揀(2), 近地鐵, 交通方便其實私樓同居屋都易放，另外個廳大d, 小朋友活動空間都大d, 會開心好多,
會所仔就睇你用唔用得著(其實好多人都用唔到), 但管理費又貴d
如果管理不善,可能只係比管理費養住班會所職員
只要師傅手勢好溝通好就冇問題
(1) 如果已經完成大維修工程，一定係選擇這個。
（1）同（2）都未大維修
我會揀1, 二廁真係方便好多，尤其有工人之後，同埋小朋友大左，需要廳嘅空間會少啲。
不過樓上講得岩，未做大維修，最好了解下屋苑財政情況，一陣住無耐又要夾一大筆錢
如果一家人早上出門時間相約，兩個廁所好緊要，爭少好多。
利申~一家四口仔女已長大，如果出門時間不同就無乜所謂。
其實裝修要整兩個浴室貴好多~屋企淡喉漏水，兩個廁所全爆裝修中。
1
2 加左厠所，到時個廳，同1差不多。
同埋有漏水和渠位問題，唔一定可以加。
2大2小，無工人都要2厠。
1個讚
我會揀2.居屋呎數大啲，價錢應該平過私樓
慳咗嘅錢會用嚟裝修間屋，間多個細廁所，如果淨係廁所唔裝淋浴，佔位唔會好多
最近買咗樓，都留意緊啲室內設計，發現好多人都會改兩廁，改間屋嘅間隔
同埋搵室內設計師重新規劃過個空間，間屋真係見使好多，見有人480呎間兩廁，個廳都唔覺得好細
不過前提係間屋會長住，先會花錢大裝
（1) 已經卅幾年樓，咁就要問 業主立案法團開會 有冇討論過大維修。
我自己一定選擇廳大
風水考量
廳大風水好d日後再搬好d有望
廳細可以byebye，我唔會考慮
呢個只係我個人喜好
(1) 私樓+2個洗手間, 點都秤先! 其實130呎都唔係好細, 將雜物收埋入房, 保持個客廳企理已好好
會唔會考慮埋其他區？
會唔會選校網？
換樓係咪打算長住？
係既話3x年私樓＋未做大維修會煩d
我睇法同你一樣,我朋友本身貪新樓,住D又係要搭接駁車既屋苑,好快就頂唔順搬左
1個讚
我自己有買過新樓亦都有買過二手樓，絕對唔建議大家買新樓，除非樓齡真係五十幾六十年要大維修（如果係等緊收樓嗰啲六層以下行樓梯嘅唐樓又值得買喎），廿幾30年其實OK新，最緊要係當時起樓嘅時候啲配套真係會好好多，間隔都好好多，唔會好似有新樓嗰啲黑廁黑廚咁。而且好嘅地方都俾人起晒樓啦，新樓啲location一定唔會好得去邊，如果係好好嘅話你都買唔起
身邊啲朋友準備結婚睇到新樓就流晒口水覺得啲裝修好靚，裝修呢啲嘢俾幾廿萬都搞得掂啦，唔應該因為咁而買新樓囉！而且新樓啲水位⋯⋯比發展商賺到你要回本都有排等
7個讚
同意舊好過新，則都好過，近二十年起嘅樓包括私樓間隔牆喺發泡膠。
比我一定揀大廳，個人經驗，小朋友空間多咗就開心咗好多，成日話好中意屋企。
應該唔會㨂其他區，因為想近返我媽，佢間唔中可以過嚟湊孫，我地應該會長住，而（1）同（2）既價錢差唔多，係呎數差50呎左右！ 而如果買（2）,可能會將主人房個入牆櫃同原身個洗手間偷少少位，整多個厠所仔！
做咩咁既表情