mama_s_affair
【《阿媽》得咗啦！我哋真係衝出香港啦！】
恭喜《阿媽有咗第二個》入圍第十七屆日本大阪電影節競賽項目
恭喜毛姐！恭喜薑濤！恭喜阿Jer !
阿薑同阿Jer 第一次參與電影就入圍海外電影節，叻呀！
恭喜彭導，繼首部電影《29+1》，第二部電影再次入圍大阪電影節！
《阿媽有咗第二個》會在三月於日本大阪電影節期間作全球首映！（只作電影節放映）
香港觀眾，知道你哋等到變長頸鹿，請耐心等候，首先集氣令香港戲院快點重開，個個健健康康開開心心熱熱鬧鬧入場一齊睇《阿媽》！
“Osaka Asian Film Festival” 是日本大阪於每年三月舉辦的亞洲電影影展活動，過往亦曾經有不少香港電影入圍及得獎。由文念中先生執導的《好好拍電影》是上屆的開幕電影，彭導執導的《29+1》亦曾經是第十二屆的「觀客賞」（即觀眾票選大獎）得主呀！
#阿媽有咗第二個
#mamasaffair
#Osakaasianfilmfestival
#大阪亞洲電影節
唔係未拍完，甘快入圍，剛剛聽彭導話未拍曬
smartposthk 【薑濤Jer衝出香港 首拍電影入圍日本大阪電影節競賽項目】
薑濤同Jer柳應廷舊年拍攝導演彭秀慧執導嘅電影《阿媽有咗第二個》，今日官方公布入圍下月舉行嘅第十七屆日本大阪電影節競賽項目，同時會喺電影節期間作全球首映（只作電影節放映）。呢兩位MIRROR成員第一次拍電影就有咁好成績，香港作品又可以再次喺日本睇到啦～～
《阿媽》由彭秀慧編劇及執導，演員有毛舜筠、柳應廷、薑濤、岑珈其同麗英。片中毛姐飾演媽咪，阿薑同Jer做佢嘅囝囝，Jer因為拍呢部戲仲特登剪髮；而薑濤就有個茶餐廳夥記造型。雖然呢個母子組合未合作過，大家喺年歲同演齡上都有大距離，不過佢哋又好傾得埋，連毛姐都俾阿薑感染，大家會偷拍對方嘅瞓覺相甚至影片放上ig。
毛姐曾經話有Jer同阿薑扮佢個仔係自己嘅福氣，因為佢哋都好努力做好本份，畀佢好多驚喜；阿薑喺拍攝其間獲得毛姐同劇組照顧，令佢感到充滿愛，拍得好享受同開心。
彭秀慧以前執導嘅《29+1》，曾經獲得大阪電影節嘅「觀客賞」，即係觀眾票選大獎，希望今次彭導都可以捧獎啦。
https://www.instagram.com/p/CaEdEXyP1jV/?utm_medium=copy_link
可以入圍都好
[HK01］薑濤柳應廷銀幕處女作《阿媽有咗第二個》
入圍大阪亞洲電影節
由彭秀慧導演，毛舜筠、薑濤、柳應廷（Jer）主演的《阿媽有咗第二個》，傳來讓人振奮的好消息，《阿媽有咗第二個》入圍第17屆大阪亞洲電影節競賽項目，導演彭秀慧繼執導處女作《29+1》後獲邀參與同一個電影節，影后毛舜筠亦再有新作亮相國際影展，薑濤與Jer則是第一次參與電影就立即入圍海外電影節，確實令人鼓舞。
大阪亞洲電影節是日本大阪於每年三月舉辦的亞洲影展活動，過往曾經有不少香港電影入圍及得獎，彭秀慧執導的《29+1》在第12屆榮獲「觀客賞」（即觀眾票選大獎），第二部作品《阿媽有咗第二個》再獲大阪亞洲電影節青睞，入圍競賽項目。
彭導演表示：「當然是非常的開心，我對大阪亞洲電影節有特別的情感，第一部執導作品《29+1》，亦有在這個電影節中奪得獎項，當時我專程飛到大阪參與盛會，更可以坐在戲院觀眾席上，看到配上日語字幕的《29+1》，那種感覺非常奇妙與畢生難忘，好開心當時獲得『觀客賞』（觀眾票選大獎）；今次再度入圍好感動，可說是回歸這個電影節，又有第二部執導作品交出來，好遺憾今年不能親身出席電影節，我不清楚日本觀眾對薑濤與Jer的認識程度有多深，但好肯定他們會認識毛姐，因為日本有很多香港電影的影迷，希望他們透過這部電影認識到香港新演員，也希望他們會喜歡這部有很多香港音樂的電影！」
影后毛舜筠笑言，《阿媽有咗第二個》入圍大阪亞洲電影節，猶如注入一枝強心針，格外興奮：「好開心，特別在這個被疫情困擾得異常鬱悶的時候，聽到這個喜訊，令我精神立即為之一振！我希望所有觀眾都會喜歡《阿媽有咗第二個》，日後參與不同電影節，都能夠旗開得勝！」
作為銀幕第一擊，《阿媽有咗第二個》先聲奪人，獲邀參展國際級影展，薑濤表示相當驚喜：「好開心《阿媽有咗第二個》能夠入圍大阪亞洲電影節，這是我第一次拍電影，沒有想過第一次拍電影就可以入圍國際影展，我感到非常榮幸，亦希望日本觀眾可以從日文字幕版感受到我們用心的演出，請大家多多支持，感謝！」
而與薑濤同屬初次參與電影演出的Jer亦對電影入圍大阪亞洲電影節大感雀躍：「這部是我和薑濤的第一部電影，我們投放了很多心血，好開心這部電影衝出香港，讓日本觀眾可以欣賞得到，作為新人，這部電影是個很好的學習機會，能夠入圍國際影展更是個bonus，希望大家能藉此多加留意香港的新演員，讓香港演藝圈愈來愈百花齊放。」他最後特別多謝導演彭秀慧及毛姐的教導。
as1.entertainment
《季前賽》私追風波
警方再通知劇組 禁2人以上聚集 違者將被票控
ViuTV原創劇《季前賽》趕拍，不少街場戲份都是通宵完成，以減低被私追及人群聚集風險，惟拍劇難免發出聲浪，令附近居民受影響。開劇未幾，已有大批私追聞風而至，守候拍攝現場，亦令疫下散播病毒風險倍增。劇組早前已發出勸籲，稱因為現場太多人群聚集，居民多次投訴，驚動保安及警察。劇組亦收到警告，稱如情況未有改善，有機會被終止拍攝。
…
相信大家都唔想睇到《季前賽》街場拍攝被腰斬，唔想變曬廠景，請耐心等候，讓團隊養足精神專心拍攝；套劇出街之後，逐格cap圖整fancam都唔遲呀。
【小妹妹以為薑濤姓Lo 全名「Lo Keung To Anson」】
至於之前提及小妹妹將薑濤哥哥當咗撈撈豬AnsonLo哥哥，但認得193哥哥（郭嘉駿先生），原來另有原因。呢位小妹妹叫阿Bean，已經拍過不少廣告。媽媽問佢係咪真係認唔到薑哥哥？阿Bean答：「我識吖！」咁點解仲叫佢做Anson Lo？阿Bean話：「我以為佢中文名叫薑濤（唔連姓叫），我中文名都係兩個字（唔連姓）。」原來阿Bean唔知中文名都可以係單一個字（濤），而佢一直以為，薑濤「姓盧」，拼音全名「Lo Keung To」，英文名「Anson Lo」。
謎底解開。
薑濤又真係冇英文名，但《造星》美國受訓期間導師嗌佢Ginger，即係Ginger Keung。
…
姜真人生好多“第一次”好特別，佢第一次買CD係自己同mirror出的，第一次演唱會就係自己演出，第一次拍電影入圍國際展，第一次參加香港機構主辦比賽全民做星拿冠軍，第一次有藝人可以展示係匯豐大樓幕牆，第一次有歌手可以連續兩屆拿叱吒的最愛及最歌…仲有很多數之不盡奇妙第一次係佢身上發生。
姜冇刻意經營，去特別計算得失，反而令佢得到更多。
好似上年年尾，花姐出post放晒風暗示佢冇獎，偏偏就係頒獎禮前佢接連拎兩個國際雜誌頒的殊榮，將佢人氣推到好高，再次奪得叱咤兩個大獎
以前唔係叫Show咩？佢件波衫都寫住Keung Show.
佢全民造星初期，記者問佢英文名係咩，佢初時話無，後來自爆係因為人地話唔好聽，所以話無。
姜濤係冇英文名，讀書時期有英文名，但d 人話唔好聽所以冇用，Keung “Show” 只係跟佢偶像小豬Showlo 而改，比條youtube 你考下古
花姐真係跌哂眼鏡 
好難得咁細個就咁睇得開
我覺得薑濤睇得咁開，或多或少係佢童年自卑影響，我估佢到而家都唔相信，自己會被咁多人欣賞喜歡，同埋唔肯定自己d fans 會追隨佢幾耐，講白d 佢對自己仍缺乏信心，所以性格唔會太進取，凡事隨遇而安，但佢愈係咁樣，更突顯佢嘅優點，反而更令人欣賞 
咁呢個都係真
有d人一時一樣
嘩，其實佢嗰日錄左幾多個訪問
季前賽︱中學唯一一場比賽 完場前一秒入絕殺球
薑濤堅守維園拒打室內場：最熟悉嘅環境 令我覺得唔會忘本
薑濤視籃球為人生中Top 3之一，其餘兩樣是音樂和食物。拍廣告打籃球，他會要求導演讓他來真的，「你拍多幾次我都唔怕，我都係會留到最後唔想走。」不少曾跟他在維園交過手的人都說薑好勝，會「獨食」，這點薑也同意。早前他接受商台903《強大人明星體育會》錄音訪問，直言希望自己能多點信任隊友：「因為我比較少傳波，我會同自己熟嘅人傳波傳得多啲…」
打籃球冇人教，讀書時最叻只是參加班制比賽。中學唯一一次比賽，他入了一球絕殺球，五打五，最尾一秒入籃。女生尖叫聲令他超爽。
「維園三劍俠」，中峰和占士，兩位摯友在其沒多少朋友的童年給了他不少溫暖，一直到現在。成名後薑繼續流連維園，他喜歡這裏的叔叔伯伯，他們都看著他大，「始終覺得最熟悉嘅環境，係令我覺得唔會忘本嘅地方。」
【小學沉迷《網球王子》動漫 打籃球為增高】
《季前賽》開拍，薑濤跟戰友包括肥仔梁業、193郭嘉駿、Edan呂爵安、大表哥Stanley（邱士縉）、Ian陳卓賢、P1X3L的Phoebus（吳啟洋）跟Marco（葉振弘）日夜趕拍；之前經歷過最辛苦的一天，之後還有無數個「最辛苦的一天」。幸好眾演員都熱愛籃球，NG當練波，但如果休息不足就很要命。
薑濤在訪問中說，最早接觸籃球是中一，籃球給他自信，「一開始嘅時候我好矮，覺得打籃球可以高啲瘦啲。」現身高177cm的他自言小時「又肥又矮，一個波咁」，其實他最先接觸的是乒乓波，小學階段非常沉迷：「嗰陣最鍾意睇動漫嘅《網球王子》，我用《網球王子》嘅招式嚟稱呼乒乓波，覺得自己好型。但去到中學發覺乒乓波枱成日俾人霸住，就轉咗去打籃球，同埋籃球真係好似令人會瘦啲。」
【「嗰陣時都幾多人睇唔起」 跌得越低越要贏】
外間猜薑濤是《季前賽》裏的流川楓，似嗎？他笑：「梗係唔係啦！我都想！我冇佢哋咁勁，其實我鍾意櫻木花道，因為佢嗰種永不放棄嘅精神，好拼搏。我以前好似佢咁，好曳，都係因為籃球先走上正途。我人生最好嘅朋友都係喺籃球場、喺維園認識。
「如果我射入咗，我會對自己有多啲自信，我諗呢個係……自己對於自己嘅一種激勵。」
「打籃球冇人教。我都冇乜friend，先冇人教，但係好多對手。嗰陣時都幾多人睇唔起，所以打籃球嘅時候都……有一啲心目中嘅對手。我嗰陣成日話『我一定要贏邊個邊個』，邊個邊個我唔記得喇，總之心目中有寫低一啲目標，總之有一日我一定要贏佢。」他第一次欣賞籃球賽事是看林書豪，愛他夠熱血勵志，學他打控球。林書豪當時的編號是17，薑濤那時無論揀甚麼都揀17。佢好想贏。到底薑濤好勝心有幾強，可以重溫《考有Feel》。大表哥說，只要激起薑濤好勝心就能贏。
「之前試過有參加班制比賽，唯一一次比賽係班制比賽，我喺中學唯一一次射入一球絕殺球，喺最尾一秒入，嗰陣全場歡呼，係我學生生涯最印象深刻嘅事。
「嗰次仲要係五打五，我開場以為自己好勁、以為可以入好多球，點知一球都冇入，但係就入咗最尾嗰球。」
【維園三劍俠 溫暖薑濤孤獨童年】
「籃球令我認識咗我人生中最重要嘅兩位朋友，呢兩位朋友令我冇乜朋友嘅童年，真係畀咗好多溫暖我，直到而家，呢兩位朋友對我嘅影響都好大。真係入咗行之後，其實我都冇乜識太多嘅朋友，除咗MIRROR；其實都係呢班籃球嘅朋友一直陪住我，私底下。
「其實維園好多阿伯阿叔我都識，佢哋睇住我大。維園係我成長嘅地方，因為自細冇乜去太多地方，冇乜朋友帶我去，屋企人又好少帶我出去，所以維園係我成日蒲頭嘅地方。」他說修頓高手如雲，落過去打，但對手太強。他乾笑了一下，「我都係鍾意喺一啲熟悉嘅環境，所以直到而家我都係會喺嗰邊（維園）打。
「我唔鍾意話出咗名之後就要book室內場打，始終覺得最熟悉嘅環境，係令我覺得唔會忘本嘅地方。」
【籲私追勿偷拍打波 憂影響身邊人】
私追、偷拍，薑濤就連搭港鐵，都要特登Google搵令自己降低存在感的方法，但實在毫無辦法，惟有共存。「好多人圍觀，初初都唔慣，而家慢慢慣咗同接受咗，但都係希望fans真係唔好喺隔籬係咁影相，因為我都驚同我打波嘅人會有壓力，而且『炒』咗你哋會覺得好樣衰；如果你哋唔喺到，我樣衰就冇人知。」
疫下沒得打波，他就打籃球機或跑步，「好鍾意跑步，由細到大，唔知由幾時開始，跑咗好耐。好鍾意跑街，唔鍾意喺跑步機上面跑。
「總之如果一有人發現，我就會好快跑走，因為我真係唔想太多人聚集。」薑糖常說，有時在薑濤灣見到本尊，都會裝作沒看見，讓薑自己暗爽一下、過他喜歡的生活。如果你愛薑濤，愛MIRROR，請給他們空間。
娛壹
