只係睇到高分兒阿媽不停代答 
5個讚
數學 A
語文 C
相處 F
興趣係學習…
IELTS獲8級，只代表語文考試能力
睇吓以前都有呢啲類似嘅例子。
4個讚
番學另一重要目的係同同學相處，世界上唔係得一個人可以生存到
3個讚
通常資優生社交都會有問題，佢嘅圈子同佢本身年齡相差太大，其實唔啱傾。
2個讚
係咪好事都未知
係囉我都咁諗，講到咁勁讀城大
1個讚
其實我認同係有跳班既需要，因為有啲人你叫佢背歷史就係想死。。。（當然，人有啲人文知識對個人修養係好有幫助）
不過人唔可以無社交，其實點叻都要幫佢發展興趣同社交，除非你唔介意個仔將來無朋友無老婆
1個讚
好似D high function 大 A咁
佢電視都唔睇
同學講下mirror都唔知，深山咁，點攪呀
其實一定要咁急咩？佢數學叻，抽佢出黎上數學資優班就ok, 如果本身社交都唔得，更加應該留係中學，同多啲人相處，佢呀媽係小學老師，咁都唔明
1個讚
其實冇咩問題，資優不嬲都係好難同同齡嘅朋友有共同話題。
佢城大畢業後應該可以攞 scholarship 入英美著名大學科研
前提係佢真係gifted, 真係鍾意 science 同埋真係好似外國啲科學家聰明嗰隻，而唔係只係讀書機器，純粹贏係填鴨式背書同埋考試制度上面。
6個讚
可能人哋講mirror，佢搭訕同人解釋鏡嘅折射，做咗完美嘅話題終結者
4個讚
唔算仇恨，資優家長個個都係咁諗，包括HKAGE 自己都覺得做得唔夠
wkf 好鍾意收資優兒，支援似乎唔錯，但一而再揾跳入大學嘅學生開記招，我個人有d反感，早兩年個cambridge都仲好睇d，今次呢個考5科，全A，如果係能力高嘅，點解唔好好考A*，點解全A？！ 如果大家有研究，其實AL 考A唔難，講緊兩成上近嘅數字，仲有，既然係人上人，點解甘於二線大學？！
其實响HK揾間好d嘅學校跳班係超難 (我覺得難過考到A*)，呢個阿媽不停為仔轉校，加上佢社交應該唔會好 (資優兒好多係咁)，佢更加無同齡朋友，無歸屬感，對學校無感覺，呢件係咪好事？
可能我諗多咗，我不停拖慢阿仔，加上學校唔俾跳班，連日間上大學課程嘅唔俾，玩全人發展，阿仔超討厭返學，其實一樣對學校無歸屬感，佢甚至唔願意話俾人知佢讀邊間學校，印咗學校名嘅衫絕對唔著…
所以，我作為第一身家有"神童"嘅家長，我其實唔應該批評呢家人，每個孩子都係獨特嘅，家長只係盡可能俾最好嘅野孩子，可惜世事有得必有失 such as 無學校同齡生活 / 滿足好奇, vs 有學校同齡生活 / 討厭返學浪費時間
對錯？
btw 我就唔會俾仔接受訪問 (津校亦唔會安排呢d訪問) ，真係唔想被d唔明白難處嘅人指指點點
9個讚
人生好多時要做d唔想做嘅野，就算你喜歡嘅工作，有時都會遇到唔想處理嘅事
公開試其實都一樣，唔操卷係無可能攞好成績，佢得A，我反而想問係咪無操卷
其實呢d都係試練，人生必需面對嘅妥協、忍耐
過去兩年，我已經放底呢件事，網上好多group，孩子自己會揾到屬於自己嘅群組，攞到交流到嘅朋友，然後約出嚟聚會
就咁聽到，可能會覺得好恐怖，唔安全
但如果我話都係一班去科大上堂嘅中學生，佢地仲會互相介紹加入其他focus 嘅群組 (e.g. 我兒被邀請入咗programming 比賽嘅群組，然後遇到師兄，仲叫佢入校隊) ，呢d都係朋友，相反，學校同齡嗰d，大多數都溝通唔到，同學好的話，就當你天才，唔好的話，就當你怪獸
睇住孩子成長，我自己都大開眼界
7個讚
阿媽真係諗多咗，讀書還讀書，做嘢還做嘢，書蟲只會繼續燒你啲錢讀書
睇條片真係又可憐佢又控制唔到自己取笑佢⋯⋯
佢喺度話自己衣加同一啲冇讀過書嘅人冇分別，梗係唔係啦，好大分別囉，人哋唔讀書中四就出嚟打工讀社會大學不知幾多人生履歷，可以自給自足、養家活兒。
完全明白。資優同同期難相處，IQ 上滿足唔到佢，但跳班之後嘅同學 EQ 未必啱 level，大佢咁多年唔太想同佢玩，尤其資優好容易因為之前冇跳班又唔合群嘅日子養成孤僻古怪少少嘅性格。突然去到大學就更加冇人同佢玩，一個 18 歲好地地唔同其他朋友出去蒲，做乜同個 13 歲玩？
你仔仔能夠搵到一班 ‘on par’ 嘅人去相處係一件好事。我都相信資優參加出面嘅活動搵到嘅朋友絕對多過學校可以搵到嘅朋友。
4個讚