我都聽左好多次，風雨不改都係
1個讚
除咗呢兩首
呢幾日都聽咗"今天只做一件事"好多次
2個讚
佢既星味就係因為從小對歌曲及戲劇興趣形成，呢d天生，所以佢17歲第一次快樂男聲比賽表演已經幾成熟，完全唔似無學過就做得到。
1個讚
呢首我都聽左好多次。
1個讚
好似話佢有研究香港劇集同韓劇運鏡有咩唔同
1個讚
我地自細軌蹟就係溫習同課外活動，佢自細D時間沈醉歌曲同戲劇先做就到佢既與眾不同，原來連姜媽都係甘，唔怪得佢行出來都好斯文有禮，聲線都好溫柔。
1個讚
taiyungyuen
為支持姜濤的台灣應援團，我再執筆畫了另一個方晴版本。特別配上台灣上映電影名字 媽的星寵兒
祝台灣各地在9月2日正式上映後，口碑特好更是大賣。
https://www.instagram.com/p/ChzUcftPQ3G/?igshid=YmMyMTA2M2Y=
2個讚
《愛回家》～古巨基、姜濤合唱版
近日，跟朋友看了由「鏡粉」及「姜糖」包場的《阿媽有咗第二個》，電影由彭秀慧執導﹑毛舜筠﹑姜濤和柳應廷（Jer）等合演。因不懂寫「無雷觀後感」，電影仍在上映中，票房已過二千萬（港元），故只想談歌。
抗拒中港合拍片，免費的（贈券或陪看）會看卻不論，避免偏見主導。資金來自中資，情況會好點，有時會自掏腰包進影院，卻依舊拒絕評論，不想因政治取向左右文字，算是對電影人能做到的基本尊重。
《阿媽有咗第二個》，好不好看？想知進場看吧！誠意之作，演員表現出色，故事氛圍地道，說教味不濃，自己認為是真正的港產片，適合留下來的香港人圍爐取暖，保存一刻幸福感。
不能不提電影有兩個場面令自己起雞皮疙瘩，姜濤飾演的新晉歌手開演唱會，場內飾演觀眾的全由「鏡粉」及「姜糖」義助，反應真摯動人，是演不出來的場面。有人質疑MIRROR演唱會出意外後，MIRROR有機會不能東山再起，《阿媽有咗第二個》的票房已說明一切，只要MIRROR以後能唱出香港人心聲，香港人會繼續支持。
古巨基客串出場，與姜濤合唱自己舊作《愛回家》，叫觀眾驚喜萬分。歌曲在2007年發行時已很受歡迎，今次二人合唱版本很吸引，嗓音和諧，當刻自己出現少有的眼熱鼻酸，前輩提攜後輩之情愫，香港人支持香港人的胸懷，是香港值得珍惜的地方。
林夕的歌詞，十分平實、生活化，描述每個人都經歷過的情況，「勤力過 捱罵過 如做錯 誰又會 原諒我」，當身心疲倦時，便會「懷念家中被窩 想去躲」，家就是人的避風港，任誰都想有個能遮風擋雨的家。
家，不用大與奢華，「多麼渺小都變寶」。有家才能有家人，「一碗暖湯的鼓舞 沾濕我眼睛 有人期求我歸家 來互抱」。家人最寵自己，最能原諒自己，「曾受了氣幾多 能聽我解釋因何 在這被窩 賺到的 只是你」。
「沾濕我眼睛 有人期求我歸家 自問已經得到 得到你比一切好」，家人齊齊整整，回家真好。不管人在那裡，此心安處是吾家。
《愛回家》～古巨基、姜濤合唱版～作曲：Dick Lee～作詞：林夕～編曲：Ted Lo
2個讚
節目: 阿媽有咗第二個
出品: 香港 英皇電影發行
年份: 2022
分數: 7.2/10 (0.2分係因為我中意姜同柳)
呢套戲拍嘅時候已經好期待，因為中意姜仔同埋Jer，再加上班底有保證 (利申:有睇 “29+1”但係唔中意)，知道一定唔會係爛片，所以對套戲都幾大期望。但同時都有d擔心，因為睇過姜濤同Jer之前係其他劇嘅表現，都覺得佢地d演技絕對未夠carry一套戲，所以係帶住期望同擔心去睇呢套戲，結果套戲冇驚喜亦都冇失望。
好評:
- 鏡頭畫面攞景角度好靚，一開波一個長鏡將觀眾拉入個故事、屯赤個幕拍得好對稱好靚，感覺呢兩年可以用鏡頭說故事嘅香港電影唔多，但係彭導做到
- 取景靚得黎又有香港特色: 子軒間學校、方晴間茶餐廳同屯赤都係好好嘅取景，有種港式情懷
- 整體劇情緊扣，流暢，係近黎睇過情節最唔鬆散嘅香港電影
- OST!! 我曾經講過香港電影/劇集其中一樣最弱嘅野就係OST!!! 呢套電影坐擁兩個當紅歌手，重要有劇情Support，如果都冇好嘅OST就真係會好失望，好彩最後OST都好聽，最重要係重有一首原創歌曲 “風雨不改“ ，首歌配合埋劇情發展真係幾感動。但可惜嘅係Jer 只有一首英文歌嘅OST 可以Show 唱功。
- 鍾意幾個年輕配角演員(岑珈其 、麗英、陳宗澤 CY、 曾樂彤同埋張蔓姿)嘅配搭，之間幾有火花同埋為電影提供左笑點同埋輕鬆嘅一面
- 舒文同古巨基客串係有驚喜嘅，話時話鏡仔都未有一首歌係舒文監製，好想搵佢黎執下MIRROR d 咬字
- 雖然非Fans 可能會覺得歷時超過10分鐘嘅 “方晴演唱會”太Fans向，但係我就睇得開心，再加上MIRROR 演唱會意外事件後，呢場戲就好似另一個平衝時空咁，應該比到姜糖一個慰藉。
負評:
1.又係港產片一大問題:劇本，套戲實在有太多Focus:
一. 美鳳中年及婚姻危險
二. 經理人同歌手關係
三. 母子關係
四. 子軒同方睛關係
五. 方晴造星過程 (但異常平坦)
六. 支線：方晴生世揭曉
因為太多野想講所以每樣野都講得唔深入，但如果你睇返套戲嘅名，個focus 應該係要擺係二、三、四到，所以如果cut其他野，或者整到個故事簡單d，focus 返係二、三、四到，咁就唔會令到套戲失焦。
2. 感情轉變突兀:
子軒感覺唔係話真係好緊張自己阿媽，但係當知道阿媽有機會同方晴去韓國之後，就突然好緊張?
打機後，子軒同方晴嘅關係係點？冇啦啦打架又係發生咩事？
打完場交，子軒又突然明白哂所有野，做返一個孝順仔
方晴睇完阿爸d信，就突然解開哂所有心結
3. (講出黎會比姜糖鬧，但都要講) 姜濤把聲好有辨識度，但絕對唔係一出聲會令到人覺得佢有天籟之音，非簽佢不可嘅歌手，所以電影中話方晴唱k一開聲，美鳳將條片send 比人，就好多人覺得方晴有得做，我覺得係未能夠令人信服。
最後想講講演員表現:
- 毛舜筠 :好戲應該真係完全唔駛講，但自己好戲重要帶到d 新人演員入戲先係佢最勁嘅野呀嘛，我相信如果姜仔同Jer 唔係拍住佢，未必會交到合格以上嘅表現 (當然都要歸功彭導導到戲)
- 姜濤:睇完trailer 最擔心係佢d戲，再加上個角色同佢本人有好多相似嘅地方，所以好驚只睇到姜濤，睇唔到方晴，結果係合格以上。我覺得做得最自然係茶餐廳外賣仔個d 戲份，後面個d真係太有姜濤自己嘅影子，而且d肢體戲同感情戲都完全未夠，表現絕對可以再好d。至於講台詞咬字不清呢d萬年問題就唔再講了………
- 柳應廷 Jer: 睇Trailer 之前我比較擔心嘅，因為睇過男排女將都知咩料，但睇完Trailer 我又覺得佢好似做得唔錯wor，冇左個種尷尬感，結果佢嘅表現比到d驚喜我。30歲做18歲嘅學生都冇咩遺和感，同毛姐場爆發戲都接得住，冇完全被比下去，但同姜仔一樣都係做戲d肢體唔得，有少少彊硬，呢點真係要留意下。
總括而言，係一套老少咸宜，非fans同fans 都可以睇嘅一套戲，劇本有缺憾，但整體劇情合理流暢，演員表現稱職，又有好歌聽，亦可以比到少少反思大家，推介比一家大細去睇!
PS1. 姜仔真係要減肥
PS2. Jer係咪痴咗雙眼皮 ??!!
PS3. 少Harsh: 我覺得張蔓姿做戲好過唱歌
1個讚
2個讚
梁芷珊同曾志豪去到台灣都仲好有心。 
1個讚
考古，為食姜，以前姜好得意。
2個讚
好好笑 
1個讚
《阿媽有咗第二個》
《阿媽有咗第二個》自從上映後口碑載道，票房非常出色，即使入場前期望好高，睇完依然無令我失望，係一部充滿感動同溫情既電影。
(有大量劇透)
故事以追夢同母子關係做主線，劇本出色，雖然情節無好大扭轉，節奏亦比較慢，但敘事流暢，人物描寫足夠，對白入腦又唔會太矯情，好清楚咁睇到角色成長同改變，到最後解開心結，各自尋找到自己既價值。而母子情既起承轉合寫得詳盡又到肉，相信好多觀眾都有過類似經歷，好有共鳴。
演繹上，毛舜筠真係經驗豐富，簡單一句對白同表情已經令人揪心，充份感受到佢對兩位男主角既愛；姜濤既角色有少少似自己，睇到佢由素人變歌手既變化，即使當紅仍然保留一份稚氣；阿Jer就做到角色收收埋埋既性格，比人感覺到佢經常好壓抑同低落，令人心酸。坦白講兩位喺感動位既處理係差啲火候，不過以第一套電影嚟講已經算合格，我特別鐘意佢地最後既打鬥戲，一次過抒發曬心中感受，火花十足。
劇情以外，電影同時帶出咗好多message，比觀眾反思。最令我深刻一定係父母同子女關係上既探討，我地好多時會埋怨對方唔明白自己，但其實只係雙方都少咗份溝通同暸解，心底依然在乎對方，只要願意表達，幾句說話已經可以解開彼此既不滿。導演成功透過故事帶出親情係最唔講求付出同回報既關係，即使發生任何事，大家既愛依然存在。而同一份愛喺唔同人眼中有唔一樣既重量，唔係個個有機會擁有，所以一定要加倍珍惜。
戲中亦帶出我地唔駛太介意別人既想法，你在意既事喺人地眼中只係微不足道，唔應該因此而局限自己。放喺現今社會係一個好好既提點，我地唔需要盲目跟隨其他人走既路，最緊要搵到自己既價值同夢想，過得快樂無悔。
電影亦加入咗好多音樂元素，歌曲配上當時既劇情，更加觸動人心。《孤獨病》講出兩母子感到孤獨，好似被各自遺棄，但遺忘咗對方可以成為自己最強大後盾；阿jer主唱既英文歌<Jonathan’s Soliloquy>非常感人，配合到成套戲既情緒；到最後《風雨不改》講出親情就算經歷幾多波折都唔會改變，帶出電影既中心思想，同時寫下一個溫暖句號。
當然依套電影亦有不足既地方，好似阿Jer個角色描述得比較點到即止，同爸爸既關係或者點解對導演有興趣都著墨唔多，形象無另外兩位主角咁立體。而中尾段亦略嫌冗長，有啲位明顯係粉絲福利，未必個個觀眾鐘意，但我依然覺得《阿媽有咗第二個》係好出色既劇情長片，值得入場支持。
睇完依套戲後，如果今日只可以做一件事，大家又會點樣選擇？我就會揀同愛既人平靜簡單地渡過。
2個讚
我們的努力會被看見
票房勁破三千萬大關
多謝你哋！係你哋呀
喜訊傳來，英皇電影榮譽呈獻《阿媽有咗第二個》，由彭秀慧導演，毛舜筠、姜濤、Jer（柳應廷）領銜主演，今日票房已勁破三千萬！
毛姐提議搞慶功
彭秀慧珍惜每張戲票
在強勁口碑加持之下，《阿媽有咗第二個》開畫以來反應熱烈，話題遍及全球！電影同步在海外上映，各地不斷傳來影迷讚好，連續加場放映，在香港亦成為本年度最受歡迎的港產片之一！到今日（31號）隆重宣布，港澳票房已勁破三千萬大關！影后毛舜筠大感雀躍，笑言：「多謝每一位來看《阿媽有咗第二個》的觀眾，好開心，一定要吃一餐飯慶祝！」兼任監製、導演及編劇於一身的彭秀慧，則表示由衷感激：「好開心這部電影得到好成績，我知道每張戲票都是很珍貴的，希望電影能繼續上映，有時間能讓更多觀眾可以入場欣賞，或者去再次感受這個故事，多謝！」
上映三周，連續數星期彭導與毛姐亦走遍港九新界進行馬拉松式謝票，以答謝觀眾的熱情和支持，分享觀眾的觀後感。大家都認為今次電影除了有人氣偶像參與作號召之外，故事細膩動人，不同年齡階層也有共鳴，更有相當啟發性，的確有令人一看再看，或者帶同不同朋友再次入場的吸引力！
雖然兩位男主角姜濤，柳應廷暫時未能現身戲院直接答謝影迷，相信大家仍然希望電影繼續上畫，期待他們可以盡快和觀眾在戲院相聚的一天！
我哋戲院等！
3個讚
明日戰記上畫後呢套票房上升減慢左，有3000萬都唔錯，如果彭導改主題做勵志片，中間穿插感情線應該會更加成功，宜家既票房都算十分好。
"阿媽"上映戲院少咗好多
而家平日票房每日都有七, 八十萬
希望夠力上4千萬 
2個讚