話說我都唔係好多朋友, 我通常都係做聆聽者
但係發現同朋友出黎食飯
佢都係不停呻呻呻, 當我想講自己野既時候, 佢冇乜反應, 好似聽唔到咁
又冇話關心下我近排點, 好似淨係想人聽佢講野咁
變左出黎食飯, 每次都淨係聽佢訴苦
結果次次食完飯都覺得心很累
大家有冇D咁既朋友?
我諗我下次都唔想再出去啦
食完一餐飯要用多幾日調整心情(可能吸收得太多負能量)
對住呢種朋友應該用咩心態??
5個讚
有，每次都呻番工好忙好辛苦，好多人事問題果啲。
我以前都係咁係屋企唔開心，
會同一個老師好朋友講，
唔知係咪講太多佢覺得煩唔想再聽。
之後就寫日記。
而家變咗會係討論區講，
好小會同屋企人講心事。
1個讚
我有朋友係咁，但佢真係有病要keep 住睇精神科嘅，佢三五七日就放負咖嘞，佢有病已經二十年嘞，來來去去都係個D 問題無限loop ，近十年佢已經好咗好多，可以正常返工（雖然是contract 工，但起碼可以連續一、兩年咁返工）。但放負、厭世感言隔幾日就會出現。
我作為佢三、兩個可以傾訴嘅對象朋友的其中之一，我知道我耐心嘅聆聽對穩定佢個病好重要。不過我自己都有情緒，都有唔想聽佢電話、cut 佢線、扮OT 、扮電話無電嘅時候…，最近我都燥咗好多，好多時好唔耐煩直接鬧佢話佢嘅話題無聊。我諗我都要平靜下，我自己要調節下，因為知道佢自己都唔想煩我，但有時佢係控制唔到自己。
2個讚
有，識左20年既朋友，「需要我」既時候先會搵我，只會呻自己野同利用我，平日無關心過我。
例如同女朋友分手 ，要即刻出嚟陪。
又例如佢工作上需要翻譯，佢覺得我英文好，多年來間唔中就搵我做免費人肉翻譯機，無任何回報，簡單問候都無。
我最近先突然覺悟，終於無再睬佢。
14個讚
我以前有一個. 不過自從佢結左婚就再冇呢個問題了.
我而家一個朋友都冇. 唔知係好事定唔好事
我o個個朋友係結左婚先咁嚴重
呻老公呻奶奶
我諗佢生活得都幾唔開心
係呀. 我都會上討論區講
好耐以前上BE, 高登同連登唔適合講心事
所以而家轉左呢度 
1個讚
如果佢有病, 我反而可以體諒
但我朋友o個種係無病呻吟
同佢提出解決方法, 佢又會話"咁唔得嫁" “你都唔明”
搞到我好無癮
1個讚
咁你呢位朋友又衰左D
其實明知對方利用緊自己, 我都會疏遠佢
有時都好唔開心, 自己好緊張好關心個朋友, 但對方似乎唔會咁諗
1個讚
呻又無，不過一出來就係講自己嘢，完全無興趣聽我講嘢，已疏遠
我都有幾個朋友係咁, 淨係不停講自己野
開始唔知點樣同佢地溝通
但真係慢慢愈黎愈少見
1個讚
我就係傳說之中既朋友 ? 
但我d朋友好似慣左, 特別係我d黑仔野佢地會當笑話聽
有啲人真係好得意喎
傾計時佢講好多嘢,但係一到你講野嘅時候呢佢冇乜反應,學你話齋好似唔想聽你講咁㗎喎
6個讚
呻又未必，單向嘅有
同埋有佢講，人地講就會話 “唔係呀/你唔明/ 其實呢”
傾閒計攪到冇引囉
有呢隻
當你建議又會西面 + 你唔明架啦
呢樣唔得果樣唔得mode
同bd 果條放負友一樣
1個讚
我好怕不停放負嘅人，尤其係甚麼事情都只會走向負面，本來正正常常好普通嘅一件事，都可以諗得好差講到好差，就算你點樣想將佢帶返去正向，佢都只係會停留係負面方向，呢啲人，sorry，我會放棄，因為佢只係吸緊我嘅energy，但又唔會減輕到佢負能量，最後，我只有一個攰字，何必呢？我愛錫自己多啲囉。
而永遠只有佢講無你講，呢種人亦唔會係我朋友，因為根本無交流。
3個讚
冇丫，因為呢啲人做唔到朋友。
1個讚
其實我真係攞個心出來對朋友，要求唔過份咁多年蝕底少少都無所謂。
但呢次真係嬲，半年冇搵我，一搵問候都冇就要我幫佢翻譯，我以為幾句，點知原來係幾百字！
最嬲係，佢話因為我英文好，所以搵我。呢個係咩理由？我英文好，就要老奉幫你？
佢成單job 都有幾萬蚊入袋，連比一千幾百蚊出嚟，搵人翻譯都唔捨得，擺明搵我笨。
7個讚
呢啲人，早日疏遠佢啦。
你都好辛苦
長期聽負，都應該幾難頂