因為好驚訝囉
一定1，有2個廁所方便好多 
因為550呎有三房兩廁好驚訝？
咁你可以keep住睇樓，使唔使一賣一買？要就要夾岩時間，好既盤大家都爭。
（3）一定唔考慮，交通無咁方便又out budget。
（1）同（2）就係廁所同大廳之爭，睇你覺得邊樣重要啲。
我好似樓上咁都鍾意大廳，小朋友多地方走動，一家人生活重點都喺個廳度活動，小朋友都好鍾意喺屋企。
廁所就純粹自己由細都習慣一家人爭廁所，又無諗過要多個廁所（硬係覺得間房有廁所好污糟咁
）。
不過如果長住，可能要諗埋小朋友校網，同近唔近心儀學校。
我揀兩廁
我依家一廁，撞正出門口時間，工人唔知清潔緊定去緊廁所關住門，真係想多個廁所方便啲。
準備過一排賣啊！所以而家要睇定邊度好，諗住一賣咗可以即刻買返
我用2廁。好方便。
就係因為由細到大都和屋企人爭厠所，日嘈夜嘈，爭到怕咗，所以先發誓有機會買樓，一定要買兩廁。
1個讚
揀1， 一來2廁好重要，一屋5個人一定會爭廁所
二來私樓好聽d, 投資價值比居屋好
聽聞居屋好難拎去銀行按錢，第時想買多間樓就麻煩好多
會揀私樓+兩廁。五個人一個廁所勁煩，啱啱沖涼/沖到一半有人摧住用廁所會好煩，個肚唔舒服要等人沖完涼先有得用仲煩
2個讚
我會揀2。
我娘家廳大, 細個灘哂D玩具出黎玩都唔會阻倒人, 唔會有人話, 打關斗玩呼拉圈都唔驚撞親。
大小小又可以招呼D 同學仔上去玩, 電腦可放哂喺廳, 唔驚佢做街童或成日縮喺房打機 
依加眼見親戚個廳細細, 佢小朋友灘少少玩具出黎玩, 已經無咩位行, 又鬧佢亂。行快兩步喝住驚佢撞親。明明係因為大人俾唔倒空間, 搞到係小朋友嘅錯咁。
1個讚
係囉！又想個廳大啲，小朋友多啲活動空間，但爭厠所用又係煩！ 所以好難取捨
兩個都係仔的話, 唔洗諗, 揀一廁算。除非換樓, D仔大哂真係放喺到擺~
我兩個女，就係驚佢地愈大，用厠所既時間愈長 你知女仔沖涼梳洗都要一啲時間
一屋加埋工人4條女, 兩廁好D…
2個讚
可能真係要㨂兩廁
以本人和屋企人爭咗廿年廁所嘅經驗，你哋住一廁一定爭崩頭，輕則口角，重則真係會打交的，買兩廁好啲。
我個女中學，成日係廁所勁耐。夜晚十點返到屋企，佢霸左個廁所差唔多成個鐘先出黎，仲有成家人要排隊沖涼瞓覺。
以我賣居屋嘅經驗，真係冇私樓咁易賣。
唔知你個則點樣，調返轉，買2廁，把近廳那個廁改細，少個浴缸，擴大個廳又得唔得？咁會無咁多漏水隱憂