嘅人除左天賦之外一定有努力, 只不過果種程度已經融入左生活, 佢唔覺得自己有幾努力
講遠左, 西史我果時好鍾意超前預習, 睇參考書, 做自己嘅筆記, 日子有功發現英文都好左, 良性循環嚟, 可以有好大力量
但點樣唔覺呢樣野係悶，關我咩事，而變成好passionate 咁渴求地想知更多呢？
我唔知其他人, 我自己就係滿足感, 老師讚賞, 自己亦覺得有進步, 由完全唔知做乜變成讀到寫到, 可以掌握嘅一件事, 越睇得多越覺得容易, 根本唔會去諗悶唔悶呢個問題, 武俠小說概念你就係練緊降龍十八掌, 九陰真經咁…練完可行俠仗義, 獨步江湖 
中文文言文你覺得悶唔悶? 好多人話悶但我幾鍾意, 睇得多根本係送分題, 仲唔駛點溫, 作文又可以引文做議論
我都唔係咩學霸, 我鍾意睇D言不及義嘅小說, 但如果我成績太差我媽就一定會阻止我睇…所以都係一個功利嘅平衡, 成績好嚟換取自由做自己想做嘅嘢
仲有一樣, 不過係後話, 果時我家族會考無人高過20分, 有D係零分, 有D係重考先有11分… 所以我有個親戚都有D 睇低我讀間村校, 話我考到一個A比500蚊我, 的確有D激勵到 
最後我攞左1500, A LEVEL 佢唔敢開盤了~
等於我個女唔識溫中史，佢西史自己睇兩次搞掂，中史要多10培時間成績無西史好，要盡量經常幫下佢溫
呢家西史係用英文？
我英文唔叻，但我個人本身好鐘意外國歷史，所以西史無難度，係串吓啲字。如果唔太鐘意西史，就算易都會覺好難。（當年讀書我西史係好過中史）
係用英文呀
西史唔得，大個睇書睇電影講時事會完全輸蝕，只係太多家長同學生重理輕文
咁都懶
懶係無得救
星期一就考，仲差兩個topic未溫…睇吓佢今次點搞