係 從來都冇做過………
自從試過一次佢氹bb訓 搞到bb玩到凌晨三點都唔訓 佢就冇再氹過…
咁你同佢講，你自己湊仔。
佢番去陪佢屋企人。
嗱，我講我自己意見唧，唔啱聽唔好打頭。
（死啦
見到大家意見一面倒，我都唔知講唔講好）
首先我唔覺得要咁多人去就一個BB嘅，佢又唔係家庭嘅中心，要早瞓，又唔係第朝去面試小學…
有規律地早瞓當然係好事，但未到學齡，我覺得「配合BB早瞓時間表」都唔會係我家庭1st priority 嘅事，仲搞到兩夫婦要嬲添…
如果你講緊係耐唔耐一次，或者一星期一次，咁我夜啲ok, 但如果係每星期兩三次咁密果啲，咁我就覺得可以協商早啲就下BB瞓覺習慣（同埋大人都唔使成日咁攰）
你老公咁樣嬲，其實都係覺得你一言堂一定要8點半走，跟本你個人就無商無量咁囉…
我經驗係, BB咁細喺邊度瞓都得，孭住又得，抱住又得，喺BB車瞓又得，如果唔得，可以訓練到佢得…
可能你會覺得唔係個個得，但係我3個細路都得。
當然啦，我怕攰，我埋身餵奶氹都唔掂，我會掉比老公搞掂佢。咁其實唔使問阿貴，佢都一定唔會舞得掂，志在比佢體驗！我當然都會接手返啦（兼比個辛苦樣佢睇！）兩公婆唔係就係應該咁咩？你體諒我，我體諒你。我食左一啖屎，點都要請你食返一啖！
我唔係挑戰你湊B果套，而係，唔好對老公用硬功，佢反應唔掂呀，試吓用軟功，苦肉計之類
將心比己，如果返你自己娘家，可能你又會想留耐少少，咁你希望老公支持你定反對你？
如果佢講一句「你地傾啦，BB我抱住瞓得喇」係咪超型？
加油！
（有無留意到我有一段押韻左？
）
19個讚
湊開b嘅就會明，唔係一日半日問題，有時今日時間表錯左，係直接影響埋第二日日間，即係再影響第二晚，照樓主所講，餵最後餐奶同暗瞓都係佢做，大家唔知理唔理解到暗瞓係點，係少則一兩個鐘，多則四個鐘都得，而半夜醒左又係得媽媽一個理，成件事係幾咁攰幾咁絕望
我覺得呢個已經唔只係同男家親戚相處問題，係樓主老公無尊重媽媽個角色，無人會比媽媽更清楚點先對bb好
1個讚
BB 5個月大，一定好多肉肉又超勁可愛啦
見咁少邊得架！
你結咗婚應該唔係好耐？咁就大壓力，路仲有好長喎
最後果餐唔駛餵，bb好醒時又唔陪佢瞓覺，佢自然唔會諗到要早返屋企做呢d野
呢個ftm既問題真係難幫d，佢係有大男人地方，唔想你做野，而且一心諗住淨係你湊bb，佢就唔駛點理……我建議有機會就俾佢湊下，唔好好似上一代男人咁，日頭返工，返屋企就淨係負責同佢玩，放落而家世代情況好容易出事
簡單d講，試下俾佢放假湊b，換片又好沖涼又好餵奶又好，佢呢d做過，希望可以轉返多d為屋企同bb去諗野
唔會打頭，你講得有道理嘅！ 呢句精要
1個讚
有陣時呢，男人唔食下屎唔得架
下次呢啲時間照去，捉你老公攞一大堆野
「仔一陣要訓教，又要食奶，咁一定要攞多幾條片換啦」保持微笑….
到咁上下時間喇，bb自然扭眼瞓，扭抱，有咁difficult 整到咁difficult
仲要黑心少少，由啊b喊到「依嘩鬼叫」
不過唔好串你老公，淡淡講一句「唉，都話早少少架啦」之後就抱住啊b氹訓覺行開
1個讚
我支持你。我湊兩個都一樣去到邊瞓到邊。為了BB問題，返屋企食飯就兩公婆嘈交，幾咁無謂。8點半走，飯都未落格就話走，真係唔好返去算。重點我地唔知樓主幾耐先返去一次奶奶到，每次坐幾耐？老公點解咁大脾氣？一定有佢原因，我諗只因係返奶奶屋企，如果自己亞媽，一定無問題！
2個讚
Agree.
湊仔唔使太執著, 成世流流長, 到返學之後仲多變數, 要學識變通放鬆, 否則家無寧日。
1個讚
又或者真係試下9點走會點
有時BB既嘢你估佢唔到，可能出咗去瞓遲D又得，又可能喊到拆天
我果個試過兩次都勁喊，搞好耐先瞓，從此老公99個個都就晒BB要早食晚餐
1個讚
一樣，本身同男家冇交惡但自從有小朋友之後真係想同佢地hi bye就算。我bb仲細，一個月多啲！中秋仲話要做節食飯! （我屋企已經叫我唔駛返去今年）帶住bb咁細極唔方便，3個鐘食一次奶又要掃風換片，但99都係要我地返去食飯，諗起就煩！
好簡單，你老公要你就，係因為佢唔需要承受個後果
佢鍾意咪自己返去，我係唔返。佢要帶B返去就跟手自己湊返，唔好又要威但一返屋企掉返個B比個老婆
以後佢湊B多啲佢就會明
男人要你就，99%係因為佢唔係食屎嗰個
2個讚
兩公婆對BB(或者絕大部分事情)都係：一個緊張，另一個覺得好小事。咁睇下邊個頂唔順先。
因食飯而遲返屋企，BB可能遲瞓。我覺得一次半次由尤佢，不過要大家傾掂下不為例。
1個讚
同男家講，你傷口仲痛(順產都有剪會陰嘅傷口，開刀仲一定有傷口),行唔到，今年唔去了，老公堅持，就叫佢自一個帶BB去，正常男人會即時收皮
2個讚
你3個細路得，唔代表人哋嗰個得，我屋企兩個都係一個得一個唔得。
大女bb 時瞓覺一定要喺床瞓，手抱住扭到落床為止。所以佢仲要瞓晏覺時我哋出街都盡量就佢個作息。細女就揹又得bb 車又得，唔可以一概而論。
1個讚
雖然我撐你要就bb 瞓覺時間，不過你又話男家佢話事，你最後又有意見，好似講一套做一套咁。
但我老公已經知我係回復晒好正常…
而且bb滿月時已經見過一次但就佢地黎食飯…
正唔正常你自己知㗎啫，就算傷口好番，餵人奶會塞奶，媽媽唔夠瞓會頭痛頭暈，原因自己執生諗啦。
重點係你唔舒服去唔到，老公要去就自己一打一帶BB去，佢搞得掂就佢贏。
總之男人係咁，佢要你做乜，你畀屎位佢食佢一定縮沙
1個讚