自己都放鬆啲
遲到咪遲到囉
Miss都知咩事㗎啦
1個讚
唔係講風涼話
但我個仔當年返N班完全無喊過，本身適應週家長會係學校stand by安撫小朋友，結果第一日返學30mins後老師已經叫我走，第二日直頭叫我走，唔使等。
我係FTM照計小朋友應該會好難分離，但又無。唯一解釋就係我覺得我仔係大b，讀N班時已經2歲8個月（人地做細B已經要讀K1），所以去到某個年紀，小朋友心理自然能夠接受同媽咪分開耐d
你小朋友係幾月B？
當然小朋友性格都會有影響，未必係媽媽你做得唔夠好呀
1個讚
同小朋友講
咦，學校唔係有更多玩具咩？
如果你做一個乖孩子，老師都會獎你玩玩具ga。
如果老師同媽咪講你係乖孩子乖乖返學，媽咪爹地都會買玩具獎勵你ga。
做壞孩子就… 乜都無
1個讚
我就儘量製造美好回憶
放學除了有媽媽，仲有埋美食，等佢返到屋企有得食
同時要不斷洗腦，返學乖乖豬現貨有得食
星期六日媽咪你識do la，唔好買正嘢比小朋友食 小朋友問點解唔買，你就話返學乖乖嘅小朋友返學先會有得食
當然平時都要洗腦返學呢個concept。
我係返學幾個月前已經洗腦小朋友，同小朋友睇返學嘅圖書，希望比個正面印象小朋友。媽媽你依家做都唔遲
1個讚
我仔K1轉左校又要再適應過 
本身都好地地,仲會同我byebye
點知今日遲左少少,門口無哂其他小朋友一齊入去
就爆喊要我送佢去課室門口
我堅持要係正門byebye
最後係比老師夾硬抱走 
1個讚
可以早些少起身落公園玩下先
同埋睇下有冇撞朋友仔一齊返學
1個讚
你試下比佢揀一樣拎埋返學，但入門口前問佢攞返，話放學會比返佢。
1個讚
多謝各位，呢兩日有啲好轉喇，搵到唔同方法氹佢，呢兩日放學都有啲$12 店嘅小玩具比佢獎勵佢，尋日返學前帶佢去公園，今日又比佢擺隻迷你公仔入衫袋。
再次多謝大家源源不絕咁比咁多good ideas 比我。
雖然佢返學嗰程路都有講唔想返學，但係見佢入學校一刻冇情緒崩潰，我覺得佢都慢慢接受緊。同埋佢放學唔想除校服，我估佢唔係太抗拒掛（或者只係唔鍾意換衫？
）
我有pillow talk 問佢，返學除咗見唔到媽媽唔開心之外，有冇其他唔開心，佢話冇… 不過條問題結構有啲複雜，有機會再問就問簡單啲 
有問佢返學其他嘢，但佢好似唔係特別想講
翻到屋企我都比佢攬返夠本。老老實實聽見佢話「唔想返學」我都好質疑自己有冇做錯，自己向來唔鍾意逼人，亦唔鍾意俾人逼，所以將心比己，如果自己反覆表達唔想做一樣嘢之後，都係冇得揀要做，我都會幾灰… 我呢個諗法係咪唔適應用於幼兒？我係咪又開始鑽牛角尖喇
（update：power nap 完睇番，比十個反白眼比自己 
）
返學係必需既，唔好鑽牛角尖
咁快有改善真係好啦
2個讚
小朋友要返學，大人要返工，呢啲係責任，大人唔想返工都要返啦，有啲嘢係要迫出嚟。
唔通佢大個咗話唔想返工，父母就唔可以迫佢，要養佢過世？
唔好再鑽牛角尖。
1個讚
其實兩歲幾人仔，真係未必適合返學，有時同爸媽見既時間都未夠，就要返去同一班陌生人相處，真係有難度。不過係香港，唔返學爸媽又未必湊到。
你可以直接問佢，今日食茶點好唔好味，又或者有冇得聽故仔？再遲啲有勞作仔派返，就貼起屋企當眼處，又讚下佢，等佢知道爸媽好欣賞佢，建立下佢成功感，令佢知道爸媽都好關心佢學校生活。
利申：大仔無讀N直接讀K1（因為公公好肯湊），細既都暫時無
幼稚園都唔係必讀
我知我咁講好另類
但真係有香港人湊住個細路去荔枝窩耕田
日夜都係2公婆自己湊，知識自己教
1個讚
其實我真係好admire 呢啲父母，呢啲小朋友學到好多嘢，唔係淨係書本上既野。幾年前睇咗神奇虎爸（雖然只係電影），覺得home school 如果父母教得好，喺能力同品德修養上面好過主流學生
只不過自己真係冇信心做好老師教好佢
同埋都怕佢第日入唔返主流
但返學主要係學和其他人相處，呢樣係home school教唔到嘅
該主題在最後一個回覆創建後30天后自動關閉。不再允許新的回覆。