我屋企有4個人住，兩公婆加兩個讀緊幼稚園既小朋友，未來可能請工人姐姐！ 我地住果度太細，想換三房，問下各位意見！而家我住緊唔近地鐵站既居屋，要駁車，而家考慮緊同區三個屋苑
（1）較近地鐵站既三X年私樓，實呎約550呎，三房其中一間係套房，共有兩個厠所，廳就比較細，約130呎左右，有個細會所仔
（2）較近地鐵站既三十年居屋，實呎約600呎，三房一厠，廳較大，約二百呎左右
（3）要駁車去地鐵站既私樓,樓齡未夠20年，有大會所，搭車主要靠小巴同巴士，實呎約700,廳大，有三房兩厠，但呢個budget較貴，而家未夠錢
（1）同（2）比較岩自己budget, 周邊既配套完善附近有街市/公園/公眾泳池等, 我地覺得有兩厠方便啲，唔洗爭厠所，但（1）個廳又細咗好多！ 定等過一兩年，我去做野（而家係全職媽媽） 先換（3） ？ 但（3）唔近地鐵，周邊無（1）（2）咁多配套,麻煩大家俾啲意見
我係咪睇錯??? 
而家我住緊3房1廁，係會無咁方便，但習慣左遷就下都ok，不過你可能請工人姐姐個問題會更大
我打錯，係兩公婆，已改， thx
係囉！就係煩緊需唔需要兩個厠所
一定兩厠，尤其是有工人。試過小朋友內急，工人姐姐沖涼時，要麻煩工人開門讓小朋友解決。
而家換左2厠，好好多。 呢個係實際需要，比活動空間更重要。
啱budget就去馬。等你有工作，樓價又升，有工人開銷每月大慨多7一8千，2個小學生，洗費都多，你出去做野，如果月薪2萬下，都係打個和，無乜錢餘。
近地鐵站係非常重要，要接駁車其實可以唔使諗。
仲要c價錢又貴，你又負擔唔起，梗係寧願快啲搬走去一個舒服嘅地方好過等你出嚟做嘢先搬啦。
有工人必須兩個廁所，屋企太多大人都需要兩個廁所。
True
自住 2
我一定揀2廁
3 暫不考慮
我揀1 雖然廳細小小 但如果樓底高儲物就可以地台收納或全高儲物櫃 不過都好講你入屋感覺 對比吓1＆2邊間舒服啲
屋企多人兩廁一定要有
就算唔多人都減少爭廁所方便好多
二來有小朋友會揀近地鐵
除非你係揸車
我揀1，兩廁重要，私樓都好過居屋(易放啲)
（1）會唔會用個會所仔?未必人人會用
（2）係咪會裝修?個積有冇可能加個廁所?
（3）未夠錢,不在考慮之列
衡量過再決定
一定要兩廁，就算無工人，兩大人兩小朋友，都已經需要兩廁
我會簡(1)
我諗個會所仔最有可能用既係兒童遊戲室，但我未去過，唔知有冇野玩！
而（2）我睇圖則估計應該都加到個厠所仔，但實際要問過裝修師傅先知，同埋驚自己改動會有漏水既問題
自己整多個廁所，就算整到，裝修費會好貴，咁不如一開始就買兩廁嘅屋。
預有工人的話, 我會選一