custody order 可以vary, 都唔難, 前提係大家有得傾
同埋大家都為左小朋友福祉著想, 坦白講都唔係小朋友, 要尊重佢自己意願
其實答案已經出左來, 佢無母愛, 老豆應該又唔理佢, 又有個後母係度, 所以會咁,
後母如果係度話佢, 只係愈來愈反叛
所以老公岩, 唔好理佢, 因為好正常。呢個幾乎係必經階段
你家姐只可以係隔離觀察, 最好好似樓上咁講, 做到FRD, 咁發生乜事佢都會講果種, 有事都可以幫到佢
千萬不要用長輩口吻, 家姐唔係佢老母, 無呢個資格, 最後只會愈走愈遠
2個讚
而家姐夫同前妻傾緊撫養權，前妻話肯接走個囡，但姐夫唔想比番佢囉
其實係咪冇得姐夫唔想，聽番好似只要呀媽正常有d 經濟能力，細個通常判俾呀媽。如果仔女大左，就會聽埋仔女意見。
Btw, 你家姐角色好吃力不討好。
前妻離婚嘅時候確實係冇乜經濟能力，我家姐話前妻而家有份穩定嘅工作，個女仔話要跟返親生阿媽住，唔知有冇機會可以俾返撫養權前妻
個女仔好夜先返屋企，試過淩晨兩點先返，話同朋友去長洲玩喎
今日話同朋友食晏，而家仲未返…
咁其實姐夫爭黎做咩呢？個囡跟前妻，可能仲有啲希望
佢好明顯係唔想返屋企啦。你家姐真係好關心佢，想幫佢嘅要好有耐性，同要有心理準備會食好多次閉門羹同可能會受傷。
呢個階段就算係親生女都係急唔來，唯有多啲同佢講睇到佢受傷會好唔開心，唔洗focus佢自殘與否。夜返就打一兩次電話揾下佢（一兩次好），最好唔好send msg，不過唔洗追魂call咁催佢返來，旨在俾佢知屋企有人等佢嘅。我父母曾經係廳坐到半夜兩三點等我返屋企
講緊呢啲野係家姐做，老公覺得唔係問題嘅，佢可以唔好理，但係你家姐係有權關心呢個少女嘅。
家姐都可以試下挖開肚皮同佢傾下佢哋個關係係點，咁大個人要佢當後母係媽媽應該好難做到。俾囡囡一個機會唔用行為，用言語試下拒絕或者同大人講清楚佢對呢段關係嘅睇法。
當然囡囡受唔受就睇佢造化啦，要將個關心做出來又唔好太過份係好難嘅。記住呢啲囡仔都有回頭嘅可能，家姐加油呀。
即使生父唔正視，但係你家姐會為囡囡煩惱，真係好好。
1個讚
其實吾係你講咁
我個次上我家姐度，見個女仔咁樣，同我家姐講，佢話佢唔諗住理，個囡又唔係佢生，我話你同佢爸爸結咗婚佢就係你個女嚟㗎啦，點可以唔理佢，所以家姐而家先開始會理下個囡，但又唔係好識教，我又冇呢種經驗，所以先嚟問
個女想跟返媽媽，所以咪唔返屋企。
後母又唔想理佢，女當然唔鍾意佢。
個爸死攬撫養權，根本唔識幫個女，連叫後母幫手都唔識。
如果媽媽肯，爸爸應該放棄撫養權，就最幫到個女。呢個都係個女既願望。
呢個後母連理小朋友都要人提，你地又唔識教，最後就係俾返個女人地阿媽
而家我姐夫已經處理緊個D撫養權的問題，我家姐又係話吾理，等個女仔個呀媽接走佢仲好…
咁家姐都唔想理, 等阿媽接係最好嘅方法來嘅
1個讚
唔好怪我坦白，其實係咪你自己多事左？
宜家人哋個阿媽都肯接個女，已經係最完美嘅結局。
真心如果我係女仔，都會想跟返自己親生阿媽多個跟老竇嘅下一任老婆。
你姐夫都唔想你家姐干涉太多，加上本身你家姐同個女關係都唔係好。
旁邊鶴講一句真係好容易，你家姐唔係唔想理，係根本冇身份去理太多。
你唔好一廂情願覺得可以好溫馨，唔好睇咁多電視劇…
等當事人自己解決啦。
1個讚
其實我放上黎之前我係問咗我家姐先放的，現在都已經係解決咗女仔嘅問題，個post都算係完結，多謝各位意見
該主題在最後一個回覆創建後30天后自動關閉。不再允許新的回覆。