拍拖是兩個人的事，假如事事要先徵詢母親的意見，難免會令對方大感錯愕及難受。有女網友最近於網上討論區發文，指「媽寶」男朋友不願意分手的原因，竟是母親不希望看到他倆分手，甚至面對面表明要分手之際，男朋友還是要先致電母親詢問如何處理，惹來網民熱議。
女網民於「香港討論區」發文指，近日發現男朋友是「媽寶」後，有感看不到未來，因此希望借故意發脾氣和責怪男友，讓男友自行說分手免卻麻煩。怎料男友每次都低聲下氣求和，令女網民不知所措。
於過去周末，女網民再次表示要分手，更直截了當講出心底話，直指受不了男友「媽寶」性格，又反問男友為何堅持不想分手，不料男友竟表示因為母親不想他倆分手所致，令女網民非常氣憤。直至周日見面時再次提及分手問題時，男友竟然表示希望致電母親，詢問處理方法，其後更將電話交予女網民接聽，希望母親可以與女網民直接對話。
女網民表示，對「媽寶」男朋友已不予一絲希望，「沒期望就沒有失望」，表示想不到男友分手前竟要先問母親。事件惹來網民熱議，有網民反問女網民當初為何和男友拍拖，亦有網民表示女網民的決定正確，「媽寶男係永遠無主見，聽哂阿媽話，唔會聽老婆話」。
想知佢呀媽講咩
我公司曾經請過一個後生仔係"媽寶", 每日返工佢都令我同老闆有無數驚喜… 唔知郵票貼係邊, 問阿媽… 夏天要攞野落地盤, 打電話問阿媽搭的士好唔好… 原本放工6點, 6:10未放, 就話阿媽指定7:00返到屋企食飯要即走… 頂唔順炒佢, 佢都係叫阿媽同我傾… 我同個女講真係唔好搵個"媽寶"…會死得好慘…
呢d男人最啱攬住阿媽過世
其實我又唔明媽寶個呀媽點諗，如果我個仔係咁，我應該一早開左佢拖，十歲之後好多野唔駛問我意見啦，我自己都頂唔順
有好多阿媽係鍾意樣樣嘢都幫仔女做埋決定晒，照顧得最「妥當周到」，希望仔女唔需要郁手，尿都可以幫佢疴埋
媽寶又唔可以單方面怪媽寶, 通常D阿媽都好有問題
有次有個CANDIDATE INTERVIEW帶埋阿媽嚟, 雖然無入公司, 但見佢好似鯊魚咁喺公司附近游弋, 已經知道唔可以請 
媽寶同爸寶都得人驚。
有畫面
所以我成日覺得唔可以圍住仔囡轉，某程度都害左佢地
10歲以下尚可, 但10歲以上真係要慢慢放手
係呀，呢啲咪愛佢變成害佢囉
要識得放手，stand back
我又聽過帶阿媽去面試嘅男仔(消息來源可靠)
第一次面試, 阿媽係接待處等。
第二次面試，阿媽都一齊到。
比我見到第一次就唔會叫佢嚟第二次 
自從有咗一次"媽寶"經驗之後, 我老闆話以後請人, CANDIDATE講個"媽"字都唔請…
我同意呀… 10歲以後, 佢問得我多, 我都厭佢煩…
我都係咁話。
但個interviewer好人，而 個candidate又啱曬條件。最後有請佢。
呢單應該係阿媽問題。
爸寶… 冇聽過 
睇到呢句, 無野諗到, 只諗到, “即分唔洗再傾”
我識。
係個老竇家庭主夫，所以同仔女關係好好，人又緊要，跟出跟入。
依家仔女全部中學，仲係咁。管接管送。