同老公日常生活相處冇問題，
佢都好錫我、照顧我，
但每次牽涉到佢屋企人既問題就會嘈交，仲要係嘈得好勁，
自己對住佢壓力愈來愈大，
開始後悔當日結婚……
1個讚
乜事會講起佢屋企人
真心佢地唔影響我生活就唔理
1個讚
係囉，我同老婆都唔會無啦啦提長老
你咁就後悔，咁唔通你係結婚後先識佢阿媽？明明係2個人既事，你試下講清楚d我地先可以明白多d喎
夫婦唔好講對方家人，除非佢都好憎家人。表面尊重算了
4個讚
結左婚幾耐？有無小朋友？
如果唔係好耐，呢個都係一個好常經過既階段。大家當初係兩個人相處先結婚，加埋屋企人就係另一個睇法。
唔洗因為呢樣野悔婚，因為好多人試過，係可以解決架。大家 set好底線期望就得。家人既問題，只要不搞到自己就唔講。搞到自己既，要公平傾好。舉例：
- 各不理對方家人，唔講對方家人既野，不往來。
Or - 每星期只見對方家人一次，食一餐飯，台上只講表面野
總之，如果對方家人對你有要求，你老公都要對你家庭做返同程度既事。例如食飯，買禮物，兩邊公平，夫妻講好係幾多，然後各人和自己家人 set expectations
未解決好呢個問題前，唔好生仔，問題會更大
8個讚
如果你好憎佢屋企人，直接攤牌：唔好再提，唔好再傾
如果對方迫你，你直情缺席所有家庭聚會
我試過，我老公頭痕，佢最怕過時過節我唔去佢屋企，最後承諾總之唔會比屋企人影響我哋婚姻
1個讚
約食飯既時間、地點、人物問題😮💨
其實不嬲都唔理男家野
咁都有交嘈….
因為我地有個5個月大既bb
尋晚本身翻男家食飯
佢話想9半先翻屋企 我話bb要訓教早d 唔好太夜
佢問我想幾點翻屋企 我話830 佢又話咁9點
咁我就話不如你話事啦
佢就嬲左 覺得我係唔想翻去食飯先突登講到個時間咁 發曬脾氣叫我同bb唔好翻去
最後佢真係自己翻左去
咁就以後你同BB唔好返去食飯，佢自己返
5個讚
就係平時我唔會講唔會提 但只要每一次有小小事關於佢屋企人 一傾就出事
其實已經係用緊方法1 同 2
佢屋企人佢搞 我屋企人我搞
但都係會嘈😮💨
可能真係佢講所有野有關佢屋企人我都唔理就岩 佢想點就點
我地有個5個月大既bb 所以仲煩
其實我唔憎佢地
但結咗婚生完個仔之後 覺得男家既人同自己只適合hi and bye
所以唔想深交 基本尊重就算
我直情係因為佢地想移民走
去到咁極端真係好？😮💨
咁就你讓步！唔係呢個問題永遠存在，睇你覆述你老公行為，佢硬過你！
係啊
佢真係成日覺得自己屋企人最好咁樣….
心諗點解明知道個仔早訓 唔可以早d食？ 又唔係要翻工……
一講到bb嘅嘢我都唔會讓步，尤其係咁細，有既定時間表先易湊，過咗時間佢唔肯瞓真係同佢玩成晚㗎大佬! 人哋一句話「遲"少少"好閒啫，一日半日」，但係bb唔瞓搞到無得瞓嗰啲唔係佢哋受喎! 佢發老脾自己返，好呀，以後請自便~ 唔洗去好安樂~
其實係咪因為好少機會返去，所以佢想耐d呀
Btw佢係咪一個好痴屋企既人，你結婚前應該知？
我同老婆都曾經試過因為返去食飯問題嘈過，我同我媽住同區，我原本係諗多d返去食飯，例如一星期返2-3晚，咁咪可以煮少d唔駛咁累。而佢就唔係咁鍾意，總之嘈左下，大家講返大家想法，到而家我幾星期/成個月先返一次，但就算咁我媽7點幾就食飯，食完8點都走，我地都有7個月大BB，但唔係因為要瞓覺而早走，而係……食完咪走囉，我又唔係好痴阿媽既人，返到屋企都9點幾，我都想多d自己時間
我知家家有本難念的經，你嘗試下同你老公溝通下先，理解下佢點解想留囉（雖然都離唔開耐無見呢d原因），咁你都係為bb，大家睇下搵唔搵到平衡點
2個讚
我尋日都係咁同佢講
佢話一日半日夜左好有咩所謂
我同佢講 你緊係冇所謂啦 都唔係你氹訓教 佢扭成點你都冇影響架
做人爸爸為下個小朋友著想都唔得….
2個讚
我估緊一樣野，bb每晚最後一餐，同埋哄bb瞓覺，呢2樣野係咪一直都係你做，你老公無做過
講真結婚前唔覺得佢咁痴屋企
生完仔先冇啦啦對屋企人既野咁執著
生完之後係好少翻去架 翻去咪可能一個月1-2次
因為我係ftm 我曾經同佢提出話我星期六日翻pt 咁我翻工你鐘意帶個仔翻去搵你阿媽 俾佢湊 你鐘意點咪點 佢又唔肯
然後每一次鬧交就話佢好想陪屋企人 佢冇機會陪屋企人 咁其實佢想點？
2個讚