係
以前我99都係無神神走上來
我未係 99面前爆我老公
我老公 sense 到咩原因
爆咗幾次
我老公同佢媽講 要問我有無空先好上來了
因為我話不速之客來
我未即時出街食 lor
再加上佢本身同佢媽又唔係好 close 怕自己單對單同佢傾計
又未算媽寶
反而係靠我D氣場幫佢避開咗個阿媽
佢多謝我都來不切啦
如果可以和氣解決, 當然係最好.
但中間人一定係要由老公去做, 因目前奶奶只會聽你老公講野.
節瓜湯作戰, 目的係迫使老公作出行動, 唔係懲罰老公.
根據老公既言行, 好明顯佢即使願意配合, 都唔知要做咩野.
首先要表明, 所做既一切係為左佢好. 唔想佢夾係你同奶奶之間難做, 因為你愛佢, 唔係要佢係你同奶奶之間揀一個.
你自己都係! 信自己揀老公既眼光同感情, 而家係奶奶問題, 唔係你既婚姻出問題.
老公一旦表示願意配合, 就要停止節瓜湯, 否則就真係懲罰佢.
之後就係老公不斷係阿媽面前講你好說話, 仲要表現得日子過得好開心.
你見到奶奶上來, 扮都要扮到咩都係奶奶岩, 順佢意按佢意思做, 真係頂唔順就偶然逃走下.
如果奶奶真係關心個仔而唔係純為擺架子的話, 一兩個月內可以預期見到軟化.
節瓜湯作戰失敗既可能
其一: 你老公選擇出街食埋飯先返來, 即係佢逃避問題既傾向比預期中高. 咁可以強硬些開宗明義去同佢傾, 唔使婉轉. 唔改佢逃避既性格, 第時有咩問題隨時得你自己撐.
其二: 一直節瓜湯都唔理照食, 選擇沉默. 即係佢認為自己同阿媽無錯, 係你無理取鬧. 不過因為愛你會忍耐直到你下左道氣. 咁唔使忍住你既委屈, 喊出來令佢心痛喇.
其三: 老公主動發你脾氣, 等同實行美言聽話後, 奶奶仍鐵石心腸. 可以實行各姐妹提供既角力喇, 已經主動示好, 加上錯不在你. 唔係佢地屈服, 就係你以後以淚洗面.
3個讚
早晨…
我有睇大家既留言… 其實我都明白煲咩湯真係唔係重點… 因為真正令我唔開心既係… 我覺得老公唔幫我… 唔係企係我角度去睇…
琴日返左工無見到99… 心情都已經好左好多, 煲左第一晚既節瓜湯… 46似係feel 到我唔開心…但係又無講任何野…
3個讚
襯今晚食隔夜節瓜湯飯好好同佢傾下
要佢知道而一呢個屋企係你同佢兩個，唔歡迎其他人參與，唔鐘意有人自出自入
你先係女主人，鐘意屋企點就點
你先係煮飯果個，你鐘意煮乜就煮乜，唔准多多聲氣
你唔係工人，係老婆
你有手有腳唔一定要靠佢
叫佢自己老母自己搞掂
老母搞老娘，老娘一定爆你
2個讚
我99同你99有啲似，又係好多意見好鐘意comment 我屋企呢樣果樣，煩到爆，次次上親黎都有意見e.g 話我廚房點樣擺位唔好，應該點擺點擺，啲野放邊，連裝蒜頭個盒佢都可以話唔好，煩到痴線。之前我都會忍佢由佢講我聽完就算，而家再係咁我就駁返佢，駛乜比面佢姐！又唔係一齊住！
樓主你新婚，我係你就照直同老公講返感受，唔駛估黎估去，同埋煲一個月節瓜湯其實你老公應該會覺得：下呀媽講一句你就咁？你有冇咁無限放大呀！男人好中意覺得佢呀媽只係“講下姐”你聽完咪算囉，所以比我就直接回應99，再私下繼續同老公表達感受，等佢覺得真係做左夾心人好煩
1個讚
如果老公醒水，就會知道自己群腳令老婆唔開心。
但佢無出聲、唔氹又唔解決問題，似係由得你嬲到夠之後變冇事⋯希望我理解錯。
3個讚
呢啲男人⋯⋯
可以一直扮唔知就唔使氹你
係呀！唔煩到佢佢唔理架
成世人流流長，要盡早攞共識
1個讚
咁你直接講你唔開心啦，二公婆，結左婚先幾日，唔好互相估估下，好多時誤會，心結就係咁樣黎
為左其他人傷感情，好唔抵
1個讚
你老公似係想逃避，因為男人怕煩，佢扮唔知唔理就唔使煩。
對付呢種男人，你黑面、唔出聲、搞小動作（日日節瓜）係無用的，因為佢會一直扮唔知落去。你一定要同老公三口六面講清楚，具體講你點解唔開心，和要老公點做（重點！！），對咁懶嘅人，你只講唔開心，無具體方案比佢，佢只會聽完hea走你。
講完方案就叫佢做，定期feel吓佢有無做，無做就再講，但唔係爆佢，只係跟進啫。
你當自己返工，有個新人（老公），唔識同客搞關係（老婆&阿媽），你要帶新人咁教佢。咁返工唔會一嚟就鬧新人，一開始會慢慢教。
3個讚
我唔開心佢都唔理，激烈既我會折磨到佢投降為止，佢唔使旨意做懶人
1個讚
如果老公唔處理，有個消極解決方法：避開見奶奶。
製造問題嘅人唔出現，大家冇交接，就唔再有問題。佢來坐就出街，唔好有衝突、好聲好氣回應之後閃人。
起碼觀察即節瓜湯多兩晚，老公先會感覺到嚴重性唔解決唔得。佢無哩個想主動去解決既心態，所有野都只會覺得為你而做，唔真心無效果。
到佢主動開口問係咪有咩事，記得唔好爆佢。
坦白說出你既委屈，任情感流露眼淚都流露。
我地都結左婚，你媽媽即係我媽媽，我愛你都會愛埋你親人。。。不過我想珍惜下同你既二人世界，第時有埋小朋友就唔會再有。。。自由發揮。
係觀察老公反應期間，如果奶奶殺上來，已經要開始就晒佢暫時忍耐下，仲要好聲好氣。
你氹下我，我氹下你，總好過你鬧我，我又鬧返你咁過日子。
而家情況未至於好差，仲係新婚期，同奶奶既關係都未成定局。
開心些喇，終於有屬於自己既家庭，同老公一齊好好維護佢。
1個讚
唔好再玩節瓜湯啦
唔開心咪唔好煮飯
出街搵朋友，搵野學
男人就好多時都唔識處理，無從入手，又或者唔想諗
好似我老公都唔識買禮物比我，要我send埋link比佢先識買
如果你表達完教埋佢點做，佢都盲撐佢媽
就止蝕啦
1個讚
一係唸辦法搞好關係, 一係互當透明
俾少少時間大家，
佢都適應新生活中，新婚嘅佢可能都苦惱緊點平衡兩邊。
Feel到已經係好嘅開始，睇下佢會否暗地同99講下。
我個陣都用左一年左右先搞掂我99，
搞掂左就生活輕鬆愉快，當然唔好盡信99當自己係女啦。
我都係嗰句，結婚頭幾日你老公已經可以明知你黑面唔開心都唔出聲，再唔發威你以後幾十年就咁樣過
一定要爆佢，千祈唔好學咩冷靜下，等自己下啖氣就當冇事，你老公最想係咁
你個奶奶唔會比你休息，你老公更加唔會再處理，你唔企硬迫你老公你真係凍過水
5個讚
你性格同我好似，我係任何人都唔會俾面，有道理就會爆，可能有人覺得我不分尊卑，但我覺得要互相尊重，佢尊重我，我都會尊重佢，奶奶唔敢挑戰我，我亦會做好自己本分，我哋關係唔錯。
解決方法唔係個個家庭都work，要睇埋你老公、奶奶受邊套。
1個讚
租間屋比人，業主都無權入住客間屋啦，都要問准租客先入得。99都係一樣，間屋比你地住，就係你地既私人地方，佢無權自出自入，比鎖匙佢都唔可以鐘意就踩上黎
樓主要企硬，佢只會得寸進呎架。
如果係我，我就唔會整節瓜湯，我煮乜就食乜，唔鐘意既就過主。一係就要做盡d，30日餐餐只有節瓜湯同白飯，無其他!
同你隻死佬講，你塊面係黑色架，一向都係咁，想你變白就自己反省下要點做。
1個讚
個老公唔識做，唔氹已經睇得出佢唔緊張樓主，仲要係新婚。