請問有冇人遇到過長輩鍾意比較自己跟親戚小孩的狀況？怎麼處理？
要如何反擊、停止長輩對小孩比較的言語霸淩？
小朋友逼不得已被比較，媽媽要怎麼調適心情，點引導小朋友不去在意長輩的言語霸淩？
真係忍無可忍，次次聽到都要忍住脾氣，令到自己唔開心好耐
小朋友唔係現場我會由得佢哋。不過如果小朋友係度，我會禮貌上stop佢一次。之後返屋企同小朋友解釋父母唔係咁諗，同埋下次再見之前會同小朋友啪針話佢哋係咁，唔好介意太多。
2個讚
比較d 咩？邊個長輩？
可以嘅會同佢講，佢唔肯改會唔好見，婆婆嫲嫲都係咁話。
我會speak out
教長輩人人叻嘅嘢唔同，冇必要比較
小朋友聽到會影響佢自信心
佢唔聽先再算
我唔會怕得罪佢的
4個讚
有幾種比較
一種係用比較去「激勵」小朋友做到某個行為，例如睇下 XX 食咁多，你食咁少
另一種睇賽馬咁，下下諗戰績，身高身型讀書運動等等所有都比較
兩種都唔鍾意。好難去引導小朋友唔介意，自己大人聽到都介意，更何況小朋友階段做好多嘢都係想得到大人認同。小朋友同場嘅話，就會禮貌 stop 佢，然後保護小朋友話「都唔係咁姐，各有各叻，例如 xxx，而 yyy」。之後同小朋友 debriefing 咁樣問佢感受，然後開導下，每次再見到長輩之前就打定底同小朋友講聲。
4個讚
睇下避唔避到，避到就避，避唔到就先發制人，叫定佢地唔好比較小朋友唔開心呢一代唔興咁講。但如果溝通唔到，佢講一句你窒一句，但呢樣好講技巧，處理得差就會比人話你小氣小事化大。
其實呢d長輩係無野講先搵d細路做topic, 你spin 佢地去第2度都得，但變相要湊佢地都幾辛苦。所以都係唔見或者唔帶小朋友去最好。
3個讚
如果係我父母，我一定會表達自己嘅不悅，畫公仔畫出腸，質問佢說話嘅用意，如果唔明我意思，我就會比佢感受番被比較嘅感覺。
如果係6299，我會等老公出手，佢處事圓滑好多，佢搞唔掂我就會出手
不過身邊冇人咁大膽對我個細路指指點點
1個讚
我都係，有一邊有13個表兄弟姐妹都無一個生小朋友，長輩想比較都無得比較，仲停留係叫人生孫比佢地湊既階段。
我都會，要保護小朋友，而我亦真係試過因為奶奶係d 咁嘅人。好彩嘅係老公知道我出發點唔會話我不是，而奶奶亦都算係講道理嘅人，聽完會覺得有問題唔再講。
2個讚
身邊多咁嘅長輩，由其奶奶都會咁做，我都覺得好討厭。雖然小朋友唔響度好似無傷大雅，但咁嘅風氣都係不可取。
我試過有次忍無可忍，就講笑咁講話大有大比，細有細比，成日用成績、學校去比較小朋友，唔通大人就用搵幾多錢住邊度去比較咩
當場KO咗一個八婆長輩，因為佢個仔住緊公屋。我無意比較住嘅地方，但對住啲麻煩姨媽姑姐就要迎頭痛擊佢痛處。
9個讚
唔熟既唔見
熟既我會响小朋友不在場爆佢地一鑊
一個字：爆
佢發口痕比較我都可以發口痕爆
一定要即場講呀，點解要返去先講？
我唔認同要一個幾歲嘅小朋友去忍受一個食左幾廿年米嘅人講啲唔合理嘅說話，前提係佢唔啱在先。
父母有冇喺呢啲時候企出嚟保護小朋友，小朋友係會記住。
當然，即場講嘅意思可以係好溫和咁糾正，唔係一定要反曬檯咁落佢面。
3個讚
會比較返啲長輩
4個讚
絕
1個讚
即場比較番長輩，佢都一定有野無得同人比。
我經常遇到，試過奶奶成日講佢果邊個親戚個仔讀私立幼稚園，又話人哋三、四千蚊一個月，又話啲英文學得好叻，跟住問我個仔識唔識英文，我一句得埋去：佢幾叻關我咩事呢，你個孫而家食得訓得，身體健康，甘樣我已經好滿足啦，乜你唔係咩！佢聲都唔聲冇再講落去
3個讚
細時比較成績，大時比較業績。啲八婆長輩真係會連自己仔女都比較搵幾多錢住邊度。
我自己有兩三個親戚人生勝利組，好讀得書，靚大學畢業 first hon，高薪厚職，住豪宅/大屋，成家立室然後兩個仔女都係讀書名列前茅科科得，性格溫順乖巧嗰啲。完全冇位入。佢哋從來都唔理呢啲，但啲八婆長輩會不斷講，好彩疫情就冇曬呢啲「武林比試」，但疫情之後就又要強迫參加。
2個讚
擔天望地打喊路
有個長輩話我細佬咁大都唔結婚，係咪基。
我即時寸佢，你都未結婚喎。全場爆笑
10個讚