我諗番起，我媽就係媽寶媽
10幾年前我哥讀大學，佢會叫我扮掛住哥哥，9點幾就call我哥返屋企（我當然無理佢），到我哥2X歲，有一次佢鬧我哥，原來鬧佢自己買底褲質地唔好，應該著返佢買個啲。。。最後我哥好醒過左外國無返嚟，但我媽就日日追魂call。。。有一次佢打俾我哭訴，話阿哥呢幾日講幾多就收線，於我教我媽咪，唔好呢幾日狠心啲唔好搵阿哥，過幾日佢就自然會打電話返嚟搵你。結果嗰幾日我媽好開心打俾我，話阿哥主動打電話俾佢，話見佢呢幾日冇電話打過嚟擔心佢有事。
但我阿媽將佢湊阿哥個套用返落湊我個仔，成日話我唔餵我個仔食飯，由佢自己食食太少搞到好瘦。如果我個仔去佢嗰度食飯，佢一定會好proud of 咁同我講：你個仔食咗成碗飯，係我餵佢食㗎。我當年都餵阿哥餵到佢9歲（我個仔今年8歲）。所以除非我真係搵唔到人，我一定都係唔會俾佢湊我個仔
你媽咪都唔算好媽寶媽，邊緣啦
我有少少調轉，我女好煩，出街返屋企都要打電話話我知，我手提唔聽就打公司，搵到你為止，仲要加傾計。
又時時投訴我唔夠關心佢
養到18歲入埋大學我以為發達啦甩難，點知仲係咁樣樣。
死啦，我仔好痴我，可以點訓練佢等佢第時唔好好變媽寶呢
我大女由細到大都唔會咁，想佢自己返到學校打電話通知我一聲有好多時都話唔記得，好羨慕你
首先戒左30歲同屋企住問題先
又係甜蜜的煩惱~
運動有幫助，激發多雄赳赳
細既參加兒童跆拳班
大既玩單車，攀石、健身
痴身唔一定變媽寶嘅，我仔都痴，但我要佢自己做決定，自己諗解決方法，小事開始要佢自己揀，自己試。
我以為仔先係咁。
我仔都由細到大都係好獨立。講真，我有時好羡慕人哋可以做媽寶
呢位女網民都好特別，分手呢家嘢根本係只需要一個人嘅決定就可以成立嘅事…
既然已經提出咗分手就直接ghost咗個媽寶佢啦，仲要再見面？有咩好傾？又唔係要分身家
我舊派人，我覺得分手要講清楚㗎，唔知咩事唔見咗以後怕仲麻煩
該主題在最後一個回覆創建後30天后自動關閉。不再允許新的回覆。