我曾經有一個都幾好嘅朋友係咁
我一路都係一個好好嘅聆聽者，同埋我極少放負
點知到我真係有事時，對方一句我咩仲慘過你… 點點點
自此之後，自己調節心態，唔會再認真理佢，大家關係疏離咗好多
某程度上係好事，物以類聚，我同佢注定不能係同一個圈子生活，做普通朋友lor
最近佢突然神色凝重咁whats app我，叫我借幾萬蚊佢，但又話唔好問原因
當時我覺得：呢個朋友又要帶麻煩比我啦⋯⋯
件事其實好影響我心情ga
最後我話除錢之後外其他嘢我都可以幫手，叫佢有事可以揾我
事後係其他common fd口中得知原來佢都有問其他人借錢，應該係還卡數
我心諗佢大人大姐唔使養父母無家庭得自己一個，一把年紀差不多50歲都仲要係咁，佢仲要2X歲時已經因為還唔到卡數破過產一次… 唉
我想講，你的性格如何，你的命運便如何
佢咁負，只會有負面嘅嘢埋佢身
樓主，有時候朋友都需要斷捨離，大家以前係朋友，但唔代表一輩子都可以係朋友。呢個朋友，我都識咗有1x年，但無得因為咁就攬住佢唔放
其實好多香港人揾人做朋友，都係想「利用」個朋友，覺得你有「利用價值」，先同你做朋友
我試過有sense到有個識咗幾年嘅朋友想「點」我做嘢，我會即刻比佢知道我會幫朋友，但唔使旨意去洗我。呢個朋友對呢樣嘢摸索/試探咗幾次，應該已經知道我嘅底線係邊，自此之後無再試圖去「利用」我，大家見面/傾計就吹水為主
我自問係一個好人，好肯幫朋友，但因為我自尊心好強，如果覺得對方有「利用」我，我一定會態度強硬表明no way，唔會唔好意思
我覺得朋友間無任何利益衝突，友誼先會長久，大家可以一齊飲飲食食吹下水，已經好開心。
勁同意，借錢一定冇朋友
講真，香港地有乜嘢事會攪到債台高築
最多比三幾千救命就算
我認我孤寒，d錢有血有汗架
老老實實還min pay應該都可以渡到日呀
唔明點解要問我借錢
當事人份工絕對唔係1萬幾2萬咁少
咦，我完全無諗過借小小呢樣嘢
我當時只係考量借幾萬 vs 唔借（可能無咗個朋友）
事後得知係卡數，覺得好彩一dd都無借
同我個經歷好似呀
不過我係個識左1x年嘅舊同事
後來我轉左工 大家仍有聯絡
我知佢因為社會事件變得好負面
搵佢唔覆 只可從佢子女得知佢安好
之後佢都轉左工 佢又突然識搵我喇喎
原因同你好似 因為我幫到佢 
仲要唔理我得唔得閒 唔覆msg就狂打俾你果隻
諗住佢真係冇飯開，買米都要錢
或者差幾日就出糧咁
通常以為自己揾得唔少先易攪成咁
覺得自己揾到呢舊錢又可以唔駛咁慳，點知左一舊右一舊就。。。。
這成日覺得今時今日呢樣嘢好難發生…
人地有credit card，如果只係for食嘢，應該都頂到
佢自己有黑歷史，後生就話年少無知，依家幾十歲人都仲搞到咁，同搵幾多未必好有關係
身邊好多朋友後生過佢好多，人工多過佢，家庭負擔大過佢好多，都會鍾意買嘢享受人生，但人地無搞到咁
可能真係卡都爆埋卦
雖然我都唔理解呢d人嘅生活
幫屋企人還債亦有可能
呢個更加無可能
因為佢親人得一個非同住媽媽，無任何兄弟姐妹
媽媽係一個從來唔會係屋企洗頭，只會係出面洗頭set頭的太太
我講我朋友個case
有, 仲次次俾我鬧佢識呻唔識改…
不過同時我都會成日同依班朋友呻, 唔呻會爆㗎!
洗腳唔抺腳，長欠卡數既，真係點借錢比佢都無用。
正常係唔抵幫及唔應該幫。
但礙於人情。。。
有個十幾年老友，佢多年來都係還 min pay過活，終於遇到失業一次過爆煲。
唔幫又唔得，最後濫用職權請左佢返公司，等佢有收入先。之後的佢去攪破產，幫佢比埋申請費，記得萬幾到 (好唔合理，破產都要有錢申請先破到)。
每日返工，包佢早午餐，特登去最平既大排檔叫最平既餐。破產仲想食好飲好，我陪埋你一齊食等你無得出聲。
仲迫佢學理財，幾年後，我走左佢仲係果間公司繼續做。腳踏實地咪好囉，而家結婚生埋細路有車有樓。
我都係，長呻又唔會去改善既人。
只可以叫係認識既人，而唔會係朋友。
我份人接受能力比較高，把聲聽落又好溫和，所以由細到大個個都好鐘意搵我呻
其實我又冇乜所謂，覺得人哋搵我呻都係信我啫，而且幫到人我都開心
不過有時無可避免都會遇到啲極品
例如我最頂唔順嘅係同一個人，半年入面不停搵我去呻同一單嘢，喂大姐你唔悶我都悶啦，對白都講到冇得再講咁滯
又試過有個女仔，我日日夜瞓都聽佢呻，持續咗成個月咁滯，最後佢心情唔好搵嘢嚟挑剔我，最後演變成嘈交，話我唔係真心朋友，我真係有苦自己知
所以我覺得搵你呻嘅人大致上分三種
一，情緒有困擾而唔識得自己排解嘅人
二，想你支持佢認同佢嘅人
三，單純搵你做麻布袋將所有負面情緒扔晒落你度就拍拍屎忽走人嘅人
一同二就睇情況
遇到三嗰種人我而家真係理都廢事理
試過有個朋友次次出嚟都不斷數同事
係d好細微嘅野都要呻一餐
但又唔會關心我
大部分時間都係佢呻
到我分享自己嘅野時
唔夠2句佢又focus返佢自己度繼續呻
真心煩
有一次約多個朋友
點知佢哋2個係同類
真係好很煩，十分煎熬
果次不下十次想早走
自此冇乜再搵佢哋
呻都算
但感受唔到佢哋關心我都係重點
佢太自我中心
完全唔關心你
比我就疏遠佢算
反正呢d朋友要唔要都罷
先處理好自己精緒
才可以關心朋友
否則你會好辛苦
有d 歪理友，真係支持唔落架喎