n 班小朋友，啱啱9月開始返學，由今個星期開始出門口好困難，唔肯換衫著鞋，唔肯出門口。
明白都未夠一個禮拜，仲係適應期，佢自己都努力緊。想請教大家呢段時間爸爸媽媽有咩可以幫到佢？捱咗三日，媽媽已經頂唔順。 
廢話資訊：
-
知道佢返學嘅時候會掛住媽媽，驚見唔到媽媽所以喊。有同佢講媽媽會喺門口等你放學。但好似暫時無咩用。
-
朝早唔出門口係話想喺屋企，想玩玩具。
開post 主要想請教大家，其次係求安慰。今朝瀕臨發火邊緣，但同個細路發火有乜用呀唉。
感謝各位
1個讚
n 班小朋友咁細個係咁架,好多人要幾個月先可以正常返學
1個讚
我囡去到邊間喊到邊間
依間大個佐讀書好好 自動波
加油!
2個讚
2歲幾3歲係好難搞, 講又唔知明唔明, 鬧可能仲喊勁D
我小朋友無返N班, 返K1就有喊幾日, 2個星期內接受左就無事, 都要佢慢慢接受
1個讚
試下早一晚同佢講定聽日嘅行程,等佢個心定啲
4個讚
多謝各位
我識嘅細路，係完全自動波返學，好奇
又…之前有冇試過playgroup分開？
1個讚
試吓預多D時間出門口 無噉趕你心情會平穩D
同佢講吓學校有歌仔唱 有茶點食
佢遲啲應該會鐘意返學㗎 加油啊
2個讚
出唔到門口係正常
1個讚
明白你心情，雖然我小朋友無返過Ｎ，但返Ｋ１朝朝都要勞氣打杖咁。
1個讚
試吓返學前叫佢搵一個佢鍾意既玩具例如：公仔，話玩具陪你一齊返學，通常都開心啲，差唔多到門口之前就好講比小朋友聽，玩具會係學校門口等你放學，同佢打打氣！
1個讚
之前我仔返K1時
成日喊住唔肯返學
我會盡量同佢講
想唔想同最fd個同學見面
1個讚
我由起身開始播歌仔
Good morning 呀
This is the way to…
有時好D，有時唔得
2個讚
N班係慘啲，要狠心
我都試過一排換衫換鞋好似打仗咁！
姐姐禁住佢手腳，我同佢着衫（但其實小朋友既身體係扭黎扭去，又不停踢
）
所以用多啲時間去準備，趕時間自己又心急又會比較燥一啲
我都會用糖、食物佢氹佢
而且仲會抱佢，但到學校之前一定落地，行入學校！唔好抱到學校門口！
提醒佢「媽咪會幾多點，係邊到接你放學！我會係到等你架（指比佢睇係咩位置）
我哋好快就可以見面！」
安慰既同時又講返學校既生活
又會誇張咁講「嘩！個日我見到老師入面有好多玩具既？你有冇見到啊？好似好好玩咁，你有冇玩過啊？唔知一陣老師比唔比玩呢？」
都係過渡期黎既，加油
3個讚
再次感謝各位幫我加油 
我會每個方法都試下，希望難捱嘅時間快啲過去啦
7個讚
我女K1喊到K3(中間有年半無面授, 其實佢都辛苦), 好在今年小一, 開學幾日都順利.
1個讚
多D同佢睇關於返學既書, 成日提佢放學就返屋企. 佢有安全感就應該唔會咁抗拒.
1個讚
以前番學有個同學仔媽媽都係咁
試下放學搵同學仔一齊食飯 / 公園玩一陣
1個讚
如果係校服裙 試吓讚佢靚女幫佢影吓相 睇吓有冇幫助?
1個讚
我小朋友間幼稚園話如果唔肯換衫返學可以唔換衫直接著睡衣拎校服去學校由老師幫手換
適應期嚟㗎，通常係喺分離果刻會喊，之後就冇事。多啲放學同佢講返學係咪好開心，係咪好多嘢玩。引導佢返學係開心就得㗎喇～
（幼稚園開新生家長會講嘅）
1個讚