某程度認同，“戒急” 永遠不會錯，不過以佢既出歌產量其實係少，主要公司比佢工作量(特別廣告)肯定過多，搞到佢overload， 佢公司唔好操之過急，樣樣都急，只顧賺大錢，連演唱會都搞到一塌糊塗。
同埋佢講左句希望亞洲第一，會令佢壓力好大，無能既人一定會講好多負面說話，覺得佢口出狂言，自己又無能力…人人可以有夢想並向著夢想進發，批評佢既肯定係失敗者，自己一事無成，就覺得人地好似佢地甘乜都唔得。 所以姜要學識過濾D說話，旁邊負面聲音無意義，唔好受失敗者說話影響，向自己夢想進發。
依間公司…真係無語 
某程度上姜依幾年進步得唔快都係因為公司係咁推佢拍廣告賺錢。雖然姜上年頭講過會推jobs 專心做音樂，但上年咁嘅情況… 應該大把廣告債要還。
3個讚
【曾智華專欄】姜濤與潘頓
表演行業，總有明星、偶像，出台時享盡萬人歡呼，但回到台下，面對真實生活又如何？
就我見證過不少的，四個字形容——苦不堪言！不過這是代價！
例如明星及騎師，任何時間，都要Fit！明星不時上鏡，鏡頭會拉闊人，所以，你唔夠瘦，就會變「麵包」！元旦日人氣歌手姜濤復出，不良於行兩個月之後，哈哈，再出現，明顯圓潤晒！
個別傳媒竟用「脹爆」形容，而且刻意選取最肥的角度刊登。其實眾所周知，姜濤本身就是個肥仔，只不過為做偶像而狂Keep矣。
一如當年欣宜簽下瘦身代言人合約，須經歷地獄式減肥，搞到外形根本不是佢，成個虛晒。終於合約滿了，覺悟了，立即做回自己。難得觀眾受落，如今事業攀到頂峰。
講Keep Fit，其實最痛苦的是騎師，因多一磅半磅都唔掂，會損失大量坐騎，沒法騎輕磅馬。故此個個因節食搞到肌肉包骨，呢樣唔食得，嗰樣唔准食，連飲水都要控制。
資深騎師早已過慣「非人生活」，部分叻到食完即刻入洗手間，將所有嘢由口放返出嚟！
足球員也如是。所以，大家見到昔日Top Fit的星級如朗尼、大細哨、馬勒當拿⋯⋯全部退役後，立即「報復式」狂食，搞到變脹爆。
冠軍騎師潘頓也經常為坐騎節食，最近傳出佢騎多一年掛靴，到時可大食特食喇。
…
1個讚
好彩今年姜唔使幫Viu TV拍劇
希望佢可以有多d時間喺音樂事業上發展
1個讚
呢幾年姜得好少機會可以上台表演，MOOV live後有記者問佢點解揀係今次表演鏡中鏡 (當時仲未正式推出)，姜答我得今次機會嘛，聽完真係好無奈，令人無語
大部分時間都被安排拍廣告賺錢，係人都知要做得好就要practice多啲，但姜一年的表演機會真係一隻手數得晒，當進步得慢又會為人垢病
7個讚
2023年大家都要為呢個榜加油努力將姜音推上第一
KKBOX年度榜單
年度榜單係由每位 KKBOX 會員嘅點播次數產生嘅年度成績
而家即刻為你揭曉「本地單曲榜」第 1-20 位！
即刻睇睇你嘅心水歌曲有冇上榜
2023 年大家都要繼續喺 KKBOX loop 爆更多好歌，支持香港音樂
2.〈鏡中鏡〉姜濤
7.〈I Know〉姜濤 (feat. AGA)
10.〈作品的說話〉姜濤
15. 〈風雨不改 (電影《阿媽有咗第二個》主題曲)〉姜濤
https://www.instagram.com/p/CnOAPUzgbrC/?igshid=Yzg5MTU1MDY=
2個讚
kt_music_support_team
記錄一下：
《鏡中鏡》及《作品的說話》Spotify全球的數據流量。
虛線是全球流量的每日變化
綠色實線是自歌曲發怖以來累積的全球流量
數據日期為： 12/31/2022 - 1/8/2023
資料來源： Chartmetric | Dashboard#Artists （必須要付費會員才可看到完整資料）
專心繼續聽姜歌就是最好的支持
https://www.instagram.com/p/CnMoD9mgqWx/?igshid=Yzg5MTU1MDY=
4個讚
請問可以send 條片既link 比我睇下嗎？thanks
CT音樂推介榜 2022年度20大歌曲
本年度所有「獎項」都會根據2022年度第1-53週「推介榜」榜分而得出 (冠軍=20, 亞軍=19, 季軍=18, 如此類推)。今日公佈第6-10位歌曲。
2022年度20大歌曲 第6位 - 姜濤《鏡中鏡》
曲: Gareth. T
詞: 小克
編: Gareth. T, Y.Siu, Ariel Lai, Big Spoon
監: Edward Chan, Gareth. T, Y.Siu, Cousin Fung
榜分: 154
姜濤頭兩年嘅solo作品我認為可以用「不過不失」去形容。但由「七胎」開始, 到「九胎」再到「十胎」, 每一首都好有「藝術品」風範。有人會喜歡, 有人會批評, 我個人就非常欣賞呢首歌曲。期待下一次姜濤可以用更好嘅方式表達以及演繹呢首意義重大嘅作品。
2個讚
今日翻聽姜同Dear Jane合唱舊歌，好單純，聽到差點哭出來。
我們 身邊太多批評
干擾敏感生命
不想太清醒
我要將你拯救
逃離人類荒謬
就用我的雙手
帶著你走
不掙扎 只緊扣
從未低頭
途經幾百萬傷口
站在我的身後
要確保你無愁沒憂
不聽閒言 若你好
就已經 很足夠
那裡無人被嫌棄
那裡無人被人欺
3個讚
好似楊受成一家都係姜糖，唔知有無關系
, 係咪想羅致姜。
我個爵屎細妹話唔覺得姜濤會因為今次叱咤少了fans，話雖然佢真係漲咗啲
，其實個表演唔係好但又唔算差
話佢出嚟都係唔想fans失望，根本未好返，經過今次忠粉會更愛佢，正常人會同情佢，原本對佢冇興趣嘅可能會突登搵佢啲嘢睇，瘋狂講足佢一星期連住喺深山嘅人而家都識佢
3個讚
不過大部分人吸收嘅資訊都好片面，而家周圍都係批評/抹黑佢同fans 嘅訊息，好易會覺得依個人好差。真係去認真了解嘅人又有幾多丫…
唔排除有糖會受依啲訊息影響而脫粉，又有糖因為咁而更忠心，另一邊廂又有一班人睇到依啲資訊而變haters… 感覺越來越兩極化咁。
呢啲冇得擔心㗎啦，fans有去有留好正常，每個人的人生中都有一些只係過客
可能我身邊都係比較正面有同理心嘅人，佢地都比較同情佢被惡意攻擊
5個讚
識人從來對姜無乜好感的，係講到好似網上惡毒言論甘，仲鼓勵人脫粉，果D人平時係好循規蹈矩，唔會think out of the box, 姜落台大嗌係佢地好憎厭行為，一般呢d人對人情感感受能力比較弱，呢種能力天生的，所以只能理解佢地。
第一次睇呢條片
當主持叫姜介紹呢首歌
姜嘅反應好搞笑
初出道嘅佢同而家好大分別
1個讚