其實點講呢
心裡面可能會有比較嘅
點解人哋啲仔女細細個就可以做到某啲嘢
我嗰個唔係嘅?
有呢個諗法都係人之常情
但我通常都係會用一個欣賞嘅眼光
自己啲小朋友唔係呢方面叻或者自問冇能耐谷佢哋嘅話，咪睇吓點發揮佢其他潛能囉。而且俾啲留白嘅空間對創意都係好㗎。塞滿schedule 又做到嘅小孩咪就係good at following instruction 囉。長大做一個好員工，咁又點?
呢個世界就係要咩talent都有先得㗎啦。
不過算啦，正如我講，香港太大壓力喇。搵到錢先有樓住，推返前就係要有好工，有好工就要有好成績入好學校。你入咗就少個機會俾我，所以從小就要好癲。
正常人都係會讚人地個小朋友，謙稱自己小朋友未夠叻架。就算係講自己小朋友叻，都唔會話人地個差架。
如果呢d基本禮儀都唔識，我唔會同呢D人做朋友。如果係親人同事，佢係我心入面都無地位，我就當反面教材，記著一有機會就同佢地斷聯絡。
其實我更唔明既係點解有啲家長會踏低自己小朋友。
例如：我個女好蠢，轉數又慢。
你個仔班內頭十名，大個一定係叻仔。
一般兩種情況，
1，同場有其他小朋友表現（學業/課外活動/禮貌/性格）真係差d, 其他家長唔想當事人家長尷尬就咁講自己仔女。
2，過份自謙，其實想人讚，eg, ive league 1st hon入到mnc 都係話佢蠢，變相另一種曬命。
結論係兩種都唔駛太介意，
但我覺得唔駛下下話仔女蠢，最多「不過不失」都夠啦，細路都有自尊心
只可以勸你睇開啲啦！
人哋講咩根本就唔重要，
問題你聽完之後，擺係個心內覺得唔舒服，
現在只不過係幼稚園，
未去到升小學、中學，
去到小學 四、五年級 仲有 精英班，
中學也有唔同科目嘅評核分班，
每一個階段有每一個階段嘅評核，
有得評審嘅自然就會有結果，有成積自然會有比較嘅說話，
你也應該嘗試接受 四面八方嘅 比較話語。
我唔會響小朋友在場下負評佢表現，甚至盡量唔會提佢做成點。我知好多家長鐘意圍埋討論，但正如我都唔鐘意人周圍圍埋講我工作表現有待改進一樣，小朋友聽到佢會點諗？
同意，唔好以為小朋友細個唔識嘢，其實佢地比我地想像中更早開始介意
係,我都有問屋企人點解要咁做。
佢話：呢啲係客套說話啫。
同人soso技巧。
我身邊正正有個一模一樣嘅朋友。
我漸漸遠離佢，依家無見兩年，佢仲日日facebook讚自己個仔。
每樣嘢都比較，一定係佢仔叻過我仔咁。
我仔每次見完我朋友都好唔開心，要花成個星期去輔導自己個仔！
該主題在最後一個回覆創建後30天后自動關閉。不再允許新的回覆。