我老爺早幾日先比較完
見琴我仔喺遊樂場玩緊某樣嘢，有另一個小朋友衝過嚟佢就讓開俾人玩
我老爺即刻話佢無鬼用，男仔之家咁懦弱
然後話另一個孫（一向曳到生番咁嘅孫）就唔會咁，會推開人咁人哋就搶唔到喎
好彩我老公即刻出聲話佢亂講嘢教壞細路
我就即刻讚返個仔禮讓係啱㗎，做得好好
對住呢啲唔正確嘅價值觀真係唔應該吞聲忍氣，會傷到小朋友自尊心
5個讚
好似講笑咁回佢：無比較無傷害
用到傷害兩個字，醒小小既都會收聲，如果唔收既，一係再解釋，一係爆佢
1個讚
身邊都有長輩勁鐘意比較, 如果佢係認叻嗰啲, 我多數會讚到佢啲孫天上有地下無咁, 有得佢自 high…
好在佢地比得黎只係多數抬自己啲孫, 就好少踩其他人, 如果佢踩我一定反擊 
我媽自己都成日比較, 我由細比佢比到大, 所以好反感, 佢而家講邊個乜乜乜點點點, 我會話返佢 “你又知人地講真, 係既就住邊度邊度啦” 佢諗諗下會無言。我發覺都多長老亂 up 仔女人工身家, 有時聽完真係完全覺得無可能 
1個讚
我爸嗰邊啲長輩就成日係咁, 我堂妹係個可人兒, 講嘢叻身型FIT (食唔肥嗰種), 細細個就好得親戚喜愛, 我都好鍾意佢, 但係啲有個8婆長輩就成日將佢同我兩姐妹比較, 話我肥額頭高皮膚黑又唔出聲, 到3X年後我都仲好記得好L憎佢(好彩佢移咗民唔使見)
所以有親呢啲情況一定要出聲, 個小朋友無出聲, 唔代表佢冇嘢, 呢啲長輩反面咪反面囉, 最多咪以後都唔見
2個讚
長輩愛孫子好正常. 但有啲長輩比較愛面子,特別在其他人面前,呢啲唔好例子多不勝數. 特別小朋友冇咩特別時候,唔會話太愛惜,常用他人優秀來比,還好我都教小朋友不用太在意"長輩"所講既野,自己親身感受長輩邊啲係真心邊啲係假意就得,"真"既就多親近,"假"既就少接觸. 我最討厭既係,教得好小朋友十分優秀後,常常借故多親近孫女,多拍照後放上社交軟體(FB/IG/WHATSAPP)曬野.
我99正正鍾意踩自己既孫
佢係踩我既女來讚佢大女(即係我大姑)既囡
我大姑係果D賺錢賺得多、性格好霸道既正港女
佢大女之前疫情都唔帶出街，唔講野、一出街就喊、又唔會同親戚打招呼
呢排終於出左街肯講野，99不停讚佢個女識講野、行路都行得好過我個女
喂!佢肯講野肯行路係好事冇錯!點解一定要踩我既女來顯示佢既女既進步!?
我要保護自己既女，搞到我一D都唔想同大姑一家人一起食飯，嘴臭到冇好野講
次次係whatsapp群組send我個女既相出來
大姑從來有踩冇讚，跟住就要send佢個女既相出來cover我個女D相要大家讚佢個女
而家我係個group都隱藏唔出聲、費事我個女又比佢地踩
我個女真係表達過唔開心，三四歲小朋友好需要建立自信
點解用要呢D無聊野來打擊佢信心 
明白! 我一定要保護自己既女!
自己鍾意比較，又叫小朋友唔好比較
我要係佢地面前大聲講：鍾意比較係八婆D行為!
如果小朋友因為咁而唔開心，我會提醒長輩小心說話
如果佢地無改善，我會升級阻止佢地係小朋友面前比較，畢竟父母有責任保護小朋友
小朋友太細個唔識反抗，我地做大人要以身作則教佢地點樣say no
如果我地唔做個榜樣俾佢地睇，佢地大個都只會啞忍
3個讚
好衰喎，你老公點睇？
我會Quit 埋group, 唔好見，廢事眼寃
2個讚
同佢個, 十隻手指有長短, 女人個波都有大有細, 男人下邊都有長有短, 要比就比劍, 唔好攞啲小朋友來比
1個讚