講到無得好講又來互相指責
我唔怕講我最唔鍾意AL, 但從來冇惡意抨擊過佢，我識嘅糖都唔會咁做，當然唔排除有人會咁
仲有某啲糖偏激行為都係姜初出道嗰時發生，姜身體力行教育fans後， 而家大多糖都只專注支持姜濤，但啲人仲係咬住以前嘅嘢唔放，郁啲就話係毒糖，真係好反感
3個讚
你都啱，唔通真係匿喺佢地床下底咩
不過又認同之前個會員講，有啲人真係純自己FF鍾意嗰粒星被害㗎…
開心share一段片段(姜同神其實係幾friend，無話代表要佢地永遠都好好感情，純粹一個分享)，fancam真係好多野睇㗎。利申：我唔係cp粉，純粹ig成日推呢啲片俾我睇，903籃球賽中場休息片段。
係個主持問佢，大概係問佢出道後有無乜野唔開心，但佢其實釋懷咗㗎啦，佢話明白都係fans緊張自己鍾意嘅人。佢無惡意㗎，我剛好諗到呢樣，用來答唯粉和毒唯嘅分別咋。
2個讚
其實唔係初出道先有，宜家都有唔少，我識人睇完叱咜，因為佢著咗fansclub嘅衫，喺條出口附近，俾人用姜個燈牌照，仲大叫咗句唔知乜…佢話俾佢嚇死，同埋咁做真係影衰阿姜。
想講，無針對任何人fans，神徒都有癲嘅，狂粉/毒粉佢地只要係紅嘅明星都有，賦二代都有好多傻嘅…
其實成段野都只係佔左幾分鐘，就被人放大，所以佢哋紅左真係要小心啲講野。
尋晚睇番mirror go，有大表姜，真係好掛住佢哋啲團綜
唔好意思，我想問你地係見到幅相，定可以㩒入去睇片㗎？因我㩒唔到
但應該唔係得幅相㗎…
當然，所以我話「大多」，冇話「全部」
當然唔係全部，好多都好好，我成日都睇真糖/真鏡粉嘅ig…
但真心講，我改返：宜家都有唔少，因為fans多嘛，害群之馬一定都會增加。
人有bias係好正常，舉個例：雪雪係節目講姜濤當晚表演好情真好友energy，雖然我唔知佢唱乜，但係如果要行走的CD就不如返屋企聽CD， live好睇在就係呢樣要有火要有唔同
唔鍾意姜濤嘅人，只會著眼「唔知佢唱乜」呢句；反之鍾意姜濤嘅人，就會著眼其他嗰幾句
同一段說話，唔同人聽出嚟都會有唔同感覺
我聽嗰段係雪雪好勞氣，好嬲咁話唔知姜唱緊啲乜，好恨鐵不成鋼，愛之心責之切咁嘅，之後Jan就㩒住佢，莫非我聽嗰段唔係完整版本，等我搵來聽先，呢幾日淨係忙住loop片
好嘥時間
呢d真係好主觀
所以我覺得只要冇牽涉人身攻擊
討論區應該要容納到唔同睇法
而唔係一見到覺得佢哋不和嘅意見
就“呀…又分化！”
講到尾討論區就係一個交流唔同意見嘅地方
我比較擔心姜，攞完獎之後，都冇po 過ig 
2個讚
為偶像而爭拗，係好無聊但又係人生必經嘅階段，幾乎可見於所有界別。美斯夠多人愛戴吧？但都會有人唔鍾意佢。十年八年前，仲有好多人拗鍾意C朗定美斯，邊個先係球王，但最後美斯成為最眾望所歸嗰個。咁咁多年美斯有冇失準？當然會有。咁Mirror、姜濤等等歌手會唔會失準？都係會有。有啲嘢唔係睇一次，係要時間去證明。
講到樂壇已死，以前啲人點樣勁！只講一個例：你記唔記得Twins呀？由始至終，走音如一，我仲記得某次在元祿(好有回憶吧)食嘢，在播Twins演唱會，我呢啲音樂咁差嘅人都聽得出佢唔啱音唔夠氣啊，so？咪一樣大紅大紫咗好多年，樂壇有冇死到？回想一下，Twins有冇經典歌？我諗有卦，好易上口有過回憶嗰隻囉。有冇邊首歌我好欣賞？真係冇。係，姜濤嗰晚表現唔好(我都唔幫佢搵藉口了)，但至少我欣賞姜濤嘅《鏡中鏡》和《作品的說話》，這兩首都不是Twins那種K歌，卻很有意義，但佢最初都係唱《蒙著嘴巴說愛你》呢類情歌啊。
我都係
雖然我有入tg group, 但唔敢係嗰度問候或表達擔心佢，怕佢覺得令咁多fans擔心會更自責
2個讚
佢係自責，覺得自己對唔住粉絲，呢個只係腳傷及演唱會未復原的過渡期，大家比D時間佢康復。
4個讚
我覺得佢好有energy，帶起氣氛，現場唱係要甘先好玩，之前無人夠膽甘做。大家受網絡影響太犀利，比大家意見影響左，甩兩句好少事。
2個讚
我都係，好擔心
2個讚
頭先聽左晴朗，廬覓雪話好多人message佢話太空卡投票機制出事，佢無否認，甘我當間接證明左。
Fans Club 其實可以推動商台改機制，我地唔要虛假結果，比我地知道真相。商台唔記得林彬揭露真相遇害事件，依家又容忍呢D邋遢行為。
1個讚
我都係 