家有老人，行動不便，要穿尿片、脾氣暴燥，現請了工人及家母在家照顧。老人三年在家，除了急症送院就沒出過家門。老人常掙紮及發脾氣整親家母，剛接獲消息政府資助安老院有位。
家母當然想送佢入去。為人子女心情非常矛盾，因為知道老人性格孤僻，要住老人院只是送佢一程，一定大吵大鬧被工作人員差對待，又同院友不和
唉，很痛苦。但照顧老人的是家母，我也沒資格說話。但當想到如我子女將來送我去老人院，我就很傷心
有身之年盡量身體健康，唔好話送去老人院，如果性格暴躁連屋企都唔會想返去睇你。
照顧老人感受嘅同時，其實照顧者嘅感受都好重要
老人發完脾氣可能自己都唔記得做過啲咩
但如果照顧者都開到聲，保持安全距離，仲可以保到兩位家人都好
老人院未必一定等如末路，如果住咗入去真係有問題，都可以再要社工幫手再搵地方
而且好過兩個家人攬炒
28個讚
其實你唔係照顧者，都睇得出呢位老人難服侍，難得老人院有位了，當然係送去比專業人士照顧。
你媽媽身為照顧者，已經好辛苦了，唔好再增加佢嘅壓力。
19個讚
要學識放手,難得有津貼老人院位,如果係中風,通常申請得黎老人家都走咗,得閒多啲去老人院探望父親
如果第日自己照顧唔到自己，都會有心理準備入護老院，唔好加重後生負擔，照顧者一d都唔易做
8個讚
政府老人院幾好，環境大啲，有制度。不過小心伯伯入到去又係大吵大鬧。同院友爭執
但又可能老人家要面子，會收斂一啲。
以前疫情前可以走去床邊探，又可以回家渡假。而家無喇，除了覆診，院友唔可以出去。家人面對面探要申請，只可一個月見一個家人，仲要限時限刻。要諗清楚
2個讚
古語有云: 不要把自己的快樂建築在別人痛苦的身上
除了你自己, 其他人沒有義務負擔你的老年生活和快樂. 子女是人, 不是奴隸.
6個讚
除非你願意搬番去同呀爸住同分擔照顧佢的責任，否則讓你媽決定就好，之後多d探兩老
6個讚
如果能自己照顧自己就話姐，唔得嘅咁唔通你又會想見d仔女要辛辛苦苦照顧自己無哂生活時間受自己脾氣搞到日日唔開心咩
4個讚
我家老人家難頂過你爸爸，脾氣臭又固執，又企唔穩，仲要唔肯著片，真心照顧者除咗體力付出外，心靈同精神健康都會大壓力㗎
我同我老公照顧咗個老人家成年，真心非人生活，落街食飯買嘢都唔敢咁耐，係後來請到工人，我哋先輕鬆少少
雖然你唔想你爸爸入老人院，但請好好考慮吓你媽媽嘅處境，長此落去只會攬炒
當然前題係你媽媽想唔想你爸爸入去，如果唔想，你要俾多d支援同關心你媽媽
因為我哋後生照顧一個老人家都覺得唔容易，更何況你媽媽都應該有番一定年紀，佢會更加辛苦
13個讚
香港老人院空間太細，脾氣唔好易跟院友打大交，耐唔耐都有呢啲老人家打交死咗嘅新聞。
我老豆同你 case 差唔多，不過佢脾氣好，但我都唔忍心送佢去呢啲地方，特別依家有COVID, 一人中招, 成間老人中心 team kill. 問題係如果我老豆去咗，到我呀媽要人照顧，咁可能都要去，呢個都係一個我去英國養老原因，入歐洲嘅老人院，我估點都俾香港嘅有人權。
2個讚
大把老人家住老人院，你唔好標籤咗先。老人院嘅存在係有必要嘅
4個讚
我唔介意喎，將心比心
當然幾十年後，我變到好盟塞都唔奇
我以為私家，排到政府已係best of the worst,
到老人家更行唔到後，就算你貼身照顧，然後請多個工人都冇用，好基本日常生活問題，你點幫佢過床？
4個讚
都係一條出路，如果可以，不如試下去了解左先，情況未必係你諗咁差。
比個機會老人家得到專業的24小時的照顧，
比個機會你媽咪減輕負擔，
如果真係適應唔到咪再諗囉…
我知有啲人去霸咗個位先，之後長期home leave 返屋企住…
如果無能力接佢返去照顧，送去老人院啦，你媽都開到聲頂唔順，你傷心，你媽一樣傷心，但有時無得夾硬黎，照顧一個有病嘅老人家真係好難，放過呀媽啦
2個讚
政府老人院係超好!日日都有活動俾佢地玩,又可以識吓朋友
我老豆喺入面開心過以前,因為以前大家返工,唔得閒陪佢,搞到佢脾氣好差,大家都受罪
依家佢日日都好忙,好鍾意間院舍,我諗依家叫佢返屋企佢都唔制
我諗大家印象差嘅一定係私營,我入過去都完全唔會想俾屋企人住…
5個讚
不過政府個d好難排，要排好耐
所以如果排到政府，真係同中六合彩差不多
佢果間係合約院舍（保良局旗下）的資助位，我唔知有無分別