以前從事教育工作，
有幸接觸SEN青少年，
令我不但唔拒抗SEN，仲對呢類小朋友好有好感
嗰時聽到有人惡意中傷SEN，
或者睇到SEN嘅家長嫌棄侮辱自己嘅小朋友，
就會覺得難過
之後，我做咗媽咪，而小朋友咁啱又係SEN
我自己好享受同小朋友嘅相處，當中少不了要感謝之前教過嘅SEN青少年
最近，我見到身邊有一啲平日都好理性嘅家長一聽到老師建議佢小朋友去評估，
就異常激動
我估一開始難接受係因為怕自己處理唔到SEN小朋友
我希望藉著自己嘅經歷嚟分享一下SEN並唔可怕，
同埋依自己學到嘅講俾大家知，接受SEN嘅調適課程(即係我哋一般形容嘅「治療」)係越早越容易
外國有好多呢啲向公眾分享嘅GROUP同網，
但香港就好似無乜（SEN家長內聯嘅就有），
請問大家有無介紹？
呢度講咪得羅？
定係你想找大眾媒體？平時傳媒既教育版不時都有講。
Fb有啲谷 都係家長們 互相扶持＆問問題
係街見過呢類小朋友，
通常會話:個阿媽一定前世做錯事，個天要送個咁嘅小朋友比佢。
或者問我：果個人係咪傻架？
又或者：果啲係係傻仔學校讀書，唔好行禁埋去呀。
呢啲說話我都聽過。
我見到身邊嘅情況係
家長根本唔承認自己個小朋友係SEN、小朋友成績唔好、就話讀書叻其實冇用、冇所謂、但又唔轉校、小朋友由細到大科科零分個位分其實一直好挫敗同唔開心。
又啲小朋友同親同輩相處有問題、就直情星期六日唔出街唔參與任何聚會、佢父母話大家一齊留喺屋企抖下仲開心。
又或者覺得SEN係對唔乖嘅小朋友巧立名目、 結果錯過晒小朋友可以接受治療嘅黃金時期。
其實係因為見到外國直頭有啲GROUP係融入社區教育，
所以只要响嗰區住就會有機會睇到，
無論係咪有SEN小朋友，甚至未有小朋友，
都可以睇到，
覺得幾好，
所以想睇吓香港有無啲類似嘅嘢 
係啊，都係SEN家長
但我就想多啲人可以接觸到呢方面資訊 
其實我覺得香港呢啲資訊算多、好多好多唔同協會。
反而係、家長會唔會主動去揾呢啲資訊。
都有聽過講，自己遇過嘅次數唔算多
有朋友話試過因為咁，連帶小朋友去治療中心都唔敢
我自己本身都怕尷尬，
但睇過一本書係由一位SEN媽媽寫：
嗰啲取笑我哋嘅陌生人只係會見一面，但我哋嘅寶貝就係一世嘅愛人，自己知道邊個重要啲就夠
呢句說話令我好鼓舞
同埋我自己嘅做法係：
即使小朋友都係因為無可奈何先控制唔到而影響到人，
我會照向人道歉，盡量帶小朋友即時離開，以免再造成人哋嘅滋擾
事後，我會同小朋友講：媽咪道歉唔係因為你做錯，你努力緊去控制，只係我哋嘈到人，就應該道歉，我哋繼續一齊努力學習控制
我覺得圈子內係有好多資訊，
但真係向外嘅，就好少
好多人都一知半解，
文化上知道係要接納，
但到發生响自己小朋友身上時，
就退縮、搵藉口避，
結果小朋友嘅黃金調適期就响負面情緒下錯過咗 
另一種情況就係遇到小朋友影響到人哋嘅情況，
就話自己嘅小朋友係ADHD，但由頭到尾無做評估，又無任何跟進，
甚至只係家長為咗掩飾小朋友嘅行為而自行診斷
結果就令更多唔理解嘅人將「曳」同SEN聯埋一齊 
無錯，正因為之前外國研究點解整體精神病嘅人不斷上升，
就發現其中一個原因係當事人根本係SEN
但一直被誤解
結果就發展出抑鬱、焦慮、思覺失調，甚至會因為咁而輕生 
其實最大問題真係喺家長身上
家長唔接受小朋友係、就幾多資訊都冇用
尤其今日香港，好多人為口奔馳
好啲有姐姐嘅、叫晚晚有啲見幾個鐘
有啲直情平日係放比人照顧、假日先見
我隔離屋嘅小朋友係得嫲嫲同工人姐姐睇、呢兩年都冇見過佢爸媽。
真係父母自己都未顧掂、邊發現到小朋友有問題。
兩年！ 
咁點解要生個小朋友？好奇怪啊
不過都明依家無乜嘢好驚訝，淨係睇到啲虐兒案都已經覺得荒謬
哦 明白
即係想 out of SEN network咁講多啲
咁不妨呢度講 
我都想啊，
希望大家唔介意我咁樣開POST分享自己經驗啦
話唔定係因為小朋友不能自理，
父母唔想對住，
唯有一星期見一次囉。
而家好多家長唔接受，老師叫去做下評估，佢覺得老師係唔想照顧，所以想label 佢小朋友，但身邊人睇都覺得要評估下
應該教育係大人，要全面被了解先有有效改善的機會
我識得有個、做完評估、都係覺得個小朋友冇問題、冇去正視。
但小朋友晚晚做功課到12點。