我都諗住下次佢上黎我就入房 或者出街
1個讚
你要向阿嫂偷師究竟可以點樣對付呢個99
3個讚
其實無視先係最有用，佢話節瓜湯，你話好，但繼續煲自己湯，佢講咩，你都哦哦哦，但就做返自己嗰套，面都唔駛黑，佢一上黎，就出門口，或者反鎖道門，扮訓著左，記住熄電話，當你真心無視到佢，你就會發現佢做咩都傷害唔到你
5個讚
乖果日打隻咸蛋落D肉碎
我齊，只有一樣係我女家冇錢，不過我阿媽好硬淨，只要我講一句我被男家蝦我老公死得，但冇事冇幹我阿媽好錫我老公，不過源於一樣：我要過得好
我成日同我老公講：你唔好以為我阿媽對你一定好，係有條件，我老公佢都好清楚
樓主，五日已經睇穿咁多嘢，我就唔會客氣，同佢嚟鋪大，直情發癲等佢氹然後傾掂數先，你個勢強以後先有好日子過
你容易放過你老公以後佢仲理你？
不過我唔知你有冇我咁夠膽，我性格衰，我玩到返娘家你搞掂先好搵我，最多離婚，救我一生
五日我豪Q比佢
2個讚
兩樣嘢，睇你做唔做得出：
老公話你小器，一句車埋去：夠你老母小器？點解佢小器得我唔得？我就係要小器，你娶咗我要解決
你換鎖佢比條匙佢媽，你再換，佢再比，你再換，睇下最後點，錢就預咗比，玩到佢投降
6個讚
真係要解決問題，一開錯個頭有排受，如果定形左你係比人食住，就好難翻身，因為成個氣場已經弱左。
其實係大家互相尊重啫，要人尊重自己，先要捍衛自己尊嚴。
1個讚
姊妹，you’re not alone ga。
我99應該比你個位勁，
所以節瓜湯呢，就留番99煲，
我煮簡單食譜，韓式日式泰式乜都試，網上跟鬼嫁blogger食譜煮，唔同99硬碰。睇下老公食乜，投其所好。
執屋唔叻呢，咁就麻煩99啦。
多謝前辛苦後，重要嘢搬番娘家。
家用買家庭用品當然老公俾，反正老公都未必有養你外家。
(然後出去夜一夜先番，問親就番工忙。我有一排日日番娘家食飯，到瞓先番去)
Weekend就辛苦99啦，weekend多休息，唔駛走嚟走去。
黑面同咆哮只係二人相處時做，
對住99，9成笑笑口，俾足臉。
當99做百彈齋主，同動手chau我d野，事同同老公講，第一次就應該係99好奇/唔小心，第二次就99關心我地，第三次就老公你話呢，第五次就如果我媽你岳母咁做，第六七八次就老公你會點保護我。
俾足臉同時間老公意識到問題唔係你小器，而係不斷係咁發生。
到媽寶有進步，習慣二人獨處，新婚樂趣，門鎖日日咁多人出入會壞，換鎖後不如二人世界容易製造小驚喜，大家甜蜜d嘛。
如其他姊妹所言，幫媽寶戒奶。
長遠計，儲錢搬大d，又可以俾99收番層樓收租，一家便宜幾家著。
加油！！
3個讚
成日上來坐點頂，叫老公拆掂佢，老公唔肯唯有事先聲明會叫直接叫奶奶唔好成日上來，到時下逐客令睇下邊個冇面。
如果有人認為間屋唔係你而冇權咁做，要你一世睇人面色冇自己主場，咁你就可以反思下自己有冇嫁左人。
切記：搵一個可以同行嘅人先可以長久
普通雞蛋定鹹蛋？梅花間竹咁落咁就唔怕日日都一樣啦 
有一個問題：冇話女人一定要煮飯
我煮係因為我其他乜Q家務都唔做，打個和
佢唔做我亦唔會煮，要食自己返去佢阿媽度
而且我兩公婆極享受二人世界，奶奶想插手唔使旨意
1個讚
我都係呀
屋企乜家務都唔做架
淨係煮飯架咋 
1個讚
Agree
其實可以做個聰明唔討人厭嘅女人，你咁樣處理問題，正正就係男人最討厭嘅。
男人唔鍾意估估下，有啲咩咪三口六面講清楚佢囉，道理喺你嗰邊，你一係就強硬啲一次過爆佢，同佢講結婚有頭家之後，就係我話事，我點樣做家務點樣煮嘢食屋企幾時有人上嚟係我決定。同埋叫佢同佢阿媽講唔好再自己開門上嚟，最多我哋每一兩個禮拜搵佢食飯。如果你阿媽繼續係咁，我尊重佢老人家唔會當面鬧佢，但我日日都會同你鬧交都會嘈你，煩嗰個係你。
一係你就扮弱者，扮晒可憐係咁喊，話掛住阿媽對你以前點好點好，而家嫁咗人俾人蝦，等佢氹你，然後再set番啲規矩。
你依家一半一半咁，你老公都係講咗一句，你就喺度玩成個月節瓜湯，係呀，你班姊妹班女人一定覺得好型，但你一結婚就玩到咁第時唔好後悔。
8個讚
我都係㗎 x 3
2個讚
如果我係ftm，我當然會做晒家務，但我有返工，點解要我做晒？睬Q佢
我睇到其他回覆都好吃驚，當然呢度好多太太用自己招數係鎮得住個老公同奶奶，但樓主先新婚，老公已明顯唔太幫自己，再玩嘢的話，真係會令老公從此討厭奶奶提過嘅節瓜湯嗎？婆媳關係中唔識智取的話，贏到場交都未必得到老公個心
成件事個湯真係唔係主角，最急切同重要係去教育吓老公，令佢脫離裙腳仔角色，俾佢知自己大個仔喇，仲俾個阿媽痴住自己係咩事？更加唔會奶奶講乜就跟住去做，而家你唔係接奶奶手去跟佢嗰套去幫佢照顧佢個仔（仲要係喺佢監督下），間屋業權係邊個都好，結得婚頭家就係自己嘅，唔好受佢哋影響做到自己咁卑微
8個讚
同意呀
新婚幾日，係奶奶同新抱間的角力戰，雖然老公仲係未識點開口幫老婆講野同做好中間人，但識得問做咩今日得節瓜湯，樓主最好順勢同老公講下自己點解唔開心
我覺得老公同奶奶要「教」的，清楚話俾老公聽自己的底線，亦俾奶奶知道新抱唔係佢的扯線公仔。結左婚就係一家一主，請奶奶唔好過份干涉，一次兩次可以忍，再多干涉就唔客氣了
結左婚，吹枕頭風總比硬碰硬好
1個讚
個老公似係唔想煩成個傳聲筒咁，邊個比到清晰指令佢佢咪做邊樣野囉。奶奶一句你同你老婆講唔使煲湯咁佢收到咪照直講囉。同樣道理，你要佢同返佢阿媽講啲咩，咪照直講囉。喺度玩嘢冇意思，佢只會覺得你煩同痴線。
咪就係囉，為咗個外人影響自己幾十年幸福值得咩。
我記得又係啱啱結婚頭幾個月又係因為佢阿媽第一次嘈交。冷戰嗰幾個鐘我入廚房煮飯，煮好左我唔出聲就咁擺低晒啲餸同碗筷準備食。本身佢見我煮好，諗住攞包公仔麵入去煮，點知行過飯枱見我擺咗兩雙碗筷，佢呆咗咁問老婆乜你煮埋我嗰份咩？你唔係嬲我所以淨係自己煮自己咩。之後佢好感動，係咁話好好味，之後仲即刻心軟道歉同埋所有嘢都易傾好多。
有時女人識做成件事都會好唔同，尤其新婚咩都易傾。玩啲損人不利己嘅無聊遊戲，最後受嘅咪又係自己。
2個讚
我冇興趣同佢智取角力，我只會直接爆我老公(唔係爆奶奶)，比啲氣場我奶奶，一定要立個勢
個老公第一嘢已經幫晒個阿媽，我唔會比溫柔佢，新婚你唔做嘢我同佢死過，你順我意我點溫柔體貼冇問題
我性格係咁，參考啫，冇話啱，但對我好work
1個讚