睇完呢個post仲擔心，因為佢啲行為真係似有情緒問題，希望唔係，如果係，希望公司會正視。(好似上面有會員share過，唔知係咪同一條post，如重複不好意思)
姜糖入到場就係fans base夠大，大家夾錢比一個人出席，比我都會夾，唔夠fans base就夾唔夠甘多錢買飛入場，呢個係公平遊戲。話錢太多入唔到場投票係藉口。
商台如果可以維持公信力的話，粉絲們比錢一個電台支持佢地營運都係值得。
應該咁講姜fans覺得網上投票制度不公，而神徒就覺得入場人士投票制度不公
唔係只單一獎項投票為人詬病，公平啲！
2個讚
我已講咗，我無覺得網上投票呢個制度無問題，而係任何人fans都可以買電話或商台戶口咁做，請不要誤會。而最多爭議係真係商台食相太難看，太貴啦啲飛，但fans想入場就要諗方法。
[quote=“Cat802, post:5542, topic:55573”]
睇完呢個post仲擔心，因為佢啲行為真係似有情緒問題，希望唔係，如果係，希望公司會正視。(好似上面有會員share過，唔知係咪同一條post，如重複不好意思)
我覺得唔好再share類似既post, 睇番呢個人background, 其實應該唔係專業心理背景，可能佢曾經經歷過，但其實唔應該憑幾個動作去判斷佢既狀態。而且大家不斷咁講，最後報紙又會話佢係乜乜乜，壓力仲大。
而且佢其實都大個，有姜媽姜爸，仲有好朋友一定會陪佢，佢自己又經歷咁多，俾啲信心同時間佢
4個讚
收到，delete咗條link了。
唔知1月6日姜會否同Mirror齊人做嘉賓呢…
我就希望齊人嘅，但如果佢未ready，都希望公司唔好迫佢…
我都係呀
1個讚
少少建議，如果想討論mirror 或其他隊友，請自行開post, 始終呢到係姜濤group, 希望專注返姜濤嘅資訊，希望樓主唔好介意
3個讚
呢度會員都好友善，其實大家一起討論我覺得都係無所謂。
好似cat802 話賽果合理我係完全反對，不過佢都係友善，說話唔會好偏激，其他人我無乜留意，大家一起傾下都好的
2個讚
有人話點解姜的fans可以坐埋一齊，我可以解釋因為果D係fans通霄排隊，然後登記去Katch office揀位，好多唔識嘅fans夾埋一齊坐，咪好似好多
坐埋一堆囉，呢啲任何fans都可以，只要你肯付出金錢同時間，唔係有特權，更加唔好話公司幫姜保奬，這真是天大笑話，今次Katch唔洗抽就一定得到入場卷，個個機會一様，不過係人多兼肯付出先買到，最憎其他人自己唔肯付出又話Katch偏幫，我有幾批朋友分別幾日通宵去排，眼見前前後後都係多，證明真係好多人好愛姜，唔好講大風雨又畏高都要走去不斷搭360果D，除咗好愛姜我真係好愛，從不用旁門左道，至於網上投票有心人想做係上年年頭都已經可以做，唔洗等到投票前兩個月先做嘅，大家只要問心無愧就得
8個讚
d人猛甘話入場投票唔公平，話Katch偏幫，話飛太貴，等等等，其實都係想比藉口解釋即使用太空卡也係公平。其實一人一票入場投係so far 係最公平制度，大家都可以將更公平制度建議比商台
1個讚
我之前提及的，都係回應緊投票制度嘅爭議性，並唔係話姜糖有特權，亦無指責過神徒or任何其他fans用太空卡(因為的確係任何人都可以買卡，如果想咁做嘅話)，希望你唔好誤會。
我想講嘅係個制度有問題，而最多人，尤其非鏡樂迷，都唔鍾意呢個小圈子投票制度，因為要fans課咁多金(加埋你話排幾個通宵)，但相信商台唔會改制，要繼續助養贊助商。
忍唔住出聲，話公司幫姜保獎我真係黑人問號，公司點對姜點對mirror 就知冇可能。糖之所以坐埋一齊，一來人數真係好多，二來佢哋會夾埋一齊去揀位。
我想講未頒獎之前個個都批評太空卡玩爛個獎，冇乜人講入場機制，而家先係咁講入場嗰part, 好明顯係有人有心spin 走太空卡依樣嘢
7個讚
我剛剛係男馬利頻道見到留言，唔知講緊邊個？如果同一人就呢個人係各方面資料顯示都十分離譜，做假唔真實
YouTube， joox，商台三個渠道同一人做假數，所以唔係商台黑箱作業，係單方面既做假行為。
去到呢個地步，全方位攻擊姜濤打手事件，真係唔知乜人所為
其實叱吒十幾年嘅最愛都係咁投票，最歌起碼真係有真人有對腳行入去投，最男就 唔講都知
2個讚
我明呀，但10幾年嘅制度都可以係本身有問題的，尤其呢幾年，鏡嘅爆紅同埋廣東歌樂迷回歸，都令飛比以前難求好多，所以會引起爭議都好正常。
貴飛，飛難求，甘粉絲可以夾錢買比一個人入去投票，我睇唔到唔公平地方，其他歌星粉絲都可以甘做。 講來講去正如Happy Face所講，想spin off 太空卡問題。
4個讚
頒獎禮後唔只一個DJ有講最歌係fans用真心真人用真腳行入去投，姜濤係值得攞呢個獎，亦好為佢開心，但佢地提都冇提過最男係值得攞，大家心知肚明
外界都認為最男結果係**”爆大冷”**
6個讚
連頒發機構都唔認同呢個得獎者冇人恭喜佢，佢同佢啲fans都好可悲
3個讚
睇返其他方面嘅數據
例如YouTube view數 (扣除買(廣告)嘅view後)
Spotify播放率
現場最歌票數
票房(當然都歸功於其他因素, 例如劇本, 導演, 其他演員等…)
全部都係大幅拋離
今次得獎者同以上數據反映出嚟嘅事實係完全相反
根本稍有邏輯嘅都知道係咩一回事
2個讚