姜濤個人紀錄片《答案》

【個人紀錄片《答案》首播丨I’m tired of everything 薑濤:突然覺得自己有抑鬱症】

薑濤3年前已經說要做薑Man,但那時這19歲小孩仍然貪玩,跟Anson Lo一黐埋就忘形。一次出席活動,MIRROR跟花姐坐在台下,兩人又「玩到創曬」,花姐皺曬眉示意身邊的Ian制止兩人,陳班長回頭矋一矋,薑B馬上坐定定。這一幕,薑糖考古必修課。

3年過去,兩個小朋友急速長大。12人之中,除了正副隊長,薑濤或者是隊中最強調團隊精神的一個。叱吒頒獎禮記招,傳媒追問各有份爭逐個人獎的隊員有冇信心得獎,薑濤說:「真心希望我哋有團體獎,因為我覺得12個人嘅力量,係大過我哋一個人嘅力量。」用作品說話,薑濤常說。

大家還是習慣叫他薑B,但薑B已經變得很man。「冇人可以鎅開我哋。」獨生子孤獨中成長,籃球與MIRROR令薑濤不再落單。但孤獨病還是不時來訪。外間把他捧成完人,薑濤說他不是。恩寵讚美沒有令我很自豪。

【肥仔:佢已經唔係以前嗰個佢】

紀錄片《答案》今晚(9日)播出首集,薑濤用作品說話。「可能你睇咗條片之後,你會唔係好鍾意我;可能原本你好鍾意我嘅,結果發現原來我唔係想像中咁樣嘅。我覺得唔緊要。」

首集第一個出場的是跳舞老師肥仔@ERROR﹐薑濤為他按摩。肥仔笑薑濤是一個「不知廉恥嘅𡃁仔」、「佢進化咗,佢已經唔係以前嗰個佢,佢真係嚚咗。」薑濤大笑。

【維園球場 真打我就好惡㗎喇!】

維園籃球場是薑濤常到的地方,休息或減壓,球場上決定。早前有條舊片流出,薑濤在球場上被對家㩒住打。昨被問及此事,薑濤背上偶包說:「打波時都唔應該太衝動、發脾氣同人有爭執,希望做番好嘅示範,以後會控制得好啲。」但紀錄片中放下偶包的薑濤說:「真打我就好惡㗎喇!」

Fans在球場等薑濤已成常態,寵粉的薑濤有辦法應對,就係——走。「通常呢啲時候打波都有fans等,想影相或者點樣,但係打完波我驚自己都好汙糟,驚同佢哋影相(會不好意思),所以我會同我個friend突然之間跑走。」還提醒攝製隊:「所以拜托你哋一陣間跟住我。」然後他突然大嗌:「James!」兩人就跑。

James與薑濤,和早逝的中鋒阿健是「維園三劍客」。薑濤還是小胖子時已喜歡流連球場,三人識於微時,在球場上揮汗水練球技。薑濤曾說,和他們相處的時光是最快樂最無拘無束,「這也在很大程度上彌補了我從小沒有兄弟姊妹的遺憾」。

【突然覺得自己有抑鬱症】

中鋒猝逝,家人患病,薑濤工作如常,比之前更忙。今年5月,薑濤在IG出帖文及限時動態,以黑底白字寫道:「I’m tired of everything」令不少人擔心其情緒。

在《答案》中,薑濤說:「其實嗰日好好地,我拍緊個廣告,由朝頭早化妝,到拍嘢之前都好正常,但係唔知點解,突然之間我就好低落個情緒,好似突然之間唔知道自己做緊啲乜,加上呢一年發生咗好多嘢,我屋企,或者我朋友,所以嗰下突然之間唔知點解好抑,突然覺得自己有抑鬱症咁樣,前一秒仲笑,跟住下一秒我就已經黑曬面。」說罷深深呼一口氣。

【花姐:佢好似小朋友讀書攞到100分咁樣】

經理人花姐在首集中壓軸出場。錄《Dear My Friend,》時她暗讚薑濤唱得好,薑濤開心像個小孩,還不斷追問監製,花姐如何誇他。花姐取笑他:「見唔見而家嘅薑濤個樣幾囂張?佢好似小朋友讀書攞到100分咁樣,跟住同啲同學仔講:『你睇下我幾叻!』」薑濤回了一句:「我真係…覺得自己幾好。哈哈!『我覺得自己幾好』係乜嘢嚟!」

「雖然我同佢(花姐)唔係都好多…我會想約佢出嚟食飯,或者點樣,我會同佢講我私底下嘅嘢,呢個就係我會信任佢嘅一個……一個行動啩,我諗,好多嘢係連我阿媽都唔知。」薑濤說。

Source : 娛壹

13個讚

其實你問我, 我鐘意mirror咩… 就係我睇到佢哋係班有血有肉嘅Artist, 佢哋會喊, 會有情緒, 會拍拖, 會玩到癲, 有紋身, 會講粗口… 唔係一個被電視台做出嚟嘅藝人…

30個讚

個個男仔都係咁,睇過段片,都係玩下,好心傳媒俾d 空間人。打波要斯文不如去打golf

3個讚

貼地真係好重要 :heart: :heart:
有D人/機構仲擺緊架子, 講緊官腔唔該收皮喇

3個讚

等緊下集

呢班傳媒究竟有無打過波架?
或者有無睇過比賽呀?
落場打波係 hea 打?

1個讚

講得好好 :+1: :+1: :+1:

打波都仲可以斯斯文文?…. 好假囉:rofl::rofl::rofl:薑濤同mirror受歡迎就係因為夠真,有血有肉係個人。

4個讚

夠真

【搭港鐵做自己 薑濤返母校取景探老師:非常開心的一天,謝謝你們】

「我記得《Chill Club》嘅綵排,正式開始前一晚,full dress嘅時候,我收到啲messages之後,突然之間跑咗出去,我覺得自己頂唔順。嗰陣第一次覺得,原來呢件事真係會影響到自己咁多,好唔應該咁樣(苦笑),因為大家印象中嘅我亦都唔係咁樣,我都好努力地去成為大家心目中嗰個……嗰個……薑B(苦笑)…」

今年4月30日晚,薑濤22歲生日開Live,很久沒開Live,還要準備MIRROR演唱會,消化各種不好的消息,梅窩事件、好友離世。薑濤在直播中不住致歉,對不起對不起說了一遍又一遍。

【返邱子文探老師】

也許觀眾期待的「薑B」是完人,街場打波都要啟動聖人mode。可在紀錄片《答案》中,薑濤決定讓大家見到真正的薑濤。在《答案》第二集,他回到母校——青年學院(邱子文)尋找薑濤。

第二集日前拍攝,薑濤與團隊回到邱子文取景,搵老師傾偈,又應邀與師妹合照。其中一位女生在fans gp貼出與師兄薑濤合照,不少薑糖表示羨慕。女生指薑濤回校探望老師,又大讚薑濤nice。

【低調搭港鐵】

其後薑濤也在ig story出post,寫道:「尋找答案的一天,非常開心的一天,謝謝你們。」同行製作人Endy也指:「感謝大家給予他一天愉快的行程。如有你們在街上看到我們、拍到我們,可以DM回給我,紀錄片見。」相信以下片段,Endy應該已收到DM。

拍攝同一日,有人在北角港鐵站遇到薑濤與團隊,匆匆拍了幾張照片,相中薑濤身穿顯瘦黑色長褸,戴cap帽、墨綠色口罩,與兩名工作人員搭車,低頭望地盡量不驚動別人。相信當時屬非繁忙時段,故未有引來「騷動」。雖然現在薑濤少了機會搭港鐵,但至少他知道土瓜灣有站了。

【港鐵考古:薑登神王勁收工搭港鐵】

講到搭港鐵,薑濤應該好久沒試過,多數坐花姐車,或者call的士。要考古薑濤搭港鐵年代,都真是好古,18年11月,薑濤與Anson Lo、Edan與王勁收工搭港鐵,四個小孩興奮自拍,王勁與Edan沒有戴口罩(未爆疫情),薑神只戴上同款灰色mask,沒有戴帽,四個「柱男」扮帥留影,樣子精靈。其實只是3年前的事。

【讀書時代:最不好的中學也不肯收我】

薑濤的讀書時代。其實他也多次分享那個被喚「死肥仔」的小胖子讀書時代。渴望有朋友,生日收到祝福。中學沒有報考DSE香港中學文憑試,之後他去了讀邱子文修讀運動教練課程,及後讀IVE期間參加《全民造星》入行。

18年10月,薑濤在Ig寫道:「以前我只是一個胖胖的學生,因為沒自信上課經常搗亂,白白的荒廢了我在中學的時光,被導致退學。還記得我媽媽在炎熱的夏天帶我去一間間的找中學,可是就連『最不好的中學也不肯收我…』。

「媽媽那個時候覺得『自己的兒子真的有那麼差嗎』,那個時候我開始懂事了,從未覺得自己那麼沒用,不懂為甚麼沒有一個人喜歡我,真是因為自己的性格那麼不招人喜歡嗎?

「從那個時候開始﹐我就默默地改變我自己,膝蓋韌帶斷了,我也一直運動下去,因為我知道要做藝人的話,這幾年的時光是最寶貴的,而復健是漫長的。我不想在病床上,看著機會溜走。

「以前一直很喜歡從家裡到中環的海濱走廊跑步,因為我喜歡對著大海訴說自己的願望,每次跨年我都會許下一個願望,今年的我要再往前進步一點點。」hashtag 夢想。

薑濤全文: https://www.instagram.com/p/Bob6fsqjGdY/

娛壹

2個讚

睇完,我會愈來愈鍾意佢。
好簡單直接,純粹鍾意表演嘅一個後生仔。

4個讚

我昨晚發夢見到薑濤
夢見佢手中拿著兩張佢自己的演唱會飛
我搏命同佢鬥搶
最後佢好好人分咗一張比我
夢中我開心到飛起
醒咗之後話比我個女知
佢話祝我夢境成真

3個讚

Screenshot_20211114-192834_Facebook

「真打我就好惡㗎喇!」 :point_left: 就係鍾意佢呢句, 夠真, 夠直接

如果佢話平時打波斯文, 咁我會覺得好假lor :joy:

2個讚

知唔知仲會唔會有下集嗰啲?:heart_eyes:

夠真,夠純,夠貼地,值得被鍾意被欣賞 :smiling_face_with_three_hearts:

黎緊會有ep2, 但唔知會有幾多集 :thinking:

1個讚

第二集返咗母校探老師
好羨慕佢師妹可以同薑集郵

拍緊第二集
未知幾時播

1個讚

【紀錄片《答案》提及抑鬱症 薑濤︰唔係近排嘅狀態】

由食炸雞到5G網絡,衣食住行MIRROR都覆蓋生活每一個範疇,可以話同鏡粉緊緊連繫。

今日MIRROR繼續有活動,圍繞12子嘅話題,有多個。其中今年復辦嘅除夕騷「香港跨年倒數演唱會」,ViuTV憑MIRROR聲勢,揮低TVB奪得製作權,有傳TVB出招搵古巨基坐鎮做跨年騷對撼。另一話題;家燕媽媽揚言捧隊新男團,同MIRROR分一杯羹。不過論關注度,當然不及薑濤早前播出嘅個人紀錄片《答案》EP1,內裏一句︰「突然覺得自己有抑鬱症。」,令外界注視佢嘅狀況。

今日薑濤俾一個答案大家︰「冇咁誇真,當刻純粹懷疑自己有,其實而家已經冇當時咁嘅情況,因為條片都好耐之前拍,而家先播返出嚟,所以唔係近排嘅狀態,冇事放心。」

日前被網民發現佢返母校邱子文中學,問佢係咪會繼續為紀錄片拍攝,薑濤稱︰「會呀,嚟緊都會有第二集出,希望大家期待。」

除咗期待《答案》EP2,透過個人紀錄片表達更多,亦讓外界對佢了解更多,相信薑糖亦好期待,薑濤用作品說話嘅新作《九胎》幾時推出,喺佢認真思考呢個問題時候,副隊長AK又出手搞吓gag︰「八胎之後,十胎之前」,隊長Lokman接力,問薑濤︰「啱唔啱呀!」搞完笑,當然交返俾薑濤親解︰「暫時編曲仍有調整,舞蹈編排細節位要再執,可能仲需要少少時間,不過好快(面世)。」收到!

至於Viu奪得除夕大騷製作權後,有傳友台將炮製音樂騷對撼,呢個問題,由隊長Lokman擔當啦!「如果大家都一齊喺除夕做騷,大家一齊開心倒數,完咗互相睇重播,又再一齊倒數多一次,咁咪又開心一次囉!」在旁嘅副隊長AK補充︰「咁普天同慶日子,放下煙花之外,如德仔(Alton)話齋,百花齊放,大家一齊開工就最開心。」

被問有冇留意家燕姐早前下戰書,話組男團撼MIRROR,隊長Lokman好興奮︰「咁開心,百花齊放再齊放。」係咪百花齊放就未知,但聽到呢句,阿Jer柳應廷笑到拍曬手!唔通佢好期待?

《娛壹》YouTube睇片︰https://youtu.be/sf-TgWI-v_8

娛壹