我覺得係香港做女人係著數D
2個讚
嘩~~~
真係使女家使到盡!
難怪你朋友想層樓歸女家
不過層樓有外父名
有咩事都應該可以分番一半?
正常我估應該分返3份
我聽過外父出首期，奶奶話要留返間房俾佢
1個讚
啱啊!!中point!!
朋友個case，女家有錢，有幾個物業收租，男女結婚後女家就攞咗一個物業出嚟比佢哋住，每個月交租比女家，後來佢哋生咗個女
之後慘事就發生，女嘅發現有cancer，醫咗一排最後都係走咗，淨返個男嘅帶住個幾歲嘅女
而真係估唔到女家咁絕情，自己個女啱啱走咗攪好啲身後事，即刻就叫個男嘅帶埋個女搬走，比返間屋外母，都唔知點解可以咁狠心趕走自己孫女
雖然個case有啲唔同，不過人生真係可以好無常，永遠唔知壞事幾時發生
1個讚
係咪人嚟架﹖最多咪叫個女婿交返租囉，使唔使咁架﹖
1個讚
係喎，
有交開租架喎
又唔係白白霸住層樓
使唔使咁？
我唔係文中既太太。但我其實都暗地立平安紙有相同安排。
我買樓大部分首期係我父母借（因為當時要俾4成首期），我老公覺得自己俾左少過1/4就好似大曬，供樓係我供，都無諗過我/佢要買返200萬俾我父母。
家用我好似乞先乞到少過工人姐姐既數目，佢個理由係我搵得多。我老爺成日借錢炒股，我奶奶成日望啲親人成可以分到有少少遺產，我老公愚孝，由得我老爺奶奶亂來。加上佢成日被人炒，經濟好唔穩定。
我好怕我層樓萬一我死左，佢會敗左，到時我小朋友無地方住。所以我買左保險寫左我父母，我死左足夠settle d mortgage 。層樓會俾我父母。我其他MPF saving 會分三份，佢，我父母每人1/3。有乜事仲有我父母手上既2/3留俾我小朋友。遺產執行人我搵左我一個好tough 既屋企人做，到時我老公同佢屋企有乜意見，都有個夠硬淨既頂住。
12個讚
關於層樓, 冇一個位係個男人有付出過, 真心唔知佢依家想得到D咩?
1個讚
其實有啲人既logic 好有問題。
我老公屋企就係一個例子。
家人立平安紙佢地口中會話將來邊個死左，我就有成百萬遺產，經濟唔洗愁
我明白人人有貪念, 但講到出聲真係好咩? 就算講笑都係咁話… 冇遺產就正常喇, 有咪當BONUS囉, 要強求咩?
想像吓將來自己小朋友日日開口埋口就問你幾時死, 想分你身家, 咁又得唔得?
1個讚
層樓係你一個人名? 咁我都好讚成你做法, 如果你小朋友大個你都可以寫返一份比佢 (因為我唔知你仲有無其他兄弟姐妹, 比左父母最後可能變所有兄弟姐妹平分)
因為個女在生時，間屋係低於市場價租比個女同屋企人住
估唔到個女一走，就要人哋搬走，唔明點解唔可以平少少當租比個孫女住，少少錢就睇到人性醜惡
文中男人自己無份比錢，真係冇權要求個老婆留啲咩比佢，但係個老婆都應該準備好，萬一佢突然走咗，小朋友有冇地方住
向錢面前，人真係可以好醜惡，到時被迫搬走果個，可能係佢個仔
咁你都好公道丫，唔係好似文中太太咁，你老公又真係…
我好相信唔係講下，係真心咁諗。因為我奶奶唔止一次虎視眈眈人地啲遺產。
第一次係我老公細個，話佢姑姐係外嫁女，我老爺係唯一有男丁既一家想呑左嫲嫲分俾姑姐個份。第二次係老爺家族家鄉有層祖屋，本身香港同大陸親友一人一半，但我老爺仲有其他siblings ，我奶奶又用我老爺有男丁為理由想要左，第三次係老爺其中一個siblings 襯後生就立左平安紙（因為single )，我奶奶又係話人死左就有過百萬落袋
得我一個名。
我立平安紙有個指令係父母其中一方早走，佢地既果份會在生既承接
2個讚
日久見人心係真。
我好努力唔俾我老公屋企果面既身教影響我小朋友。做人真係唔可以咁自私同貪
4個讚
我第一層樓係我老公首期出大份，但我供多少少
而家呢一層首期主要係賣樓賺錢嚟既，仲有我哋既積蓄，不過我多啲。
供樓係我供，但我老公有比其他家庭洗費雜項
所以基本上我死咗我啲財產全部比佢，我仲買筆好勁既保險，受益人係佢
但我有講如果我死咗，佢要分返啲比我兩老，起碼要照顧下佢哋。而家我每月都攞一筆錢養娘家
我估得啩﹖ 
1個讚
層樓係邊個個名，同有無屋住，可以無關係
我老豆平安紙都寫咗我名，但到時我哥仲住緊的話，我唔會賣
所以，呢個男人第一時間就覺得老人家會趕佢同個孫走，等佢無屋住，會唔會… 因為如果佢有樓，都唔會俾老人家住呀？