人地新婚就甜甜蜜蜜,我新婚就黑面幾日

呢D人最好就少D往來, 但問題而家係佢有鎖匙自出自入
比著我會叫老公叫佢唔好成日上嚟/搵地方搬

1個讚

有呀…我媽咪話…而家係人地到… 係咁嫁啦… 你估好似我咁…成日都鍚住你咩… 我岩先同我媽講…打算連續一個月都煲節瓜湯…我媽仲答我… “唔洗日日煲呀麻… 一個星期煲兩三次咪得囉… d湯唔係一日飲得晒嫁麻…你又唔飲” 哎呀… 媽媽真係好鬼馬

6個讚

:joy::joy::joy:
伯母先係高手

4個讚

呢個嫁左入去人地屋企既 concept究竟個社會幾時先肯改

1個讚

我都幾慶幸我有一個溫馨既家

華人社會就係有呢個諗法

可以同老公講下自己個感受:

結左婚反而唔開心(主觀感受,冇得反駁),為左奶奶影響夫婦關係,想比d時間自己觀察下係咪嫁錯人,因為老公個作用唔咪好大,仲停留響做人個仔嘅階段。:point_left:t2:等佢知道你真係唔開心,個嚴重程度已經去到唔一定會同佢行落去(你唔講出口,佢未必知)。

所以要由我地自己去改變Lee d諗法,唔好再將d垃圾觀念灌輸比下一代。

3個讚

嫁咩入門,唔生都仲得,睇下仲有邊個跟你姓 :laughing:
琴日我家姐同我講唔擺酒要派帖,驚無人知嫁咗。
心諗如果換轉個情況係佢結婚,佢老公唔派又會無人知?佢同奶奶住緊咩?
咩年代 :nauseated_face: :nauseated_face: :nauseated_face:真係唔知咁後生都有傳統思想

5個讚

老老實實有啲咁嘅奶奶,今個月玩節瓜,下個月又唔知玩啲乜嘢

希望呢一個月嘅節瓜宴可以令你苦盡甘來,老公快啲醒水,如果唔係都真係幾難捱

1個讚

我老公岩岩已經問我 連菜都唔煮呀? 我答佢係呀 今日淨係滾節瓜湯
我都可以對我自己好殘忍

9個讚

我呀媽當年都係叫我忍忍忍忍忍,直到佢嚟幫我坐月見證住99既pk說話同行為,我媽竟然少有地爆哂粗口,叫我忍屎忍尿都唔好再忍個pk!然後再經歷左好多野,我真心係想帶埋小朋友走架,所以做人要硬淨d,連自己都保護唔到點保護身邊既人?同埋好想你明,人善係會被人欺架,當係變到刀槍不入咁,學到皮笑肉不笑,能夠置身事外食花生,咁到時佢仲怕左你,因為佢唔知你諗乜做乜,你唔出聲突然爆一句佢分分鐘諗足幾日驚足幾日!人性就係咁,尤其女人!

2個讚

比著我以後唔整冬瓜,
要整自己整。

你話你唔岩飲就返亞媽度飲。
我煲個d 係我飲開既,我唔飲開滾湯

比我加多句:「係呀,奶奶叫我煲俾你㗎,佢話節瓜要淋先好食,你試吓似唔似奶奶啲手勢?」跟住日日如是 :rofl::rofl::rofl:

6個讚

娶老婆定請工人?
如果奶奶開聲就叫佢做埋你嗰份,老公開聲叫佢娶老母過世啦!
咁多嘢講我忍5分鐘都同佢開拖。

唔明點解要咁上心,奶奶其實都係外人,比著係我佢講乜當佢唱歌,你嬲佢仲有排玩,你都可以參考吓佢阿哥阿嫂咁咪鬼睬佢,人地做到你都做到

我奶奶開頭都有啲唔捨得個仔,日日打電話來問返唔返去食飯,我就慢慢開始減返去食飯嘅次數,明白佢真係感覺似無咗個仔咁,大家都要慢慢適應宜家係兩頭家唔會好似以前咁

5個讚

唔煮節瓜煮其他野佢以為冇野,側側膊冇件事,日日比佢見到節瓜湯:+1:t2:唔戒奶有排佢飲。

另外可唔可以少d見奶奶?佢上到來即刻話要出去,又可以推飯局,比老公問到就話奶奶令到自己好大壓力,怕會有抑鬱。

Same here :rofl:

我加左隻蛋落去 睇落無咁單薄 本身真係好似水咁 好似好慘

1個讚