本港樓價長期高企，年輕人難以置業，往往需要長輩出手相助，一位港爸近日在網上吐苦水，指早前上車靠外母支付首期，並由妻子負責每月供樓，最近兩老打算透過逆按揭替女兒供斷層樓，惟擔心萬一女兒不幸早逝，物業會落入女婿手中，妻子便提議訂立遺囑，身故後將該單位歸還父母，事主得悉後感不滿，擔心自己和兒子隨時失去居所，言論被網民一面倒批評他「食軟飯」，甚至形容他在妻子仍健在已「謀住層樓」。
外父外母欲逆按揭供斷層樓
該名港爸早前在facebook群組「同住奶奶好惡頂自由討論區」發帖，指一家三口現住物業，由外母支付大部分首期購入，並由妻子負責供樓。前年兒子出生後，夫婦二人開始深入考慮未來的居住問題，最近妻子突然表示父母有新提議，打算透過逆按揭將另一物業抵押套現，以還清其居住單位的貸款。
妻子提議立遺囑物業歸兩老
不過兩老同時又擔心，雖然女兒仍然年輕，但萬一女兒因事不幸離世，該物業便由事主擁有，覺得當中具有風險。妻子聞言遂建議提早訂立遺囑，訂明自己身故後單位歸父母名下，務求令兩老安心。
此言一出令事主感不滿，擔心萬一妻子若然身故，自己及兒子便會失去居住，
「我即刻諗，即係我同阿仔要搵地方搬，如果唔係就瞓街？」
他又指明白外父外母在購置該物業上有很大貢獻，但同時質疑：「使唔使去到我老婆要all in（孤注一擲）畀番佢哋？」
被網民批評「軟飯王」
雖然事主發文未幾便已經刪去帖文，但帖文內容早已被其他網民廣傳。許多網民都表示，事主所居住的單位由女家出資購買，若妻子身故將物業留給父母屬合理。有人指出，假如其妻子不幸早逝，事主有機會再婚另組家庭，相信兩老是擔憂物業會落入外人手中，「男人再婚，繼母入主，啲孫乜都冇」。
又有網民指事主妻子「好人好者」理應不會英年早逝，批評他咒妻子早死並「謀住」層樓，直斥他是「軟飯王」。
似老婆無乜安全感，feel 到老公蛇呱無努力為家庭付出先會咁安排
7個讚
掉返轉如果事主係女，個男寫遺囑比老爺奶奶就一定同情個女
不過我諗︰個男人點解供都唔負責供﹖
4個讚
仲有第三點，
兩個老人家竟然expect 個女比自己早死 
老人、女、女婿都唔係省油的橙
8個讚
老人負責比首期, 老婆負責供, 男人剩係負責住??
而家老人家比錢幫你贖樓, 仲比埋你住, 唔通之後你仲想霸埋層樓?
佢會拎呢件事出嚟公審證明佢老婆呢個決定係正確喎
5個讚
係喎~宜家首期又外母俾
樓又老婆供
外父外母唔想老婆一個人供樓辛苦先話逆按揭幫佢還晒層樓d 債
咁個男人貢獻過乜野先?
佢有本事咪還番d 錢俾外母同老婆
然後轉名俾佢自己供晒佢
5個讚
我都覺，唔一定要比現金先叫對家庭有付出，家庭煮婦離婚一樣可以分到半層樓（香港案例），
所以我覺得成件事三方都計到盡（又或者有其他內情我唔知）
同意, 就算計金錢方面, 可能個男人付責晒供樓以外其他使費呢, 個post del咗, 根本無人知事實
1個讚
我係佢老婆都會咁做,我朋友而家又係類似既CASE,間屋係外父+2公婆名,首期外父出,供就2公婆夾錢供,我朋友話佢老公0上進心,咩都係痴女家 
1個讚
仲要成日係forum見到女方冇份供樓但見到層樓唔寫自己名就發睥氣唔開心… 話點都要對女方有個保障?
咁touchwood老公唔係度，層樓寫老爺奶奶個名又得唔得 
1個讚
其實層樓首期係是但一方父母出既話
層樓業權已經唔"單純"
有"把柄"響佢地手
我聽過就係奶奶話出首期然後要求留間房俾佢上去住咁
1個讚
其實一份家用咁計，一個供樓，一個係日常家庭開支，其實係咪分到？？
我朋友其實都想同佢老公講明,有D咩事俾返層樓外家,因為佢老公真係好CHEAP,佢老公個個月俾得$6000出黎,生左BB,生完放係外家,女家請工人幫佢湊,即係BB已經霸左女家一間房 
我朋友仲有個妹妹未嫁
2個讚
