果兩公婆離左婚、其他唔知咁多。
有時佢會過嚟同我個仔玩、個小朋友算係醒嘅（同我小朋友比）、過嚟我屋企好有禮貌又會執玩具（雖然有啲啲作狀）、但真心佢父母唔惜福、有個咁乖嘅小朋友。
真係可以好多原因
屋企有冇錢都好、係咪上面落嚟都好
真係好多小朋友唔係日日可以見到自父母
呢類小朋友係叻嘅都好啲
真係唔好彩係SEN或者其他問題、真係好慘
因為未必有人意識到要幫佢地
我都覺得而家身邊好多sen小朋友，興幸係身邊家長都接受小朋友有需要向外求助
我自己小朋友懷疑asd，準備做評估，我自己讀psychology，其實都知小朋友好大機會係，不過symptoms算係輕微，所以唔算好擔心
另一個朋友個仔，初中先確診asd，過曬黃金治療期，都無咩做到。而家佢阿仔都讀大學，成績算ok，自己做part time供自己讀書，都好乖仔，只係有時諗嘢好偏激，發脾氣時會好激動好難平復
另一個朋友個仔，細細個就對一啲textures好敏感，會令到佢情緒唔穩定，後來確診感統失調，要去上堂做訓練改善
係，有冇人意識到都好重要
而家學校有社工嘅都好啲，學生有問題多數都pass比社工跟，社工多數有psycho底，好易會分別到係咪sen，有需要就轉介
但有啲老師真係無sen嘅相關知識，當遇到啲唔守規矩嘅學生，就以為佢哋只係曳，而無諗過佢哋可能係sen小朋友
2個讚
我屋企人係小學高層，佢有時同我講啲學生情況，我都叫佢轉介俾社工跟，佢亦知呢類係sen，但佢十次九次都唔會，我感覺都係少做少錯，唔做唔錯。
所以，家長同老師都唔去幫小朋友的話，我哋外人都只能奈何。
其實sen範圍好廣，大家係咪只係討論自閉譜系、adhd、學習遲緩？
最普遍見到的情況
follow 開一個parenting 網站最近有做星星兒童嘅專題，但group /特定組織就真係唔知呀
樓主不如試下post 幾個出黎？
自己小朋友偏向過靜嘅（sorry 唔知有冇講錯terms），主要係社交方面問題。我懷疑佢係有「選擇性緘默」，呢到唔詳細描述，知道有其他嘅睇法係覺得其實即係怕醜，好小事，但我自己選擇係去搵專業人士盡快處理。
自己唔想等政府所以搵咗私人做評估，睇咗一次治療師話可以有啲爸爸媽媽都做到嘅training 比佢，之後幾個月應該會有改善，幾個月後有需要先follow up。先生初時都表示我會唔會太緊張，覺得冇搵治療師既需要，後來見到evaluation 好似覺得問題不大，大家鬆一口氣。所以都認同家長係最重要嘅角色，病向淺中醫，襯早去改善咁個問題唔會越滾越大。
慶幸自己都聽過相關問題嘅terms，所以一嚟就可以對症下藥咁滯。好明白樓主話想普及化，因為真係可以慳好多時間。雖然evaluate 完知道問題不大，但我都慶幸自己有做。一來個心定啲唔使囉囉攣，其次佢有建議改善方法，同應該用咩態度面對小朋友，最重要係如果好遲先去搵嘅話，問題唔知會變成點。
由發現問題去到決定搵治療師呢段時間，自己都好忐忑，上網search 既時候不斷搵啲特徵想說服自己係無事嘅，後來發現咁樣自己呃自己係冇乜意思。呢段短短嘅時間都感到有壓力，更加覺得家長已經唔容易做，而sen 家長面對嘅壓力更大。
2個讚
都係，事實上有啲家長係會好激動，覺得自己小朋友唔會咁樣
老師提出嚟，反而係老師有問題
其實係外國啲社區Group同啲社區報會講，
即係例如有朋友住A區，咁佢哋嗰區有啲居民係home schooling或者SEN或者係長期病患
個區本身有個類似WHATSAPP Group俾大家去Contact, 大家一齊搞啲活動，甚至出份有關A區嘅newspaper俾啲唔願意上網嘅長者
有講好多區內資訊，同埋啲活動係針對乜嘢對象，有無義工可以幫等
咁知道有呢個活動嘅人可以自己揀參唔參加，甚至做唔做義工
因為本身有唔少長者無嘢做，啲青少年又想搵活動
所以都有唔同年齡層去JOIN
咁如果嗰個活動係以SEN做主題，大家又好自然會加深了解，然後以親身接觸過SEN嘅經驗講返出去
不過我估香港好難咁做 
純粹問吓，睇吓會唔會係有，但自己唔知
好明白啊 
正正因為自己接觸過，因呢啲經驗而受惠於教養自己嘅小朋友，
所以好想做多啲
係啊，我就係最近見到呢個情況
平時位家長都好理性、好客氣架嘛
估唔到咁大反應
我覺得位老師好慘
一直都照顧家人嘅SEN小朋友，年初就第一次聽過呢句說話，當時坐巴士送小朋友返學，有個高大小朋友同佢媽準備落車，小朋友係動作大啲，佢媽已極力控制佢，無事。有個食花生嘅阿婆講咗呢句說話，異常“銀”耳。
因為我媽都係啲咁嘅人。
但佢唔會係人面前講係背後講。
除非你係特定社群，例如expat，或者愉景灣居民，坪洲居民… 否則真係冇乜呢啲，尤其而家連區議員都無…
係咪類似呢啲：http://lamma.com.hk/
正常學校應該係要出通告、要家長同意先可以安排評估。
家長唔簽、學校可以做嘅有限。
確實係嘅，父母先係第一步，父母唔肯行，個社區有幾多資源都無用
但我覺得近年情況係好咗，多咗父母接受小朋友係有sen，因為評估嘅人數真係幾多，排政府免費嘅係1年以上，就算自費ngo做都要等幾個月
其實以前舊社會資源少，無辦法抽到啲sen小朋友出嚟，但唔代表個社會無呢啲人存在
到而家多咗資源做，就會發現sen小朋友真係好普遍，所以家長無需要擔心評估確診之後，小朋友就會變異族
同社工傾過計，一班學生，每5-6個入面，就會有1個sen小朋友（佢粗略估計，無research support）
但其實做吓訓練，大大吓啲小朋友就會同其他同學仔咁分別唔大（除非評估係屬於嚴重）
所以盡早評估盡早開始訓練係好重要
2個讚
SEN可以智力正常，只係香港教育模式唔岩佢地，佢哋唔可以坐定定學習。
其實SEN好普遍，但當我見朋友呻小朋友的行為時（e.g.鏡面字，分唔到b/d，默寫點溫都寫唔岩等等），聽得出應該似SEN，勸佢哋去做評估，佢哋都好大反應，話一定唔係，佢係醒，只係唔想學etc
大反應程度好似驗到有愛滋咁
其實病向淺早醫，唔使大驚小怪。
1個讚
父母接受真係好重要，我仔ASD幸運地遇到個好好既Clinical Psychologist, 佢第一日就同我講，你識字既自己睇多啲書去學去了解，父母日日對住係最好既trainer. 唔識就覆診問，又慳錢又最切合阿仔需要，真係好有月。
當然CP 角色亦好重要，基本上每年開學我都要arrange CP同班主任開個會，主要係提供教學上既輔助比老師，有乜意外老師可以揾CP幫手，通常老師都樂意兼且對阿仔無咁大惡意。我無寫錯字，係惡意！對SEN, 好多老師都唔了解，基本上認為阿仔係作對同玩野，而父母既解釋老師認為係縱容，所以每年開學我都揾CP同班主任傾下，主要同班主任做輔導同教育.
4個讚
今日先聽到一段真係好感動嘅說話，有兩個小朋友話班上面有個 SEN 小朋友係自閉，所以行為古怪同埋情緒不穩，佢哋異口同聲話「就算佢行為唔係正常，都唔應該蝦佢，我地要尊重佢照顧佢，因為佢都係班上面一份子，佢有自閉症唔係佢想，佢都想同朋友玩，所以我地要多啲同佢相處幫助佢」。
呢兩個小朋友好懂事，如果個 SEN 小朋友媽媽聽到，一定好開心，班上面有同學仔咁包容接納。
15個讚