而家仇恨呢家嘢，唔係平時咁定義架啦
真係鍾意science唔會入City讀呢科
，正常會去讀Maths or Physics，之後再攻Science or 工程科研。
我同教育心理學家傾過呢個問題
簡單d講，要做group project 時，18+嘅同學會唔會想同呢個細路一齊？要的話，又願唔願意聽佢嘅意見？特別係佢地d idea 可能好天馬行空，又或者完美主意
如果去外地，個個Friday night 去酒吧，又無份…
有時都會好佩服咁細個跳班入U嘅家庭，明知困難重重，都要去做
1個讚
我大學時有同學仔係跳級入，本身佢係IS學生，唔多識廣東話，雖然同班都有成十幾個IS或外國回流學生，但由於佢個人好靜唔合群，經常獨家村。好在同班有個Mature student, 同佢好似老豆有仔咁經常一組。
因為佢好高大，我哋一直無人留意佢係跳班，直到其中一次去study tour, 成班夜晚同professor 飲酒，佢突然自爆未成年，我地先知。
佢係好叻好多brilliant ideas, 但除左project 野，完全溝通唔到。
畢業左廿年，佢讀左兩個Master, 考左professional qualification, 私人公司都做得唔錯，但同人相處都係麻麻，最近幾年又入返大學讀PHD同教書。
唔好話 13 歲，18 歲同一個 16 歲，都未必願意「湊仔」。學術方面可能大家會有交流，但課後就成問題了，拍拖、飲酒、兼職搵錢、去短途旅行，呢啲全部都唔過電，資優兒容易繼續孤僻下去，只能夠在學術上搵到快感，繼續讀書 PhD 然後做 lecturer 之類。
做平凡人都唔係容易，更何況係「特別人」。
呢科 course topic 睇落唔差，佢有興趣讀唔出奇。另一個可能性係咁多個faculty 剩係得呢個肯收。其實都係踏腳石姐。
仲有一個 point, 正常人 18歲，成績好都唔會入城大，即係成績普通， 好彩有大學收咗讀三年就出來搵工， 呢類人點會同一個細路仔做朋友，以天才身份入來，仲開埋記招咁高調，心態完全唔同。
其實呢個小朋友 miss 左個童年，中學係識真心朋友最好嘅時間，讀大學當然係溝女啦，出來做嘢未必有機會識到咁多女仔。
2個讚
可以佢都唔想同18歲玩呢
大學生固然未必會同佢玩，但同級嘅亦唔一定傾得埋(智齡唔同，唔啱嘴形)
凡唔係大多數(資優又好，智障又好)，外人都難免覺得佢地寂寞，但係可能佢地自己冇乜所謂。
我估好多數理資優，無論跳唔跳級，都唔易同一般人風花雪月
今日10.1，睇到林生張相，就諗起宜個post…
唔識同人相處，會遺憾終身…
2個讚
對我屋企果個嚟講、返學小息同同學傾計係正事、學到野只係副作用。
2個讚
好多讀緊u都係喺度風花雪月…
不過如果佢本身同同齡都會比較難相處、真係有得必有失。
次次佢出嚟又真係戲都唔做
唔計佢老婆咁極品
佢咁樣真係好鬼離奇
雖然我都識有個朋友老公係咁，聲稱係一齊出嚟玩，但完全係脫離咁
13歲讀大學，佢有冇快樂嘅童年，讀大學與同學相處到？
以下故事或可作為參考：
故事A
個小朋友係數學資優生，小學一直係課程出名深嘅小學讀書，父母不希望仔跳班，希望有正常嘅童年+學校生活。仔成績優異，係中文比較差，但因為社交好弱，同同學相處唔到，佢覺得同學好幼稚，同學覺得佢好怪，學校老師覺得佢上堂唔專心。小學時期應該唔開心，因為要見心理輔導。
故事B
我仔嘅中學同學，全面資優生。冇跳班。學校有分班上堂，雖然同級最叻嘅同學一切做projects，佢每次都修改或重寫同學嘅部分，原因係佢覺得自己寫先係最好嘅。時間耐咗，D同學由佢，雖然同學間相處冇太大問題，但冇咩好朋友。
重有其他例子。
我想講：學術上資優嘅小朋友，係香港，跳唔跳班都會讀得唔太開心，因為係學校要同人相處，其實對於佢哋，並不容易，往往係唔開心嘅來源。
而有資優兒童嘅家長，付出嘅往往比常人更多。
好似有人係人群中成為焦點而悠然自得，而有人希望在人群中，披上哈利波特嘅隱形衣，冇人注視自己，先最舒服。
6個讚
其實佢哋一般有自我滿足方式，我家中亦有一件，智商高但社交低能。以前佢細時都不停燒銀紙見心理學家，而家發覺佢有自己世界，何必迫佢過我想佢過既生活。
佢現實中朋友不多，但網上有一堆同佢溝通到既人，佢覺得開心咪ok 囉！
做父母幾時都夢想子女八面玲瓏，不過好多時現實唔係人力可以改變。
我都有同仔講，佢係一般人眼中係怪人，好難比人接受，所以要係世界生存要有自己出色技能，先有機會比人接纳。
6個讚
真。可能佢哋交流方式，內容我哋難以明白，但佢哋開心，溝通到就OK.
我身邊都多朋友有資優兒童(好多係仔，特別係理科)，好多時傾開，都會有社交問題。其實諗深一層，未必係佢哋嘅問題，而是大家嘅思維不在同軌道上。
係驚成長之後影響生活，成績極好/成績極差都有呢類人
成績極差仲慘
1個讚
咁勁竟然讀城大
仲要入製造工程呢個水泡科
其他可能唔想收跳班資優兒，得城大有經驗/肯收。
係，就算思維唔同軌道，都要有共同軌道去接軌。我地普通人都要學，佢哋更加要學，唔去學同實踐，最終吃虧同冤枉嘅係自己。
1個讚