Makerville 對姜濤好多時候都好唔公平，比佢資源同佢人氣遠遠唔成比例，其實邊個話事？魯生決定下面跟，定係下面想法魯生唔反對？我見YouTube好多姜糖都好氣憤，但佢公司只係越來越離譜，好似今次演唱會姜得1.3首solo歌。
1個讚
完全將佢邊緣化
超唔合理，如果話讓機會比平時小機會嘅人，但點解淨係要佢一個讓
唔知以為佢去做嘉賓
2個讚
呢間公司只會花心思去諗點樣將鏡粉d錢搾乾搾淨
宣傳? 算吧la
連為演唱會喺Times Square搞嘅展覽都要整Baby Mirror去cap水 
1個讚
但當公司要cap水, 或者要拆彈又會記得推姜濤出嚟
1個讚
出無聊周邊產品都唔幫solo仔出隻專輯，搞到佢哋成日俾人笑係廣告從業員，身為歌手出道四年一張個人專輯都冇，點都講唔通啦
2個讚
就算唔夠歌出專輯都起碼出隻EP la
人哋MC遲過佢哋出道都出咗碟
2個讚
魯生管理問題正正係呢個演唱會完全反映出來，佢太信任下面D人，可能覺得下面做乜都好似比佢專業，所以無親力親為去管好細節。平時唔公平問題也唔去處理，搞到天怒人怨。今次演唱會都係平時習慣不負責任既結果。
2個讚
所以糖一定要出聲
有個Youtuber講得好啱
如果喺香港連娛樂圈嘅事都唔講得, 咁仲有乜野係講得?
1個讚
呢d唔使放太多資源
好似Baby Mirror一堆膠粒就幾百蚊
呢間公司點會放過賺呢d easy money嘅機會?
1個讚
心存僥倖，以為乜都可以冷處理個骨
2個讚
證明呢間公司好短視
只係想喺最短時間將鏡仔搾乾搾淨就算
2個讚
非常同意
1個讚
每次有批評聲音
公司唔使出聲
已經有一班盲粉衝出嚟護航, 指責提出問題嘅人
公司仲使乜去處理咁傻?
坐喺度食花生咪得law
2個讚
瘋狂慶祝
《阿媽有咗第二個》原聲大碟歌曲iTunes 歌曲榜佔據頭8位
iTunes All Genres 25/8 9:30 a.m.
今天只做一件事 - 姜濤
愛回家 – 古巨基, 姜濤
孤獨病 - 姜濤 (MAMA’S AFFAIR version)
一號種籽 - 姜濤
風雨不改 - 姜濤 (電影 阿媽有咗第二個 電影原聲專輯)
風雨不改 - 姜濤 (電影 阿媽有咗第二個 主題曲)
Jonathan’s Soliloquy (Stop Me Thinking)- 柳應廷
Jonathan’s Soliloquy (revisited)
繼續全力支持《阿媽有咗第二個》電影原聲專輯 
3個讚
阿媽有咗愛回家
寫劇本的時候，已經想用「真真假假」這個方法去尋找演員。一個歌手和經理人的故事，創造出來的余美鳳和方晴，不如用真實的人物去襯托他們？
要找一個二千年開始活躍至今的當紅歌手，來奠定美鳳二十年前的輝煌事業，還要有提攜後輩的氣道和能力，古巨基是其中最合適的。除了他「神枱級」歌手身份（Philip講㗎），我所認識的基仔是一個念舊又重情的人，（他在tvb訓練班的老師傅月美老師也是我的apa老師，他們的感情同樣非常深厚。）有他出現，美鳳的過去就變得立體了。
不過我並沒有十足的把握可以請他參與。雖然我和他同公司，他也有來過看我的舞台演出，幾年前還差點有一次合作的機會，但去年籌備拍攝之際，基仔還在「養尊處優」享受當爸爸生活，而且他也好像很久沒有拍戲了。所以當我知道他一口應承，真的非常驚喜…
我是在他答允以後才考慮出現合唱部分。認真地重聽一遍古巨基所有歌曲，竟然發現「愛回家」和劇情如此吻合。它交代了方晴終於得到一個「家」的感受，是方晴的心聲，也是劇情上一個很好的transition. 一個新人可以和天王合唱，是美鳳作為經理人帶來的機會。
多謝基仔爽快地搭通天地線讓我可以把這首歌放進電影，也把編曲的自由度交在我手上。他說：「這是你寫的故事，你覺得怎樣的感覺最合適，就朝著那個方向去做，我會盡我所能配合你。」這句說話實在令我很感動。和Alan決定了編曲，有賴他執行vocal produce 部分，還微調很多細節，就成了 「阿媽有咗愛回家」 （抑或 有咗阿媽愛回家？）
至於姜濤，他知道有基仔參與，反應竟然比我想像中大。
「我鍾意佢呀！我有睇佢啲電視劇㗎！我好鍾意《情深深雨濛濛》㗎！睇到識背！」
那天，古巨基，飾演古巨基。他走進錄音室的自如，擁抱美鳳這個恩人的實在，看著方晴這個新人的欣慰，基本上是第一take已經100分。
猜想這次基仔和姜濤的合作會受到注目，但始終我還是希望把這個客串成為觀眾的驚喜 －－ 至少是頭批觀眾的驚喜 －－ 所以一直沒有透露有他的參演，連海報也沒有。（也提醒觀眾忍著不要劇透）我希望觀眾看到基仔的突然闖入，會有 wow一聲。
據說，有些觀眾不單止wow, 竟然還會因他的出現而為美鳳感動，真真假假，好像再分不清了。
隨著電影來到第三周，我想基仔的客串已經由彩蛋式驚喜變成大家期待了。
多謝基仔。
//
賺到的只是你
能被你溫柔無微的照顧
被你那麼在乎
平日有你縱壞已忘記辛苦
活著有你多好
多麼渺小都變寶
躺在平靜被鋪上漫談來日旅途
回到家中便有你多好
一碗暖湯的鼓舞
沾濕我眼睛
有人祈求我歸家
來互抱
//
https://www.instagram.com/p/Chxl1Givkj1/?igshid=YmMyMTA2M2Y=
1個讚
我覺得姜濤聲音好聽好多，我都鍾意古巨基。姜聲音比較有感情同比較Men。
2個讚
講唱功一定係古巨基好d, 姜濤抖氣聲太大
但姜濤唱得有感情，而且有感染力，會feel到窩心嘅感覺
以前無意中聽到“愛回家”，唔會有想再聽多次嘅感覺
但呢個版本會令我聽好多次
1個讚
leoku
阿媽有咗愛回家
大家看了彭導的IG post，應該知道點解我一直都冇出post提及《阿媽有咗第二個》，因為彭導和我有個共識，
想留給大家在戲院內有個surprise！
現在原聲大碟也出了，我諗我都可以以歌曲監製嘅角度講少少關於《愛回家》嘅嘢～（至於戲嘅部份還是keep住唔劇透啦，哈～）
去年6月初，彭導邀請我客串佢籌備緊嘅電影，同埋配合劇情想我同姜仔重唱我嘅舊作《愛回家》。呢首歌係我十五年前嘅作品，內容關於外面「風雨」幾大，都「不改」家人對自己嘅愛。
去年8月，正式幫「方晴」錄音。
這天的姜仔沒有化妝整頭，hoodie波鞋，很可愛的一個簡樸男孩。
互相打過招呼，坐在Studio客廳等Engineer準備set up，冇諗過我哋第一個嘅話題係由佢咁樣打開～
「我同媽媽睇咗三十幾次你嘅《情深深雨濛濛》！」「如果俾你而家揀，你會揀依萍定如萍？」
我睇住佢邊講邊帶好奇嘅笑容，我肯定呢個會同媽媽一齊睇劇嘅男仔，一定可以唱出呢首《愛回家》𥚃面對家人嘅愛。
錄音過程非常順利，姜仔是個領悟很快的歌手，給他提議的表情細節他很快便能拿捏，甚至即學即唱的和音部分都handle得好。
不過，還有一件事讓我非常深刻。
錄音完成後，傾開做音樂嘅嘢，我讚佢每次做歌都有很好嘅概念，佢謙虛地多謝之後，同我分享咗佢當時構思新一首歌嘅千字文，我估應該係佢用來跟填詞人和MV導演表述概念嘅一段文字。後來歌曲面世，我知道那是《鏡中鏡》。
我作為一個多年在做「概念大碟」嘅歌手，我都未試過給各合作單位寫過咁多字嘅概念陳述，看見年紀輕輕的他這麼有想法這麼用心地做音樂，我就知道佢現在嘅成績係花咗好多努力和心血而換來。
電影上映之前，彭導請我去看試片，看到《愛回家》在電影中配合劇情嘅出現，真的很窩心很暖。
我很喜歡彭導的《阿媽有咗第二個》，讓我有太多共鳴和感動。
美鳳與方晴嘅奮鬥勾起了我和太太從前很多一起拼搏嘅畫面；美鳳與子軒讓我想到Kuson一直成長，我應該如何handle父母子女之間嘅溝通。
我相信，每位入場嘅觀眾，都能夠找到屬於自己的共鳴，因為這是一部關於不同形式的愛的電影。
恭喜《阿媽》口碑與票房繼續火爆
多謝彭導
Thanks for having me 
https://www.instagram.com/p/ChzGHsDPhxv/?igshid=YmMyMTA2M2Y=
2個讚