已經算係啦,好多人排到死都未排到
我地中嗰時都好開心
1個讚
都應該比私院好好多
NGO機構資源多d
樓主，再講白啲，你呢啲只係 偽善，我見太多唔係照顧者嘅三姑六婆親戚，一味識講：送去老人院好慘呀~好可憐呀~
但一叫佢哋幫手照顧一、兩日，只係一、兩日，全部失蹤。
如果真係咁唔忍心，點解唔和主要照顧者互換角色，做一星期主要照顧者，睇吓自己頂唔頂得住，先再批評去老人院呢個決定？
NGO旗下的老人院超級好，我勸你哋千祈唔好放棄個位，否則你哋一定後悔。
20個讚
認同。我老人家係盲咗，又行唔到，疫情吓探唔探、出唔出街無分別，得閒買啲炒粉麵同零食、托姑娘拎入去都無乜分別。
如果想老人家去老人院，就預咗唔可以而家喺屋企咁成日見。同埋無咗回家渡假。因為疫情，安老院有好多限制
你都冇親自照顧老人, 點解又期望子女親自照顧你?
己所不欲, 勿施於人, 尊重個照顧者選擇, 你唔好表露痛苦俾你媽睇, 否則呢種無謂偽善只會加重佢心理負擔。
5個讚
閣下父母都有咁上下年幾啦，諗多兩步，媽媽照顧爸爸係辛苦既話可能會媽媽行先一步，到時政府個位無左，媽媽又唔O係度，咁有邊位家人可以放棄工作/家庭去照顧爸爸呢?
父母同工人三個住，即係根本無同仔女住，照顧責任放O係媽媽同工人身上，同意樓上姊妹講交換下身份去照顧一個星期，自己頂得順就以後都自己照顧，放媽媽一條生路啦。
居家安老好多人都想，只限於行動自如既長者。
識講依句就得啦，照顧者都好辛苦，佢都放到手，你做乜要道德綁架阿媽呢
如果你同爸爸情況一樣而你都係咁諗，你只係自私。
6個讚
如果樓主放棄左，大把排緊隊嘅家庭多謝佢。
唔知點解好平行時空，正常香港人，或有稍為留意下安老院嘅香港人，一定知排到政府老人院如中六合彩，樓主連咁基本嘅野都唔知，好神奇
2個讚
本身係同住就會覺得少見左既，唔同住果D咪又係一兩個星期先見一次，去屋企探同去老人院探既分別。
老人院內都有社交生活，有人傾講下點都好過對住屋企四面牆。
2個讚
我爸嗰陣排左十年先有，同私營簡直天堂地獄之分。
不過以家食咁多豆苗可能唔洗咁耐了。
2個讚
同意照顧者話事, 坐著說話不腰疼
你個CASE仲要加埋老人家係暴躁, 照顧者好辛苦
1個讚
老人家會唔會有認知障礙？
作為一個前照顧者，我自己都經歷過照顧有初期認知障礙者老人家，嗰段日子真係好影響自己情緒，甚至全家人，自問盡力照顧去到最後真係照顧唔到，就去咗老人院。
我覺得真係要從照顧者角度去想，如果唔係盞全家人受苦。
之前家人住都係保良局企下，我覺得係比私營嘅好，環境都乾淨企理，又有好多活動，入到去都見啲老人家開心嘅。
可能我地都俾個孝字困死自己，但我地自問有好盡力照顧過，唔好一嚟就否定咗老人院嘅需要。
3個讚
請問政府老人院點樣申請?
要社工評估是否嚴重需要受照顧,評定結果係的話才可以開始排隊,其中有分幾個級別安老院安養院護養院
你講得好啱！！
我個case 同樓主一樣，但從來無反對過送爸入老人院。
我爸當年係醫院啲脾氣大到要住私家房（講緊政府醫院）係醫院主動安排，因為醫護人員怕左佢影響其他病人。我地教護士叫佢x哥，亞爸就會聽話好多。
之後入左老人院兩年來，我爸每一日都打電話問亞媽，問幾時接佢返屋企。唔心痛就假，因係根本無得返，以爸既臭脾氣同身體情況，接返屋企肯定攬炒兼死快啲。
好多人唔清唔楚就標籤
完全唔識去了解下實際情況
一啲唔知有心定無意嘅說話
令院友同院友親人好難受
最怕出把口講肉赤，平日打下電話講兩句，但假期連人影都唔見，照顧者係日日都對住，真係想抖下都無人接手
5個讚
呢間老人院，我上網睇過個評價，話有個老人本身行得走得，但住左一個月後連坐都坐唔到…
不過正如大家所講，我又無份幫手照顧，講d乜丫。只希望呢間係一間較好的老人院…
我覺得呢啲好睇一個個人。我爸媽未有咁老諗老人院, 但我阿嫲同公公都住過老人院, 都係政府既院舍。
其實啲院舍有好多活動比老人家, 電視又有粵劇睇, 有得打麻雀, 仲定期有物理治療師教佢地做運動, 啲儀器放係大廳, 佢地可以做運動。三餐定時定量有營養, 當然有啲要人餵既, 嬸嬸會餵得比較急, 但有時真係屋企都未必做到餐餐煮。
最重要係有看護, 半夜有咩事, 唔舒服, 氣喘, 一定比屋企快比人發現+專業。
我阿嫲係住左愈來愈呆, 因為佢個人唔多郁動, 同埋入院時已初期痴呆, 唔認得人, 但我都見過有啲院友愈住愈精靈。
如果照顧者認為送老人院係較好, 就唔好諗咁多, 始終一位難求 
2個讚
我家老人超級古宿，由後生已獨來獨往，無朋友、斷六親，不能群體生活。如果係個普通老人，我都相信在老人院可能更開心。但佢，我擔心同院友打架同俾人趕出來。
我其實明白無得揀，只是內心很唔好受。尤其而家疫情，唔知探訪安排是點….
你都講老人家性格由後生已古怪, 有無諗過照顧者日日對住佢有幾辛苦? 人老左, 性格會更易鑽牛角尖, 我自己爸媽都未夠 70, 都已經難頂左好多…
唔可以只諗老人院有咩咩咩野唔好, 點點點點點差法… 凡事總有好唔好, 無完美的辦法, 只有取捨平衡 
內心唔好受係正常既, 因為聽咁耐你對老人院好有偏見咁… 而家老人院可能又已經進步左好多 
2個讚