代我家姐問,佢哋個女同我女同年,自從升咗中學之後佢女考第尾,又經常化妝著到五顏六色出街,又介手,吸煙,仲識咗男朋友
我家姐個老公覺得冇問題,我家姐話唔知點教,大家有方法嗎？
呢個年紀反叛期唔多聽父母話，佢以前一直都係咁定升中識左d壞朋友？你家姐平日同阿女傾唔傾到偈？你女同佢friend 唔friend ？
重點，先教左對父母，佢地覺得無問題，外人係插唔到手。
點解爸爸會覺得無問題？已經去到自殘都接受到？
媽媽唔知點教，但有冇試過搵原因，上中學先係咁，即係以前係乖？咁中間發生左咩事？
5個讚
因為並非我家姐親生,係家姐老公同前妻生,係個女11歲先第一次見面
2個讚
因為並非我家姐親生,係家姐老公同前妻生,係個女11歲先第一次見面,我家姐話以前係點佢吾知,佢爸爸話佢以前讀書都係咁…
咁乜都唔知，阿爸又唔理，後母擔心都冇用喎。佢跟阿爸住？
係跟呀爸住
後生女搞成咁, 冰封三尺非一日之寒,
當務之急我反而覺得一定要提佢用condom
13個讚
Agreed
依家幾多歲？
我覺得青春期千祈唔好用長輩身份去訓話，希望同佢friend 到，傾到計。
真係出事都知。
說中重點，女仔如果在家中搵唔到愛，會好早出去搵人愛，同埋擇偶條件極低，求其一個 MK 仔都得。
11個讚
14歲，因為我家姐係後母，係個女仔11歲先第一次見面，當時已經搭入青春期…
即係而家係你家姐，姐夫同阿女一齊住？
家姐同個女關係點？唔太熟？
老公有冇expect 你家姐幫佢管教個女，定當朋友相處就ok?
前妻同個女 close 唔 close?
無background 好難俾意見，但就咁睇，
我估你姐夫唔係覺得冇問題，而係唔想同你家姐傾咁多關於佢個女，或者唔想你家姐干涉咁多。
教女嘅責任比番姐夫算啦，唔好主動做啲吃力唔討好嘅嘢破壞自己婚姻。
4個讚
好老實，可能你家姐本身就係一個觸發點，11歲先第一次見，而家住埋左一齊，其實可能姐夫個女都未接受到，覺得俾人搶左個爸爸，咁好自然出去搵返愛同安全感
係一齊住，前妻話畀啲時間佢,佢遲啲接返個女
但其實都好清楚,呢個只不過係前妻嘅藉口,佢根本唔會再搵返個女
即係阿媽唔要佢，阿爸又同你家姐結婚，佢可能覺得冇左個屋企。除非你家姐比到好多愛佢，如果唔係都好難變好，同埋呢啲係以年計先可以開導到佢，仲要係反叛期，好難搞。
2個讚
做任何嘢都要先建立關係
你家姐可以做嘅就係同理吓佢先,而唔係話佢
等佢覺得你家姐係關心佢,有咗好嘅關係就自然可以講多好多嘢
就好似喺學校咁,就算係曳嘅同學仔,都會聽一啲對佢好嘅老師話
但就會好唔gur啲惡嘅訓導主任
慢慢嚟,唔好太急,要明白有啲嘢未必可以改變到,但起碼佢肯信任你家姐,將來有啲咩事都有商有量
6個讚
姐夫之前話過吾想交撫養權出嚟，個女已經話要同阿媽住，姐夫先話會搵前妻傾喎
原因係乜? 如果人地阿媽想湊而個女又鍾意跟媽媽, 點解仲要爭?
1個讚
當初法庭係判左俾呀爸，而家要再處理