發覺身邊好多人係未生前或小朋友未出世前，都會話希望小朋友健健康康、開開心心成長，唔會追求名校、過份璀谷，但到之後就慢慢見真章，尤其入左比較出名既幼稚園，就會係咁強調自己幼稚園點好點難入，學術幾高，之後再踩你間普通村幼唔得，有d成日口講唔鍾意比較，但其實最鍾意比較就係佢，咩都暗啞底比較，有時應付佢地都覺得好攰，我女比較內歛、定性就覺得佢比較蠢頓，佢地仔女比較活潑就覺得佢地比較聰明，其實每個小朋友長短處特質都唔同，有咩好比呢
5個讚
算啦香港係咁
根本成個大環境就係競爭找上門
如果chill 啲
去外國啲冇咁城市嘅地方會開心好多
又或者
你要識返啲chill啲嘅朋友先啱咀型
8個讚
最感慨係大家本身岩咀形，但慢慢變到成日互相比較
2個讚
好似大人都會成日比較，我有啲朋友係咁
我行我素，人哋講乜都唔理甚至疏遠，對方自然冇癮，自己開心人哋只會妒忌
有時我會踩自己，係咁講到自己好運濟好差，對方feel到你係故意，都會收聲。踩到自己咁仲有乜好比較？
9個讚
重點係你可唔可以做到平常心、左耳入右耳出、釋懷自己嘅小朋友可能有某地方唔夠優秀？
5個讚
如果係老友，我真係試過開聲請佢唔好再將大家小朋友比較，我話好無謂，同埋我真心好介意，如果你想自我感覺良好，唔該去搵其他對手
我仔女喺我眼中係最好
對方就唔敢再講，佢心入面有無再比較我話之佢
除咗比較，仲有一類人，明明大家都係有仔女，有啲人用你仔女嚟打開話題，之後嗰啲時間100%都係講佢仔女點點點，其實佢根本完全無興趣關心你啲小朋友，呢啲我仲憎
7個讚
突破盲腸
其實只要過到自己嗰關
樓主就唔會有以上煩惱
3個讚
成日覺得小朋友天份未發揮到，專長未見到只係時間問題，小朋友咁岩讀書叻天賦高係好彩，咁鍾意認叻咩叻飽佢lor.
我個人偏向童年留白，比空間佢地consolidate, 所以外人睇起黎好hae. 但至少我知自己做緊d咩，亦相信小朋友既能力，咁就夠了。
3個讚
無咩嘅，咪讚下佢果個聰明囉，佢都係想咁姐
2個讚
如果唔係咁friend又無交集無價值嘅關係咪疏遠佢囉，如果逼於無奈要定時見面嘅咪一味讚佢投其所好算，呢啲低層次交流唔使擺心度，呢啲人鍾意ff講啲嘢出黎其實係講畀自己聽，唔使諗咁多㗎！
1個讚
本人小時候就係遇過
一個冇仔女嘅親戚，響度比較d 侄，姨生…etc
其實自己小朋友比人比下去，做家長難免唔開心。呢啲情況成日都會發生，唯有自己睇開啲。而且人哋比較得，通常都係佢哋有信心、叻啲果瓣，佢哋比較都係為刷存在感，令自己自信滿滿，唔通佢屎果樣會揚肚皮比你睇咩。所以唔好咁上心喇。
我奶奶好鍾意比較啲孫，我已經話過佢無數次，但佢改唔到，唔止響親戚朋友面前講，連響班孫面前都比較，又話呢個食飯叻過晒咁多人、果個孫冇讀過N班所以冇咁醒、呢個間學校冇邊個咁好…. 雖然佢只係心直口快冇惡意，但係真係好乞人憎。
最衰係咁會影響班小朋友自信同相處，我最唔滿意係呢樣（我相信其他d阿嫂都係），所以好慶幸佢唔係同我住
6個讚
長輩又唔話得
or 講下之嘛…blah blah blah
試過一次阿女響我面前講表妹壞話，原來奶奶咁同佢講過，我嬲到同老公投訴對住奶奶，我通常都係交返個波比佢。
4個讚
唔駛理，一個字回，啊，就算，我都係咁
當住大人面講嘅就當耳邊風，當住細路講嘅就係返面教材，用嚟教細路。
我啲長老都係咁⋯⋯我會開口叫佢哋靜啲。
奇就奇在有孫先黎比較，唔比較下我以前同學仔咁多興趣班同補習，我就乜都冇
任由自己出口傷人已經係惡意
我會教育佢哋
我有善意提醒佢，話咁比較傷害啲孫感情、做長輩講嘢要諗後果，但只恐嚇到一時，過一排又係咁
1個讚
一來我會疏遠ga，因為做呢類比較嘅人通常比較黑心，淨係比人哋好嘅先講，唔會講自己差啲既野，總之乜都係佢好啲，呢啲人唔會想你好，最好你乜都差過佢佢就開心。所以果斷疏遠，唔洗可惜，人去到唔同階段就係會行唔同嘅路。以前啱傾唔代表永遠啱傾，老實講就算大家志向唔同，其實都冇需要講d 令人難受既野，佢咁做得即係佢都唔想維繫呢段緣分，咁你單方面做咩都冇乜意思。
第二我都會鞏固自己信念，審視自己係咪要行人哋條路。如果唔係嘅話，知道大家行嘅路唔同，就冇乜意思放心入面。
我小朋友都係靜同內斂，需要多時間適應陌生人同環境。我有時都會不自覺比較，都係要不斷提醒自己知道自己要行咩路就開開心心咁行，樂知天命。
其實樓主朋友都唔會開心，鍾意同人比較嘅人永遠都唔會滿足，尤其當佢發現自己都係比下去嘅時候。
1個讚