我先唔會日日陪佢食節瓜，我煮一碟節瓜比佢，另外自己整好嘢，佢唔准食，節瓜丫拿，節佢老x啦
開頭已經比佢兩母子踩上心口，以後仲得了？你唔好以為忍下呀，忍得多cancer都有之，我聽過㗎
5個讚
呢個真係死罪，新婚喎仲要，頂氹都唔氹
識話老婆小器唔識話個老母衰格
以我性格，一定搬返娘家，我玩到好大都得
1個讚
佢地除左節瓜之外，冇其他湯了？
節瓜一百味，食到佢夠
1個讚
佢話佢媽淨係識呢d湯
1個讚
你尋日仲有無煮節瓜湯？
都是節瓜湯…
不過琴日佢話自己煮…唔要我煮喎
4個讚
睇左幾日. 樓主真係要好好同先生傾下.
唔係HEA住落去過日子就得.
你同佢都唔正視呢個問題,
只會令大家之間關係越來越差.
剛剛新婚你地都唔想搞到大家心裡有條刺呢.
我明白好多野都好難改.
但我都想你地可以開開心心.
坦誠係夫妻之間好重要.
唔好一味忍. 一定要講出口呀! 加油
我會搵機會同佢傾下…
佢竟然選擇自己煮都唔同你傾，比選擇沉默更頑固。
真係堅持係你無理取鬧，你仲發緊脾氣我咪唔靠你自己煮。
唉，節瓜湯無聲抗議唔得喇。
再唔當面傾清楚真係會傷感情，影響婚姻了。
如果你覺得老公有其他優點/對你好既地方，足夠補償哩方面唔得體貼，就配合佢唔好繼續冷戰。
如果平時都係你照顧佢多，就強勢些爭取主導權。
相拗唔好口，傾時控制下場面。
樓主好慘 
襯仲係新婚蜜月期, 老公仲會肯聽下你講既時候同佢表達返你自己情感啦。有時男人唔單刀直入真係唔明女人諗咩/唔開心D咩。直接同佢講你唔開心D咩, 你唔想你99對你講D咩或者做D咩, 同佢講清楚先, 睇下佢有咩反應再進行下一步啦。
你老公咁痴佢呀媽又真係難搞D 
佢本身有無煮過野俾你食?
你認為佢既動機係乜野?
唔想再睇你煮餐飯無聲抗議?
定係可能想煮番餐飯令你開心番?
係啦~
咁佢分明知道節瓜湯係有問題架啦
但寧願自己煮都唔面對問題
都幾難搞
同埋好似咩情況下都係響老婆面前維護佢老母
佢本身都會自己煮飯食既… 但係我去到因為覺得唔係好岩食…通常都係我煮…
佢根本知有問題…但係唔理
可唔可以無視奶奶存在?
老公一講呀媽意見，即刻stop佢，話唔想比奶奶影響自己心情，兩老婆嘅事自己處理返。
奶奶一出現即刻迴避，或者唔反駁唔反抗唔比反應、甚至放空，佢再講就話集中唔到叫佢講多幾次無限loop，但又由得佢講，可以不理，就好似小朋友發脾氣時用ignore政策咁。
1個讚
哈~呢下正
等睇奶奶自討沒趣 
1個讚
我可以完全扮聽唔到…或者佢一黎…我就入房或者落街
姊妹，自己心理要強大，現時要做嘅係要定婚後第一條嘅規矩：兩老婆嘅嘢自己搞掂。
我都覺得要同佢傾傾…可能直接講,唔暗示了
我6299有時講D野…自己聽當下可以覺得冇野, 但細心諗返其實有時都幾難頂
老公聽完覺得冇野(因為由細聽到大), 但我反映我聽完唔舒服
老公叫我唔好理, 大佬呀, 話唔理就唔理咩… 男人有時就係咁, 複雜簡單化, 因為佢地根本都唔明。
4個讚