我係你會覺得佢好煩
、兩個group都同一樣野。
扮傻打：「又係呢張相、頭先咪send過囉
」
隔三十秒後再打：「原來你之前張相係send另一個group, 我以為電話壞左Tim 
係咁見到呢張相」
3個讚
可能小朋友學識某樣野太high, 想話俾多啲人知，事實上都好多呢類家長，想得到人地認同，咪當食下花生
Send俾親友其實ok, send去3唔識7家長谷就有啲怪
但俾我唔會想同同學一齊上興趣班，各自修行咪算，除非好fd， 否則唔想去到學校外都重要比併
我同隔離班家長咁岩係同一位私補，佢8到會問老師我小朋友學到咩程度，又關佢咩事呢
睇下問既家長咩tone, 有d好似say hi, 呼吸咁平常，有d會feel到係比較緊，8緊你d料。
我會睇心情，唔著意去識，但咁岩話題岩傾可以傾下，接到放學就留意下，比較佛系地open。試過好唔岩咀型就走，好岩咀型就keep.
at the end，家長投入都只係個plus, 小朋友返學開心最緊要。
可有可無
你依家啲friend有幾多個係小學阿媽幫你約出嚟keep到依家㗎?
2個讚
謝謝各位媽媽經驗意見。。。。有點點看開了，嘻
我都覺得搵到價值觀一樣既家長會好啲
而家自己响gp就係會透過對話，留意下啲家長有咩價值觀，教養方法
完左1個學期，開始明白要識家長都應該搵相同價值觀既家長
家長間少不免比較
但岩岩响電話中聽住個家長不停旁敲側擊問老師對我小朋友有咩評語
我覺得唔太好受
重點係小朋友而家係K1咋
可能你個小朋友叻、令佢覺得有威脅
咁無聊，做好自己就ok 啦，呢類人去到K2,3仲麻煩，一定狂問你報咩學校之類
睇返你呢句、想分享下中伏事件
疫情之前、小朋友喺幼稚園有幾個熟嘅家長、放假都會約出嚟玩嘅、咁有次大家約埋入去長州玩半日啦、約左喺碼頭等。
喺約定時間前一個鐘、呀家長A喺group話佢唔得閒、話唔想小朋友失望、叫姐姐同佢兩個小朋友嚟（1個k3,1個k1), 大家以為係姐姐會跟埋、點知嚟到姐姐係放低左兩個細路走左。(姐姐係放假順手帶小朋友出嚟）、打比家長A、仲話佢哋唔會驚、叫我地放心。
到玩完、約三點幾、打比家長A想送返對細路比佢、家長A話呀婆婆話未放工、叫我地七點先送返去婆婆到。
自始冇人敢再約家長A
1個讚
個家長a咁放心又咁大安旨意既，真係大開眼界
你地應該打比佢話唔巧意思，漏左你2個小朋友係長州tim, 自己湊返啦8～
我試過，細佬同學家長打聽我大女考小考邊間，講真關你咩事呢？我係咁游花園，佢就會爆自己識咩咩學校家長知道d學校好唔好。到最後放榜啦又不忘問候一番，唉～
好離譜，搵人托管仲要包玩埋
兩個小朋友可憐，因為咁嘅阿媽絕對會少咗啲可以由細玩到大的朋友
本來都有懶大愛咁諗父母唔正常唔關小朋友事、但照顧人地個細路好大壓力、果日同佢地食野又驚佢地啃親、佢地跑又驚跌親、去廁所又係咁抺抺抺驚整污糟….上船落船又驚拖唔實
我覺得。。呢d家長聚會，完全唔重要
係，之前有個都幾frd 又係咁，放低小朋友就走左去，一次半次都ok, 試多幾次就覺得俾人搵笨
你講得啱，責任太大喇，仲要兩個，大愛都大愛唔到好多次