而家小朋友一定有同班whatsapp group…大家有冇係group到傾到好興起，定係好靜…?
小朋友正值covid 個兩年讀k，大家家長好似好疏離？有時見朋友成日話約同學出黎玩，但雙職家長好迷茫。。。係咪ftm先處理得到？再咁落去怕影響小朋友係學校社交？
小朋友現時小一
我覺得上左小學本身都難同家長熟，因為少左好多見到面嘅時間，我小朋友暫時都係約返幼稚園同學玩，有一二個同屋苑搭校車會見，就落樓下公園玩下，但其實都唔同班。
我小朋友係超內向，但係學校都識到朋友，所以唔駛太擔心。
2個讚
唔使擔心
小朋友上到小學， 係會開始自己識朋友， 就算家長唔熟/唔識，佢哋喺學校都會慢慢識到啱傾啱玩嘅朋友
2個讚
我d小朋友讀k時都撞正covid, 發覺要同家長熟最少要附合以下條件：
- 家長想唔想識其他家長
- 有無機會比家長認識其他家長，至少要認得對方係邊個同學父母
- 小朋友返黎有無提住同學仔，然後父母有無積極去識下人
因為我囡幼稚園同班3年，covid 個2年班谷真係靜過鬼。咁岩佢學校d功課好唔清晰，成日要家長係谷內對功課，所以一返學就多野講左，就熱鬧左，到處理畢業活動時又有熱心媽媽主動take-up , 所以班谷氣氛係可以。
但我發現最熱鬧既係由班谷分拆出黎既小圈子，有課外活動或出去玩係呢d細谷call人，交換情報都係靠呢d, 非大谷。而入呢d細谷係同你係咪ftm 無關，係睇你有無同其他家長交流。
當小朋友年紀細，呢d細谷係好可以幫到佢地社交。好似我囡成日話同唔到某同學玩，或者好掛住某同學，或者你欠幾個人就可以組興趣班，都可以比小朋友機會同其他同學熟d.
同其他同學熟左，上堂就更開心投入，多左朋友仔有個快樂回憶。
1個讚
我女幼稚園時,我會同其他家長保持安全距離,但都會放學一齊去公園玩,而家唔同小學,我反而會更積極約出黎玩 
始終同校時唔想有咩是非影響到小朋友
2個讚
小學我小朋友搭校車、真係少左好多機會認識其他家長。
有時星期六日、會有家長吹雞問下就冇人會去公園玩、咁我都會問我仔有冇興趣、有嘅就去、冇嘅都覆句下次先。但通常都係得一兩個人覆、可能大家真係唔太熟。
反而幼稚園、因為由n班識起、果陣我有返工、會送返學。每個月一至兩個星期五會請半日假接放學、識下家長同學、星期六如果學校有活動、我有冇興趣都會join、又係識下人咁……
不過同家長太多交往有好有唔好、都試過中招
真
最怕比較就好煩
我仔學咩咩咩，我仔好乖好叻會自己做功課
可能咁岩係我嗰班問題，好多家長唔知係咪好冇自我安全感，好中意得到人地認同佢個仔，每次見到都要聽佢讚自己幾有家教，個仔識咩咩咩
所以，唔熟或許係好事。小朋友校內會有自己圈子，唔需要家長插手太多
我好想試下同呢d家長一谷見識下，但so far 我存在既班都比較正常，一有小朋友比人讚即有爸媽衝出來話唔係唔係，而且會互相交流點教小朋友睇咩書，so far都正常。
暫時見過比較呆眼既係家長會比較第2間學校，例如人地有Halloween party, 有旅行，有呢樣個樣,或者做申手黨。好無聊，無人想答。
家長之間不宜太close
而家細路都高小，我直頭當其他家長透明。家長義工我都唔做了。
又唔係有咩不快經歷，只不過覺得同佢哋無嘢啱傾
我小朋友幼稚園同小學都係坐校車，其實真係無乜機會認識其他家長。當然小朋友有識到fd嘅，但就無話特登要約出嚟玩。可能疫情下，再加上家長們真係無乜機會認識，家長谷又無人會去攪活動。
其實佢幼稚園時有同學家長主動了我，不過溝通咗一排之後，覺得大家真係價值觀、教養方法都好唔同，所以最後我都無勉強自己應酬對方，畢咗業好自然就無聯絡，有時我都覺得自己影響咗小朋友…
我同家長A有共同的地區家長group同埋同班家長group
佢成日都係地區谷放佢個仔學野相，又有其他家長附和讚佢仔好叻，有日佢照版煮碗起同班谷放佢仔學野相識左乜乜乜，點知冇人回佢
畫面好尷尬，從此佢就冇再放相
重有一類家長就係好中意問人去邊學野補習，學左咩，起度暗裏比拼
我都識咗個咁嘅家長，話啱啱搬嚟呢區，問邊度學咩好，問長問短後唔該都無句，其實幾乎日日見，有次接小朋友放學，老公話見到佢行到我附近，一見到我即刻運路走，我之後都費時再同佢打招呼。
好彩其他家長好正常。
係，我小朋友都係搭校車。。。。。。唉
仲有時疫情下，小朋友認同班同學都有困難。。。家長認其他小朋友同家長更加難上加難。。
俾我就回個「？」俾佢
1個讚
無咩好唉，啲人接返學放學一係工人、一係公公婆婆、一係講嘢有口音、企埋一齊講普通話。
呢種係細仔班家長堆內見過，唔單止係班谷有講，甚至見面時都分別被問小朋友學咩，好似say hello 咁實會聽到。我話無，仲係好hae時，都會話自己已經上緊咩咩班。
通常會睇下send 相出黎係邊個媽媽。一個谷內總有d媽媽多野講，又總有媽媽比較有號召力，或者易引起話題，或者多媽媽fd. 如果send 出黎個媽媽係本身怪怪地或唔熟既，通常當無睇過。比較熟既都會比
佢就算
1個讚
又唔好咁樣怪自己、大家價值觀相差太遠、真係未必溝通到。
有時興趣班識的家長、價值觀可以會相近啲、不過興趣班好多時都係姐姐帶
2個讚