如果係咁，咁第一呢d人性格本身都好容易受人影響，第二佢本身都唔係太鍾意姜
呢d人嘅脫粉傾向本身就比較強，脫係遲早嘅事
脫粉仲有另一個可能係同時追緊幾個星果d
我識唔只一個人同時追幾個星
當每個佢鍾意嘅星嚟香港開演唱會，佢會去機場接機送機，仲會去佢出沒嘅地方捕佢
果d人本身就搖擺不定，呢度脫粉咪另外搵多幾個追lor
2個讚
嗰啲人追星係追熱度，嗰排邊個紅就追邊個，仲有cp粉都係比較易脫粉，佢地唔係鍾意個idol本身的特質，係鍾意佢地ff出嚟的感覺
係公司營商角度，sell cp, sell brotherhood, 捆綁式營銷，即等於買雙重保險，無可厚非嘅
3個讚
即係好似勝利球迷咁 
其實我唔太了解CP粉嘅心態係點
fen_yuen
這幾天多位薑糖私訊我，請我去安慰KT，因為他受了很大的壓力，不想他受苦…當下的反應是，他需要的是安慰嗎？還是他需要其他的？
我在這事件中也參予了一小部份，在Do姐的訪問中，我提到的我的取向是看戲，不是著重於胖或者是瘦。拍攝的時期是疫情最嚴重的一段，所有健身房，籃球場都關了，更不建議大家外出。當KT來到劇組，身形變胖了，我可以有兩個反應。一是用盡導演的權力，指責演員，讓他知道他做錯了，抱著慚愧和自卑的狀態來演。還是二，接納他當時的狀態，讓他樂在其中來演。季前賽的形式是喜劇和悲劇夾雜，喜劇的成份更重，所以我選了方法二。並不是我縱容他，是我對工作的信念，不要帶著恐懼來工作。使用恐懼是一種工作方式，但我不享受。
回到這一次的事件，KT需要我的溫言鼓勵還是像網上輿論一樣直斥其非？我覺得一面白牆，一段的空白更合適。對錯是公論，但進步是內心的調整。路還很長，崎嶇是正常的，平坦才沒趣。
https://www.instagram.com/p/CnTnKvCv7lA/?igshid=Yzg5MTU1MDY=
3個讚
1個讚
其實都唔係初出道，係21年頭出master class 嗰陣，不足兩年佢經歷咗好多又成熟咗好多。我都好佩服佢，可以承受咁多又冇變質。
4個讚
姜D歌真係唔容易唱，許廷鏗都唔錯既，姜演繹得更好。
係一個好有團體和諧的表演，大家好享受唱歌，無爭逐表現，大家無想突出自己，姜既單純係觸動心靈。
1個讚
g.g.pop.music
【2022年度卓越之選 • 投票今日開始
】
2022年度卓越之選
候選名單
『評分及投票綜合計算項目』
投票日期：1月12日下午5:00 - 1月25日晚上11:59
投票網址： 《GG音樂流行榜》2022年度卓越之選 | 第 1 頁，共 7 頁 | Crowdsignal.com
註：必須完成所有題目方為有效投票！
1個讚
felicity.y.y
[881903.com] fb post DJ專欄 財經是敢的
安里控股主席兼行政總裁 黃偉康：插姜濤的悲哀
13.01.2023
聲音專欄雖然每個禮拜五只錄一次，但每次諗topic都會諗足一個星期，最後好多topic 因為outdated而無寫到。
不過今個禮拜講嘅呢個topic其實都有啲outdated，而且仲同之前《晴朗早晨全餐》嘅拍檔楊樂笙嘅Facebook 文章撞咗topic，不過正因為阿笙寫嘅文章寫得太好，啟發到我一啲新嘅思維，所以先有呢篇文章嘅出現。
楊樂笙今個禮拜初喺佢嘅個人嘅Facebook入邊講姜濤喺叱咤頒獎典禮嘅表現俾唔少人口誅筆伐，當中講到姜濤只有23歲，喺過去幾年經歷咗唔少嘅問題，所以產生咗唔少壓力，因此佢嘅表演係有好多改進嘅空間，但係絕對值得體諒，相返一啲惡意嘅批評，似乎唔係想姜濤進步，反而有啲想佢死嘅感覺。
咁點解有咁多人想姜濤死？其實再引伸落去係好多人都想Mirror死，當中原因有好多。有眼紅佢哋嘅、有妒忌佢哋嘅、有因為佢哋紅咗利益受到損害嘅、亦有一啲人覺得寫Mirror嘅文章可以draw到attention，唔寫就笨嘅，林林總總嘅原因，其實都幾反映社交媒體，已經令到香港唔少產業出現被扭曲嘅情況。
無可否認嘅係Mirror可以喺短短三年間喺香港爆紅，社交媒體嘅角色絕對係舉足輕重，而呢個亦都係傳統電視大台輕視咗Mirror嘅原因，因為佢哋根本唔明白社交媒體嘅威力，絕對可以令任何人一夜之間成名。所以當Mirror紅咗之後，大台先開始發現社交媒體威力，但係當佢哋仍然可以發電郵「溫馨提示」佢哋嘅客戶，應該留意多啲佢哋嘅收視，唔應該投放太多廣告費喺一點冇收視支持嘅藝人身上時，咁其實就證明咗佢哋都仲未明白點樣好好運用社交媒體。
不過Mirror亦都唔好太過自滿，因為成可以靠社交媒體，但敗亦都可以源於社交媒體，更何況當佢哋越嚟越紅嘅時候，既得利益者嘅損失亦會越來越多，咁想拉佢哋落嚟嘅人，亦都只會越來越多，呢個係自然嘅定律，亦都係點解23歲嘅姜濤喺叱咤頒獎台上嘅表演係Over咗，但係咪需要被人連日咁口誅筆伐？而且呢啲批評絕對唔係善意，係有啲想佢嘅演藝生涯壽終正寢，因為唔少人會覺得姜濤甚至乎Mirror沒落，佢哋就有機會成功。
當然有呢啲諗法嘅人好naïve，但香港好多人真係會有呢啲心態，好似過去一兩年新加坡嘅經濟發展非常迅速，有超越香港之勢，但好多香港人唔係諗吓點樣發憤圖強，反而係不斷咁唱衰新加坡，覺得佢哋呢樣唔好果樣唔好，但係就算新加坡可以俾香港唱衰，啲錢又係唔係真係會由新加坡流返嚟香港，定係會流去其他更加有發展潛力嘅地方？
所以唔係話人哋紅咗，唱衰人哋自己就會好，因為同台食飯各自修行，有陣時就算人哋唔好，亦都唔代表自己可以有更多機會，更何況姜濤又或者Mirror絕對係代表緊香港，既然本是同根生，咁相煎又何太急呢？相反如果Mirror真係沒落，咁香港嘅演藝圈係咪會走入另一個低潮入面，大家其實又有冇好好咁諗清楚？
當然公道咁講句，Mirror嘅12個成員，都有佢哋要改善嘅地方，其中姜濤喺叱咤頒獎禮嘅表現，絕對喺有好大好大嘅改善同進步空間，但畢竟佢哋仲年輕，喺演藝界嘅資歷尚淺，而且喺過去一年經歷咗大大小小嘅事件，喺要時間去沉澱同埋收拾心情，所以一眾評論員、KOL、剝花生咁去抽水嘅人，就算你哋想增加自己社交媒體嘅follower人數，又係唔係真係需要見風駛𢃇，出盡力咁樣踩落去一位只有23歲嘅年輕人身上？點解唔可以好好咁話佢知有咩需要改善，而唔係落井下石？
或者呢個正正在香港人嘅特質，咩都要快、咩都叫潮，所以連玩社交媒體都一樣，最緊要跟到大隊，有冇內容、有冇建設性都唔太重要，但如果係咁，啲KOL、YouTuber等嘅評論，其實仲值得大家去留意嗎？就正如我一直都好反對啲財經節目容許觀眾、聽眾打電話嚟問Number，因為咁只會令啲觀眾、聽眾過度倚賴分析員、股評人，但最後佢哋根本冇進步過，同時亦令到香港呢個所謂國際金融城市越嚟越投機取巧，越嚟越似一個炒賣城市多過似一個金融中心，咁香港嘅基礎真係會打得穩咩？
所以楊樂笙講得啱，好多人淨係識得批評，根本唔係想人或者事進步，而喺度食住花生，睇吓啲人同事點樣死，呢個正正就係香港最大嘅問題，當大家都只係識得落井下石，而唔係諗吓點樣去互相勉勵，咁香港仲可以點樣發展落去？
雷霆 881《晴朗早晨全餐主持》財經是敢的
時間：星期一至五 06:30am - 08:00am
主持：安里控股主席兼行政總裁 黃偉康
我識個媽媽都係甘，佢平時都做下義工，姜又唔係做咩錯事，只係表演唔係佢地果種框框，說話就好惡毒。 我問點解做假的人你唔鬧，鬧一個無做錯事的人，香港人已經去到只睇表面既年代，是非不分，社會道德敗壞，真係好嘔心。
2個讚
有d人睇野係咁表面
傳媒餵佢d乜，佢就淨係識跟住一齊鬧
1個讚
因為有啲人以為自己唔追潮流就係清高
2個讚
反而我身邊有人平時對姜冇乜好感 (但亦唔反感)
今次佢自己話因為有人妒忌姜，所以要專登整佢
1個讚
cantopop_hothits
《熱選年度推介2022》
「樂迷熱選」第二階段投票 正式開始！
投票日期：2023年1月14日 至 2023年1月26日
投票網址：(Link in Bio)
「樂迷熱選最喜愛歌曲」：
從第一階段投票得票最高之最後十強歌曲當中，選岀一首本年度你最喜愛的歌曲，最高票數的一首歌曲將成為本年度「樂迷熱選最喜愛歌曲」。
「樂迷熱選最喜愛男歌手 / 女歌手」： 從第一階段投票得票最高之最後五強歌手當中，選岀一位本年度你最喜愛的歌手，最高票數的一位歌手將成為本年度「樂迷熱選最喜愛男歌手」 /「樂迷熱選最喜愛女歌手」。
「樂迷熱選最喜愛組合」： 從第一階段投票得票最高之最後五強組合當中，選岀一隊本年度你最喜愛的組合，最高票數的一隊組合將成為本年度「樂迷熱選最喜愛組合」。
立即投票，為你喜愛嘅歌手、歌曲，表達支持。
https://www.instagram.com/p/CnYTUErPNx0/?igshid=Yzg5MTU1MDY=
1個讚